Hvalveiðibann Svandísar Svavarsdóttur matvælaráðherra er á góðri leið með að enda líf ríkisstjórnarinnar. Allt logar vegna ákvörðunar ráðherrans sem sviptir að sögn um 200 manns tímabundinni atvinnu í sumar. Mesta reiðin er innan Sjálfstæðisflokksins þar sem boðað er til þingflokksfundar vegna málsins. Framsóknarmenn eru rólegri en Sigurður Ingi Jóhannsson formaður hefur afdráttarlaust líst andstöðu sinni við framgöngu Svandísar.
Athygli vekur að enn sem komið er hafa hvorki Bjarni Benediktsson, formaður Sjálfstæðisflokksins, né Katrín Jakobsdóttir tjáð sig um hvalræði Svandísar. Allt bendir til þess að Katrín hafi verið með Svandísi í ráðum. Það þýðir jafnframt að snöggkólnað hefur milli Bjarna og Katrínar sem fram að þessu hafa verið nánast eins og símastvíburar í þeim pólitíska línudansi að halda jafnvægi og gera nánast ekkert sem getur stuðað á hinum andstæðu pólum. Eins og staðan er í dag verður að teljast líklegra en ekki að líf stjórnarinnar sé á enda og VG á leið í stjórnarandstöðu …