Laufey Lín Bing Jónsdóttir er vinsælasti íslenski tónlistarmaðurinn um þessar mundir ef miðað er við hlustendatölur á streymisveitunni Spotify og komast aðrir íslenskir tónlistarmenn og hljómsveitir ekki með tærnar þar sem hún hefur hælana.
Oft er samt erfitt að bera saman tölur úr streymisveitum við plötusölu fyrri tíma en líklegt má telja að Björk Guðmundsdóttir sé í sögulegu samhengi eini íslenski tónlistarmaðurinn sem gæti mögulega verið stærra nafn í bransanum. Á sínum tíma var Björk á lista tímaritsins Time yfir 100 áhrifamestu einstaklinga heimsins, tilnefnd til Óskarsverðlauna og fleira í þeim dúr.
Það verður samt að segja að Laufey er heldur betur byrjuð að mynda góð tengsl við rjómann í poppbransanum í Bandaríkjunum því í veislu sem tímaritið Variety hélt fyrir stuttu sást söngkonan skemmta sér konunglega með Olivia Rodrigo og Charli XCX en þær eru báðar með vinsælustu tónlistarmönnum heims í dag …