Ragnar Þór Ingólfsson, formaður VR, er ekki í náðinni hjá Davíð Oddssyni og þjónum hans á Morgunblaðinu. Ragnar stendur í harðri baráttti við Elvu Hrönn Hjartardóttur um formannsstólinn í félaginu. Morgunblaðið hefur haft sig mjög í frammi í þessum átökum og leynt opg ljóst pönkast á Ragnari. Í gær var birt aðsend grein frá Kristjönu Valgeirsdóttur, brottreknum starfsmanni Eflingar, sem sakar Ragnar um að hafa brotið siðareglur með því að taka afstöðu gegn sér sem félagsmanni VR þegar Sólveig Anna Jónsdóttir rak allt skrifstofuliðið og var dæmd fyrir.
Mogginn lét ekki þarna við sitja heldur birti einkaviðtal við Elvu Hrönn í netviðtali á vef sínum. Viðtalið var túllkað þannig af blaðinu að Elva Hrönn hefði upplýst að hún yrði rekin úr vinnu hjá VR ef hún tapaði slagnum. Andrés Magnússon blaðamaður tók viðtalið og upplýsti þar að Ragnari Þór hefði ekki verið boðið. Sagði hann viðtalið vera innlegg til þess að jafna það hve mikið hallaði á Elvu í fjölmiðlum þar sem hún kæmi ekki sjónarmiðum sínum á framfæri.
Í þessu felast væntanlega þau stórtíðindi að sótsvartur Mogginn er orðinn boðberi réttlætis í umræðunni og sér um að koma þeim á framfæri sem eru í skugganum …