Mogginn heldur áfram herferð sinni á hendur Ingu Sæland og Flokki fólksins með uppslætti dagsins þar sem því er lýst að Samtök skattgreiðenda skori á ríkissaksóknara að hjóla í þá sem hafa ólöglega fengið styrki úr ríkissjóði vegna stjórnmálastarfs. Flokkur fólksins er þar efstur á blaðið og verður gjaldþrota ef til þess kemur að hann þurfi að endurgreiða. Vandinn er sá að Sjálfstæðisflokkurinn hangir á sömu spýtunni rétt eins og VG. Öll þessi samtök eiga sameiginlegt að glíma við formgalla vegna umsókna sinna.
Samtök skattgreiðenda eru einkar dularfull skúffusamtök sem spretta stundum upp og fá gjarnan athygli í Mogganum. Skafti Harðarson er sagður formaður þeirra og með honum í „stjórn“ eru Ragnhildur Kolka og Lýður Þorgeirsson. Skafti þessi er lítt þekktur en Ragnhildur er helst þekkt sem virk í athugasemdum.
Samtökin eru sjaldnast tekin alvarlega af öðrum en Mogganum sem er málgang hinnar umdeildu Guðbjargar Matthíasdóttur, auðkonu í Vestmannaeyjum, og fær himinháa ríkisstyrki til að breiða út boðskapinn.
Flokkur fólksins hefur efasemdir um að Mogginn eigi siðferðilegan rétt á styrkjum og vísar til falsfrétta í þágu auðvaldsins í Vestmannaeyjum. Þá hefur Logi Einarsson menntamálaráðherra sagt að eðlilegt sé að lækka þak á styrkjum til fjölmiðla og skerða þannig Moggann sem fær mest allra ásamt Sýn …