Stefán Einar Stefánsson, blaðamaður Moggans, er hataður af stórum hópi fólks í vinstrinu eftir að hann afgreiddi Þórð Snæ Júlíusson, frambjóðanda Samfylkingar og kvenhatara, út af borðinu og gerði út um stjórnmálaferil hans í eitt skipti fyrir öll. Stefán, sem hefur verið uppnefndur sem siðlausi siðfræðingurinn, hefur fengið yfir sig bylgju hatursfullra skrifa.
Bent er á að siðfræðingurinn sitji um pólitíska andstæðinga Moggans og reyni að koma á þá höggi en mali sem köttur yfir rjómaskál þegar hann ræðir við þá sem eru þóknanlegir hýsli hans. Þannig fengu Bjarni Benediktsson, formaður Sjálfstæðisflokksins, og Sigmundur Davíð Gunnlaugsson, formaður Miðflokksins, viðtöl sem einkenndust af lotningu á meðan hart hefur verið sótt að öðrum.
Margir leggja til að Stefáni E. verði slaufað og málsmetandi fólk hætti að mæta í þátt hans, Spursmál í stað þess að láta pönkast á sér. Seinasti þáttur bar þess merki að fækkað hafi um fína drætti þar sem viðmælendur voru að uppistöðu Moggamenn með fortíð sem ekki var flaggað …