Páll í skjóli auðmannsins Helga

Sigríður Andersen, alþingismaður Sjálfstæðisflokksins, ber þess merki að vera grautfúl eftir að hafa verið slegin af í prófkjöri flokksins og þar með út af þingi. Hún er í sömu stöðu og Páll Magnússon alþingismaður sem sundraði Sjálfstæðisflokknum á Suðurlandi og þótti almennt vera til ófriðs innan flokksins. Nú liggur fyrir að Páll hefur fengið skjól hjá Helga Magnússyni, aðaleiganda Hringbrautar, og verður þar með stjórnmálaþátt. Þetta gerðist í framhaldi þess að Páll Skrifaði grein í Moggann þar sem hann hjólaði í formann sinn, Bjarna Benediktsson. Innan Sjálfstæðisflokksins er því haldið fram að Helgi, guðfaðir Viðreisnar, hafi grátið það að Páll hrykki út af þingi en til að nýja sér kosti hans við að kynda elda ófriðar hafi hann ráðið hann á Hringbraut. Nú er spurt hvort Sigríður fái ekki þátt líka til að kynda undir eldunum í Sjálfstæðisflokknum …