Þorsteinn Már Baldvinsson, forstjóri Samherja, er einkar snjall þar sem kemur að því að sameina fyrirtæki undir Samherja og tengd fyrirtæki. Það er fyrir löngu skráð á spjöld sögunnar þegar hann komst yfir flaggskip Vestfirðinga, Guðbjörgu ÍS. „Guggan verður áfram gul og gerð út frá Ísafirði,“ lofaði hann við yfirtökuna. Framhaldið þekkja flestir. Skipinu var flaggað út og útgerð þess hvarf frá Vestfjörðum.
Þorsteinn Már og félagar í Samherja fara með ráðandi hlut í Síldarvinnslunni í Neskaupstað sem er komið á fremsta hlunn með að yfirtaka sjávarútvegsfyrirtækið Vísi í Grindavík. Fullyrt er að Vísir verði áfram í Grindavík og hagsmunir bæjarbúa séu í fyrirrúmi. Fannar Jónasson, bæjarstjóri í Grindavík, virðist fagna þessu rétt eins og Kristján Þór Júlíusson, þáverandi bæjarstjóri Ísfirðinga, gerði þegar Guggan átti að vera gul áfram en skipti snarlega litum …