Sjálfstæðisflokkurinn er í úlfakreppu vegna fylgishruns sem skrifast á formanninn, Bjarna Benediktsson. Eins og greint var frá á þessum vettvangi hefur verið teiknuð upp flétta sem gefur Bjarna útgönguleið. Hún gengur út á það að Bjarni segi af sér formennsku í haust og Þórdís Kolbrún Reykfjörð Gylfadóttir varaformaður taki við keflinu fram að landsfundi ári síðar. Jafnframt muni þau skipta á ráðherrastólum og Bjarni verða utanríkisráðherra.
Hitt vandamál flokksins snýr að Jóni Gunnarssyni dómsmálaráðherra sem á samkvæmt áætlun að víkja fyrir Guðrúnu Hafsteinsdóttur alþingismanni. Jón er ekkert á þeim buxunum að fara og nýtur stuðnings stórs hóps innan flokksins. Harðir stuðningsmenn Bjarna vildu leysa málin með því að sparka Guðlaugi Þór Þórðarsyni, höfuðfjanda Bjarna, út úr stjórninni og setja Guðrúnu í stól hans en láta Jón ósnertan. Þetta var auðvitað ávísun á klofning flokksins þar sem Guðlaugur nýtur fylgis um 40 prósenta flokksmanna til æðsta embættis flokksins og því horfið frá því. Enn er leitað lausna á ráðherrakrísunni og líklegra en ekki að lausnin liggi í stærri hrókeringu og að Jón verði settur á…