Lítið hefur farið fyrir Sigríði Ásthildi Andersen, fyrrverandi dómsmálaráðherra Sjálfstæðisflokksins, eftir að hún hvarf af þingi í kjölfar afsagna sinnar sem dómsmálaráðherra eftir hneykslið við skipun landsréttardómara. Sigríður, sem er menntuð sem lögfræðingur, lagði inn réttindi sín eftir að hún fór á þing. Hún leysti út eftir að þingsætinu sleppti. Ekki virðist vera mikið um verkefni ef litið er til þess að nú hefur hún sótt um að komast í skjól ríkisins sem ráðuneytisstjóri í fjármálaráðuneytinu. Hún er þekkt fyrir baráttu sína gegn ríkisumsvifum og gæti nýst vel í ráðuneytinu.
Sjálfstæðismenn eru þekktir fyrir að gera vel við sitt fólk eins og berlega kom í ljós þegar Bjarni Benediktsson, formaður flokksins, skipaði Svanhildi Hólm Valsdóttur, fyrrverandi aðstoðarmann sinn, sem sendiherra Íslands, í Washington DC. Sigríður þarf nú á greiða að halda frá flokknum og Kolbrúnu Þórdísi Reykfjörð Gylfadóttur fjármálaráðherra. Óljóst er þó hvort hún fær starfið þar sem hún hefur verið óþekk og miskunnarlaust gagnrýnt eigin forystu eftir að hún hrökklaðist af þingi. Inneignin í spillingarbanka flokksgæðinga er því ekki mikil …