Þögnin um brotthvarf Eggerts

Mörgum brá í brún þegar tilkynning barst til Kauphallarinnar um að Eggert Þór Kristófersson, framkvæmdastjóri Festar léti af störfum. Eggert er vel liðinn og hefur skilað félagi sínu gríðarlegum hagnaði, sannkallaður draumaforstjóri. Gefið var til kynna að hann ætlaði að hætta af eigin frumkvæði. Eggert hefur haft sig í frammi í málum tengdum MeToo og fordæmt framferði þeirra sem stigið hafa yfir mörk í samskiptum við konur. Stórir eigendur í Festi, Þórður Már Jóhannesson og Hreggviður Jónsson, eru einmitt í þeim hópi manna eftir pottaferð við sumarbústað í Borgarfirði þar sem viðskiptajöfrarnir voru naktir og misbuðu Vitalíu Lazerova með framferði sínu. Báðir öxluðu þeir ábyrgð og viku úr stjórnum vegna málsins. Aftur á móti er fullyrt að Eggert hafi ekki verið vært í starfi eftir uppákomuna og hann hafi ekki á endanum ekki séð sér fært að starfa áfram. Hann hafi því gert starfslokasamning til tveggja ára sem feli í sér að hann megi ekki tjá sig um ástæður starfslokanna. Þöggunarsamningur af þessum toga er alþekktur í viðskiptalífinu. Vitalía þakkaði Eggerti fyrir stuðninginn í framhaldi af frétt Mannlífs um málið um helgina og sagði hann vera einn fárra sem hefðu hlustað á hana …