Kristrún Frostadóttir, formaður Samfylkingarinnar, fordæmdi í gærkvöld og fyrirgaf skrif Þórðar Snæs Júlíussonar, frambjóðanda og fyrrververandi ritstjóra, sem komust í hámæli í þættinum Spursmál.
Leynikrifin fólu í sér kvenhatur og barnaníð var haft í flimtingum. Þá veittist Þórður harkalega að Rannveigu Rist, forstjóra Alvcan, úr launsátri og og hrakyrti Kolbrúnu Bergþórsdóttur blaðamann. Þórður lét í ljós iðrun á Facebook og stillti málum þannig upp að hann hefði verið fast við barnsaldur.
Fjöldi manns settu athugasemdir inn á síðu Þórðar Snæs þarf sem þeir hvöttu hann til dáða og fordæmdu Stefán Einars Stefánsson, spyril Moggans, og aðra þá sem höfðu fjallað um níðskrif Þórðar. Á meðal þeirra sem töldu Þórð vera fórnarlamb er baráttukonan Jóna Dóra Karlsdóttir, eiginkona Guðmundar Árna Stefánssonar, formanns Alþýðuflokksins, sem í athugasemd veittist að fólki sem ekki vildi samþykkja hroðann. Fleiri vildu skjóta sendiboða tíðindanna. Þeirra á meðal er jólabarnið og söngvarinn Pálmi Gunnarsson sem í aðdraganda aðventunnar talaði um skítadreifara.
Kristrún gaf út yfirlýsingu í gærkvöld þar sem hún fyrirgefur Þórði og segir Samfylkinguna vera í fararbroddi í samfélaginu á sviði jafnréttismála og ætli að vera það áfram. Skrif Þórðar endurspegli í engu stefnu flokksins. Hún gefur honum annað tækifæri vegna þess að þessi skrif séu skrifuð fyrir 20 árum.
Einar Kárason rithöfundur spyr í athugasemd hvort ekki sé rétt að fyrirgefa Klausturdónum Miðflokksins þar sem sjö ár séu liðin frá orðaflaumi þeirra. Össur Skarphéðinsson, fyrrverandi formaður Samfylkingar, setur einnig inn athugasemd og spyr: „Er þá allt leyfilegt á tímum Trumps?“ Ingibjörg Sólrún Gísladóttir sendi honum sína stuðningskveðju og vonast til þess að hann verði öflugur stuðningsmaður kvenfrelsis á Alþingi. Óljóst er hvort þarna er um að ræða háð eða aflát.
Fylgismenn Þórðar krossa nún fingur og vona að ekki komi fleira upp varðandi Þórð sem lýsi kenhatri og karlrembu þingmannsefnisins. Margir eru á þeirri skoðun að framboð hans hafi stórskaðað Samfylkinguna nú þegar og kosti hana þann stórsigur sem lá í loftinu …