Þegar Davíð hraunaði yfir Tryggva

Tryggvi Gunnarsson, fyrrverandi umboðsmaður Alþingis, gerir upp feril sinn í viðtali við Stundina þar sem margt áhugavert kemur fram. Meðal annars rifjar hann upp símtal við fyrrverandi forsætisráðherra. Davíð Oddsson hringdi í hann, ævareiður og hraunaði yfr hann, vegna þess að Tryggvi hafði gert alvarlegar og rökstuddar athugasemdir við skipan Ólafs Barkar Þorvaldssonar, frænda Davíðs, sem hæstaréttardómara. Símtalið var ógnandi og komst í fréttir DV á þeim tíma. Afleiðingin var sú að Davíð var kallaður á fund forsætisnefndar Alþingis og látinn skrifa undir skjal um að ekkert í þessa veru myndi endurtaka sig. Þetta var einskonar nálgunarbann. Seinna reiddist Davíð aftur þegar umboðsmaður gerði athugasemd við skipun Þorsteins, sonar hans, sem héraðsdómara. En hann hringdi ekki í það skiptið …