Það blæs ekki byrlega fyrir Ingólfi Þórarinssyni veðurguði. Hann og Vilhjálmur H. Vilhjálmsson lögmaður hafa slitið samstarfi sínu um að lögsækja þá sem sakað hafa Ingólf um kynferðisbrot. Vísir segir frá þessu. Vilhjálmur hefur fram að þessu verið einstaklega átakasækinn í málum sem snúa að fjölmiðlum en ekkert sérstaklega sigursæll og haft gott upp úr þeim, sama hvernig fór. Þessi ákvörðun vekur því undrun og þá ekki sést þar sem miklir peningar eru í boði fyrir lögmanninn. Haraldur Þorleifsson frumkvöðull hefur boðist til að greiða lögfræðikostnað þeirra sem Vilhjálmur og Ingólfur hugðust lögsækja og Villhjálmur því tryggður fyrir að fá sitt ef málin vinnast. Ef Ingólfur tapar þarf hann sjálfur að greiða lögmanninum. Fullyrt er að þetta hafi verið sameiginleg ákvörðun Ingólfs og Vilhjálms en ekki liggur fyrir hver taki við keflinu. Veðurguðinn er því varnarlaus í mótvindi þessa dagana …