Uppnám er nú innan Sjáfstæðisflokksins eftir að ákveðið var af stjórn Landsbankans að ríkisvæða tryggingafélagið TM með því að Landsbankinn keypti félagið. Þórdís Kolbrún R. Gylfadóttir fjármálaráðherra var ekki með í ráðum. Hún brást við í framhaldi þess að þetta var opinberað um helgina og fordæmdi áform bankans. Þórdís Kolbrún sýndi klærnar og upplýsti á Facebook í gær að ekki komi til greina að Landsbankinn fari inn á þetta nýja svið nema að bankinn verði jafnframt einkavæddur sem er útilokað að gerist við núverandi aðstæður. Hún vísar til stjórnarsáttmálans þar sem því er lýst að dregið verði úr ríkisumsvifum.
Ekki er ólíklegt að Katrín Jakobsdóttir forsætisráðherra sé inni á þeirri línu að efla Landsbankann með kaupum á einkafyrirtækjum og þarna sé komið upp enn eitt ágreiningsefnið á milli stjórnarflokkanna.
Lilja Björk Einarsdóttir, bankastjóri Landsbankans, hefur með útspilinu veikt stöðu sína og víst er að hún verði kölluð á teppið ásamt Helgu Björk Eiríksdóttur, formanni bankaráðs, til að svara fyrir þessi áform. Þær stöllur eiga von góðu …