- Auglýsing -
Skúli Mogensen, stofnandi Wow, var í einkar læsilegu helgarviðtali við Fréttablaðið þar sem hann gerði upp fall flugfélagsins.Skúli dregur fátt undan þar sem hann fjallar um áfallið sem hann varð fyrir. Þunglyndi hans var slíkt að hann bauð Grímu Björg Thorarensen, nýrri eiginkonu sinni, að fara frá sér úr svartnættinu en hún ákvað að standa með honum í gegnum þykkt og þunnt. Skúli viðurkennir fúslega mistök sín í rekstrinum og fer í gegnum aðdraganda og eftirmál gjaldþrotsins sem var mörgum sársaukafullt. Sjálfur segist hann hafa tapað öllu sínu og enn vera að gera upp skuldirnar. Viðbúið er að víða hafi blikað tár á hvarmi við lestur viðtalsins sem örugglega færir Skúla samúð í raunum hans …