Þorgerður góð við fokreiðan Bjarna

Hart var sótt að Bjarna Benediktssyni í Kryddsíld Stöðvar 2. vegna sóttvarnabrots hans á þorláksmessu. Inga Sæland, formaður Flokks fólksins, sagði dapurlegt  að sjá að Bjarni væri hættur að iðrast eftir að hafa beðist fyrirgefningar þegar upp komst um hann í upphafi. Nú væri hann á eftir sendiboðunum. Logi Einarsson, formaður Samfylkingar, flutti Bjarna eldmessu og fordæmdi athæfi hans sem hann taldi stórskaðlegt. Bjarni var fjúkandi reiður undir ákúrunum sem hann taldi ómaklegan. Mesta athygli vekur hve mild og umburðarlynd Þorgerður Katrín Gunnarsdóttir, formaður Viðreisnar, var í garð  Bjarna en hún er sjálf sek um sóttvarnabrot á golfvelli. Þorgerður tók þó í sama streng og Inga og taldi að Bjarni ætti ekki að kenna öðrum um. Hugsanlegt er að Þorgerður Katrín sé með þessu að leggja drög að þeim möguleika að ganga inn í stjórnarsamstarf með Bjarna og félögum eftir næstu kosningar …