Steingrímur J. Sigfússon, fyrrverandi formaður Vinstri grænna, er ósáttur við sinn gamla félaga Ólaf Ragnar Grímsson eftir að gamli forsetinn birti dagbækur sínar. Steingrímur sagði í Silfrinu að þarna væri um að ræða trúnaðarbrot þar sem ekki hefði tíðkast að bera á torg það sem fer á milli forseta og stjórnmálamanna á hverjum tíma. Fundirnir hefðu fram til þessa verið bundir gagnkvæmum trúnaði.
Í dagbókunum er að finna ýmsar glósur í garð stjórnmálamanna, lífs sem, liðinna. Davíð Oddsson, ritstjóri Moggans, fær verstu útreiðina þar sem honum er líkt við einræðisherra og fantaskapur hans tíundaður.
Svavar Gestsson, sem lést í janúar 2021, fær harkalega umfjöllun sem má rekja til þess að hann samdi um Icesave fyrir Íslands hönd. Samningur fyrrverandi formanns Alþýðubandalagsins þótti vera arfaslakur og var honum hafnað vegna fyrirvara Ólafs Ragnars. „Sumir eru fallnir frá sem geta ekki svarað fyrir sig,“ sagði Steingrímur J. sem þarf að þola að vandræðagangur hans með Ögmund Jónasson, fyrrverandi félaga hans, er tíundaður í dagbókunum.
Hann taldi hugsanlegt að bók Ólafs myndi hafa áhrif á forsetaembættið til framtíðar. Honum væri þó sama um það sem fyrrverandi forsetinn hefði eftir honum sjálfum í bókinni.
Upplifun Steingríms af Icesave-málinu er gjörólík því sem Ólafur lýsir í bókinni. Steingrímur sagði forsetann enn ganga enn fyrir þjóðsögu um að hann hafi forðað Íslandi frá gjaldþroti, þegar raunin væri sú að snemma hafi verið ljóst að málið myndi leysast með eignum gamla Landsbankans …