- Auglýsing -
Birgir Hólm Björgvinsson, fyrrverandi gjaldkeri Sjómannafélags Reykjavíkur, var fremur ómyrkur í máli í hlaðvarpinu Sjóaranum. Hann var lengi vopnabróðir Jónasar Garðarssonar, þáverandi formanns Sjómannafélagsins. Þeir félagar stóðu gjarnan þétt saman og Birgir studdi hann eftir að hann strandaði báti sínum, Hörpunni, með þeim afleiðingum að tvennt lét lífið. Jónas var gerður ábyrgur og fékk fangelsisdóm og var gert að greiða aðstandendum hinna látnu háa sekt. Nokkru síðar urðu vinslit milli þeirra og Birgir var hrakinn úr starfi sínu hjá félaginu. Jónas er aftur á móti enn hjá félaginu þótt hann sé ekki formaður í orði kveðnu. Birgir segir söguna um vinslit þeirra bíða betri tíma. Einhverjir bíða spenntir …