Meint skattsvik Sigríðar Daggar Auðunsdóttur, fréttamanns Ríkisútvarpsins og formanns Blaðamannafélagsins, hafa verið til umræðu í fjölmðiðlum. Sigríður Dögg er sökuð um að hafa ekki talið fram háa fjármuni sem hún og eiginmaður hennar, Valdimar Birgisson, bæjarfulltrúi í Mosfellsbæ, fengu frá Airbnb vegna leigu á íbúðum.
Málið þykir vera viðkvæmt fyrir Ríkisútvarpið sem áður hefur gert sambærileg undanskot að fréttaefni en nefndi ekki mál starfsmanns síns þegar það kom fyrir sjónir almennings.
Boggarinn umdeildi, Páll Vilhjálmsson, hefur farið mikinn í málinu og segir Sigríði hafa svikið undan allt að 100 milljónum króna sem er líklega ofmat. Jafnframt hefur Páll birt fundargerð stjórnar RÚV frá 27. september þar sem fram kemur að útvarpsstjóri var spurður um meint skattsvik. „Útvarpsstjóri kvaðst hafa rætt við starfsmanninn og taldi ekki þörf á því að málið yrði skoðað nánar,“ segir í bókun. Þar með hefur Stefán Eiríksson tekið ábyrgð á starfsmanni sínum.
Mannlíf hefur margsinnis spurt Sigríði Dögg í smátriðum um málið en hún hefur hunsað spurningarnar og svarar engu. Nokkrir fjölmiðlar virðast hafa slegið skaldborg um formann sinn og leyfa málinu að hvíla í kyrrþey. Óljóst er hvort stjórn Blaðamannafélagsins hefur verið upplýst og tekur þannig einnig ábyrgð á formanni sínum …