Dagur B. Eggertsson, fyrrverandi borgarstjóri, hefur fátt unnið til saka þegar horft er til spillingar. Hann er sakaus sem hvítvoðungur í samanburði við Bjarna Benediktsson, formann Sjálfstæðisflokksins, sem lengst af sinni starfsævi þræddi refilstigu á milli stjórnmála og viðskipta.
Morgunblaðið er þekkt fyrir að taka slaginn með Sjálfstæðisflokknum og reyna sem kostur er að sverta alla þá sem geta skákað flokknum. Skrímsladeildin á sér heimahöfn á Morgunblaðinu þar sem Andrés Magnússon, umsjónarmaður minningargreina, er gjarnan talinn vera einn helsti hugmyndafræðingurinn ásamt skósveini sínum. Stefáni E. Stefánssyni spyrli.
Skrímsladeildin hefur staðið í stórræðum undanfarið. Nýjasta útspil hennar var subbuleg og dylgjum hlaðin auglýsing á mbl.is þar sem veist er að Degi B. og gefið innistæðulaust til kynna að hann sé ráðherraefni Samfylkingar. Ábyrgðarmaður er einhver Hilmar Páll Jóhannesson. Áður hafði Mogginn djöflast á Degi og uppnefnt hann sem orlofssugu fyrir að hafa safnað upp sumarleyfisdögum um árabil.
Mogginn og Davíð Oddsson ritstjóri gleyma því vísvitandi að sjálfur var ritstjórinn á sinni tíð sem borgarstjóri ein afkastamesta orlofssuga lýðveldistímans á Íslandi og var langt yfir Degi í siðleysinu …