- Auglýsing -
Yfir 1800 manns hafa sýnt Tómasi Guðbjartssyni hjartaskurðlækni stuðning með því að setja tákn við færslu hans á Facebook þar sem fram kemur að hann er að glíma við krabbamein í ristli. Þá hafa yfir þúsund manns sent honum kveðjur með óskum um góðan bata.
Tómas setti inn færslu sína í gær þar sem hyann upplýsti að hann væri að glíma við illkynja æxli í ristli og yrði því í veikindaleyfi næstu mánuði.
„Frá áramótum hef ég jafnframt verið í rannsóknum vegna æxlis í ristli sem við frekari rannsóknir reyndist illkynja. Því miður tókst ekki að fjarlægja það með minni aðgerð og mun ég því þurfa að gangast undir stærri skurðaðgerð bráðlega,“ skrifaði hann í gær.
Færsla Tómasar er eftirfarandi:
Kæru vinir á Facebook
Eins og kom fram í yfirlýsingu minni á Facebook 8. janúar sl. hef ég undanfarnar vikur verið í veikindaleyfi frá Landspítala. Frá áramótum hef ég jafnframt verið í rannsóknum vegna æxlis í ristli sem við frekari rannsóknir reyndist illkynja. Því miður tókst ekki að fjarlægja það með minni aðgerð og mun ég því þurfa að gangast undir stærri skurðaðgerð bráðlega. Fyrir vikið verð ég áfram í veikindaleyfi næstu mánuði. Ég þakka veittan stuðning á síðustu vikum.