Starfslokum Jóns fagnað

Jón Gunnarsson dómsmálaráðherra er líklega óvinsælasti ráðherra þjóðarinnar þessa dagana. Hann hefur sýnt fádæma hörku gagnvart hælisleitendendum og lét í veðri vaka að samhljómur væri meðal ráðherra um að senda hartnær 300 hælisleitendur til Grikklands og þannig út í fullkomna óvissu. Nú er komið á daginn að það er fráleitt samstaða meðal ráðherra. Gríðarlegur titringur er í grasrót Vinstri grænna vegna þessa. Guðmundur Ingi Guðbrandsson ráðherra vinnumála hefur stigið fram og fordæmt áform Jóns. Nú er búið að skera niður fjölda hinna óvelkomnu gesta Íslendinga sem fleygja skal úr landi niður fyrir 200. Jón var skipaður ráðherra tímabundið og á að víkja á miðju kjörtímabili fyrir Guðrúnu Hafsteinsdóttir alþingismanni sem hefur á sér gott orð. Einhverjir telja niður dagana þar til Jón stendur upp úr ráðherrastólnum …