Þöggun Þórðar

Þórður Snær Júlíusson, ritstjóri Kjarnans, fær á baukinn í Staksteinum Moggans í dag. Eins og svo oft áður er það Páll Vilhjálmsson framhaldsskólakennari sem hefur orðið undan pilsfaldi Davíðs Oddssonar ritstjóra. Að þessu sinni er það meint hræsni Þórðar sem er til umræðu. Rifjað er upp kynferðsbrot á ritstjórnarskrifstofu Kjarnans þar sem hluthafi braut gegn blaðamanni miðilsins. „Þórður Snær Júlíusson ritstjóri vissi af brotinu en þagði,“ skrifar Davíð eftir Páli. Félagarnir hafa svo eftir Þórði að það sé „alltaf þolenda að ákveða í hvaða farveg brot gegn þeim fara.“ Svo má greina Þórðargleði þeirra þegar bent á þá tvöfeldni sem felist í skoðun Þórðar á því að Guðni Bergsson fyrrum formaður KSÍ virti trúnað við þolanda kynferðisbrots þegar hann sagði ekki opinberlega frá afbrotinu. „Alveg eins og Þórður Snær fyrir þremur árum …“.