Það er hægt að gagnrýna núverandi borgarstjórnarmeirihluta í Reykjavík fyrir ýmislegt og í raun er vandræðalega mikið sem hægt er að setja út á þegar kemur að hvernig borginni er stjórnað. Þess vegna er stórundarlegt að Hildur Björnsdóttir, oddviti Sjálfstæðismanna í borginni, skuli hreinlega skálda upp skandal til að koma höggi á andstæðinga sína.
Hildur sagði frá því fyrir helgi að borgin hafi nýlega keypt snaga fyrir einn grunnskóla borgarinnar og hafi þau kaup og uppsetning kostað 12 milljónir króna. Þegar fjölmiðlar skoðuðu málið betur kom í ljós að snagarnir og uppsetning á þeim kostuðu þrjár milljónir króna og hinar milljónirnar fóru í aðrar nauðsynlegar framkvæmdir í skólanum.
Því er ljóst að annað hvort hafi borgarfulltrúi viljandi blekkt borgarbúa eða kynni sér ekki málin vel. Hvort teljist vera verra verður svo hver og einn að ákveða fyrir sig …