Sigmundur Ernir tekur stökkið

Sú ákvörðun Þórhalls Gunnarssonar, dagskrárstjóra Stöðvar 2, að grafa fréttir stöðvarinnar í myrkri útvarpsins þykir vera vafasöm og líkleg til að skaða fremur en að bjarga bágum fjárhag. Víst er að mjög fækkar í þeim hópi sem vita af tilvist Stöðvar 2 þegar fréttirnar eru lokaðar. En svo eru aðrir sem sjá tækifæri í þessu. Sigmundur Ernir Rúnarsson, sjónvarpsstjóri Hringbrautar, var snöggur til og boðaði að fréttaþáttur yrði á stöðinni klukkan 18:30 eða í sama tímaramma og fréttirnar eru á Stöð 2. Hann er þar með kominn í beina og harða samkeppni við vin sinn, Þóri Guðmundsson fréttastjóra. Sigmundi leiðist ekki að gefa Stöð 2 selbita en hann var árum saman varafréttastjóri en loks sniðgenginn þegar staðan losnaði. Víst er að á Stöð 2 lagast ekki hausverkurinn við þessi tíðindi úr sjónvarpsheiminum …