- Auglýsing -
Ólgan innan Eflingar er á undanhaldi og starfsmannamálin að komast í lag eftir að Sólveig Anna Jónsdóttir rak allt starfsfólkið á einu bretti með afar umdeildum hætti. Nú hefur nýtt fólk verið ráðið. Sólveig Anna hefur verið gríðarlega umdeild í starfi sínu sem formaður. Hún hætti með látum á síðasta kjörtímabili sínu og sagðist hafa verið ofsótt af eigin startfsfólki. Með henni fór Viðar Þorsteinsson framkvæmdastjóri sem sat einnig undir ásökunum um að koma illa fram við starfsfólk félagsins. Eftir endurkjör Sólveigar Önnu var því spáð að hún myndi endurráða Viðar. Það gekk eftir en hann var ekki ráðinn sem framkvæmdastjóri heldur bakdyramegin til að sinna fræðslu. Sigurður H. Einarsson skrifar inn á Stéttarbaráttuna að búin hafi verið til staða fyrir mann sem sé „uppvís að einelti, kvenfyrirlitningu, áreiti, og hafa verið með fjárútlát án heimilda“. Þá sé undarlegt að hann eigi að fræða verkafólk þar sem hann hafi ekki mimið unn í frystihús og viti lítið um atvinnulífið og þekki ekki gaffallyftara frá skotbómulyftara. Reiðin er greinilega enn til staðar …