Stefán E. Stefánsson, blaðamaður Morgunblaðsins, á erfitt uppdráttar eftir að hann fletti ofan af Þórði Snæ Júlíussyni og kvenfyrirlitningu hans. Flestir eru sammála um að soraskrif Þórðar hafi átt erindi fyrir almenningssjónir. Á móti kemur að Stefán hefur hjalað við fótskor sjálfstæðismanna og þeirra sem liggja nærri flokknum í skoðunum. Þar hafa engar aftökur átt sér stað.
Mogginn hefur um langt skeið lagt Dag B. Eggertsson í einelti og jafnvel ýjað að því að hann eigi að fara í fangelsi fyrir að hafa grínast með það að kjósendur Sjálfstæðisflokksins ættu að strika sig út og þar með ógilda atkvæði sitt. Kristrún Frostadóttir, formaður Samfylkingar, hefur fengið sinn skerf af óþverra frá Mogganum.
Fæstir hafa lengur áhuga á því að mæta til Stefáns E. eða Moggans. Þetta mátti glöggt sjá þegar boðað var til oddvitafundar á Selfossi. Þar mættu aðeins vildarvinir Morgunblaðsins. Víðir Reynisson, oddviti Samfylkingarinnar, Guðbrandur Einarsson, oddviti Viðreisnar, Hólmfríður Jennýjar Árnadóttir, oddviti Vinstri grænna, Týr Þórarinsson, oddviti Pírata, Ásthildur Lóa Þórsdóttir, oddviti Flokks fólksins, og Unnur Rán Reynisdóttir, oddviti Sósíalista, létu ekki sjá sig og slaufuðu Mogganum og Stefáni.
Guðrún Hafsteinsdóttir, oddviti Sjálfstæðisflokksins, Sigurður Ingi Jóhannsson, formaður Framsóknarflokksins, og klaustursveinn Miðflokksins, Karl Gauti Hjaltason, mættu aftur á móti. Fundurinn floppaði þar með og þeir gestir sem mættu fengu lítið fyrir sinn snúð annað en hjal ríkisstjórnarflokkanna.
Nýjasti þáttur Spursmála ber þess merki að strákurinn Stefán er sprunginn. Enginn málmetandi pólitíkus mætti og þátturinn einkenndist af fabúlerandi álitsgjöfum …