Björn Þorláksson, blaðamaður og frambjóðandi, stendur í nokkru ströggli við að fá umfjöllun um nýja bók sína, Besti vinur aðal. Nú er komið á daginn að Björn er ekki í náðinni hjá Agli Helgasyni, umsjónarmanni Kiljunnar á Ríkisútvarpinu, sem hefur lýst því afdráttarlaust yfir að bókin fái ekki inni í þættinum. „Hans vinnustaður er gagnrýndur í bókinni. Það er langöruggast fyrir fólk að láta eins og þessi bók hafi ekki komið út og það hefði tekist að láta eins og hún hefði aldrie komið út ef ég ætti ekki öflugt facebook-bakland,“ skrifar Björn og hefur á skýringu á reiðum höndum að þarna sé á ferð spilling Egils og einhverskonar vinavæðing.
Egill svaraði Birni og bendir á að Kiljan sé umfram allt vettvangur fyrir kynningu á skáldskap.
„Ef Kiljan er skoðuð má sjá að þátturinn fjallar einkum um skáldskap og stundum bækur sem tengjast einhverjum fræðum sem yfirleitt fá lítið rými í fjölmiðlum – já jafnvel þjóðlegum fræðum, neftóbaksfræðum. Það er sviðið sem er markað í þáttunum og hefur ætiíð verið. Margir aðrir staðir til að tala um pólitík – hún er út um allt í okkar samfélagi. Og hvað varðar einhverja gagnrýni á Rúv, þá fer það nú varla að hafa áhrif á mig,“ skrifar Egill.
Einhver spurði hvort Ólína Þorvarðardóttir hefði ekki fengið inni í þættinum með spillingarsögu sína, Spegill fyrir Skuggabaldur. Þá er vitað að Óttar Sveinsson metsöluhöfundur hefur fengið umfjöllun hjá Agli um Útkallsbækur sínar sem eru raunveruleikasögur og rokseljast.
Skýring Egils um skáldverk heldur illa vatni og virðist vera skáldskapur. Meðal rithöfunda og útgefenda er talið farsælt að vera í góðu sambandi við bókmenntapáfann …