Rósa Björk Brynjólfsdóttir, frambjóðandi VG í Reykjavík, mætti Gunnari Smára Egilssyni, stofnanda Sósíalista, í þættinum Pressunni á Heimildinni. Áberandi núningur var á milli frambjóðendanna sem berjast báðir fyrir pólitísku lífi sínu á jaðrinum í vinstrínu.
Gunnar Smári gerði í því að minna Rósu á þau svik VG að stíga dansinn við Sjálfstæðisflokkinn í sjö ár og veita hugmyndum hægrisins brautargengi. Rósa var áberandi pirruð og kjaftfor þegar hún greip ítrekað fram í fyrir honum og sakaði hann um að fara rangt með og að vera lýðskrumari. Smári svaraði henni af nokkurri yfirvegun.
Reyndar er skiljanlegt að Rósu svíði að þurfa að verja ríkisstjórnarsamstarf Katrínar Jakobsdóttur og Svandísar Svavarsdóttur sem hún hafnaðí sjálf á sínum tíma og yfirgaf VG. Hún gekk til liðs við Samfylkinguna og var kosin varaþingmaður. Rósa reyndi fram á seinustu stund að fá boðlegt sæti á framboðslista Samfylkingar en stökk frá borði þegar það bauðst ekki og skilaði sér aftur heim í VG þar sem iðrandi syndararar og stéttsvikarar eru kjökrandi að gera upp feril sinn með Sjálfstæðisflokknum og lofa að verða aftur vinstri og græn. Víst er að Rósa ber enga ábyrgð á því feigðarflani sem leiddi flokkinn í þá glötun sem nú blasir við …