Sævar sjóðheitur

Sævar Pétursson, framkvæmdastjóri KA, er talinn afar líklegur til þess að taka stökkið og gefa kost á sér sem formaður KSÍ, eins og áður hefr verið fjallað um á þessum vettvangi. Vanda Sigurgeirsdóttir, núverandi formaður, þykir ekki hafa verið afgerandi í störfum sínum og nýtur takmarkaðs stuðnings. Sævar nýtur aftur á móti víðtæks stuðnings innan knattspyrnuhreyfingarinnar. Hann er talinn líklegur til þess að rífa knattspyrnuna upp úr þeirri deifð sem fylgir þeim áföllum sem tengjast meintum kynferðisbrotum sumra af þekktustu knattspyrnumönnum þjóðarinnar.  Sævar hefur rætt af yfirvegun um yfirhylminguna í KSÍ og fordæmt það ofbeldi sem þar átt hefur sér stað. Hann er bróðir Lindu Pétursdóttur, heilsufrömuðar og Miss World 1988. Búist er við tilkynningu frá honum á næstu dögum …