Dagar Þorsteins Halldórssonar sem landsliðsþjálfari íslenska kvennalandsliðsins í knattspyrnu eru að nálgast lokastöð. Nokkur vissa virðist ríkja um það innan íslenska fótboltaheimsins. Árangur Þorsteins með landsliðið hefur þótt slakur síðan hann tók við árið 2021 og liðið virðist ekki hafa tekið neinum framförum á þeim tíma sem hann hefur stýrt liðinu. Skipulagsleysi hefur einkennt spilamennsku liðsins og furðulegt liðsval verið gagnrýnt harðlega.
Talið er að Þorsteinn þurfi á kraftaverki að halda til að bjarga starfinu eftir að Elísabet Gunnarsdóttir tilkynnti að hún myndi hætta þjálfa sænska liðið Kristianstad í lok tímabilsins en Elísabet er augljós fyrsti kostur í starfið. „Ég er ekki að snúa til Íslands til þess að þjálfa félagslið eins og staðan er núna. Ég hef hafnað tilboðum þaðan nú þegar og mun skoða kannski aðra kosti í stöðunni,“ sagði Elísabet í viðtali við RÚV. Tímabilinu í Svíþjóð lýkur um miðjan nóvember og því ljóst að Þorsteinn sé að falla á tíma …