Gísli Marteinn Baldursson, sjónvarpsmaðurinn góðkunni, hefur verið nokkuð á milli tanna fólks vegna sýnilegrar afstöðu sinnar til leynihers Öfga og fleiri þeirra sem leggja fyrir sig nafnlausar birtingar meintra þolenda á nöfnum karla sem sakaðir eru um að hafa farið yfir mörk kvenna. Mörgum er ógleymdanlegt þegar Gísli var með viðtal við þá umdeildu Eddu Falak sem réttlætir þessa aðferð að sakfella menn án þess að sök þeirra sé sönnuð. Þeim meinskeytta blaðamanni, Jakobi Bjarnari Grétarssyni, var nóg boðið eftir að hafa horft á Vikuna með Gísla Marteini í gær þar sem meðvirknin, með sérstakri áherslu á þolendur typpamynda, sveif yfir vötnum, ef marka má viðbrögð á samfélagsmiðlum.
„Er rétt sem ég heyri að Gísli Marteinn hafi með þætti sínum í kvöld verið að sækja um að verða veislustjóri á árshátíð Öfga sem haldin verður á Twitter eftir viku?“ spurði Jakob Bjarnar á Facebook og fékk mikil viðbrögð …