Málefni trillukarla og þeirra sem vilja úrbætur á kvótakerfinu eiga ekki upp á pallborðið hjá alþingismönnum. Grétar Mar Jónsson, fyrrverandi skipstjóri og alþingismaður, og félagar hans stóðu fyrir fundi í Kópavogi í gær um villigötur Hafrannsóknastofnunnar og málefni trillukarla, sem í sumar þurftu að hætta veiðum um hábjargræðistímann þegar Svandíks Svavarsdóttir sjávarútvegsráðherra kiknaði í hnjánum. Rúmlega 50 manns mættu til að hlýða á framsöguræður um það sem brennur á fólki í þessum efnum.
Meðal þeirra sem tóku til máls var Magnús Jónsson, fyrrverandi veðurstofustjóri, sem gagnrýndi vísindin að baki fiskveiðiráðgjöfinni sem hefur engu skilað um áratugaskeið. Magnús upplýsti um undirliggjandi hótanir og að á sínum tíma hefði hann hætt að gagnrýna kvótakerfið til að Veðurstofunni yrði ekki refsað með því að skera niður fjárveitingar.
Athygli vakti að eini alþingismaðurinn sem mætti á Kópavogsfundinn til að hlýða á þessar raddir úr sjávarútveginum var Inga Sæland, formaður Flokks fólksins. Hún lýsti stuðningi við málstað trillukarla og var ákaft klappað lof í lófa …