Flest bendir til þess að Vinstri-grænir muni súpa seyðið af samstarfinu við Sjálfstæðisflokkinn í komandi kosningum og mælast nú með aðeins 7,6 prósenta fylgi. Það þýðir að fylgi flokksins hefur hrapað um 10 prósentustig eða meira en helming. Katrín Jakobsdóttir forsætisráðherra nýtur mikillar aðdáunar vegna stjórnvisku, þvert á flokka, sem þó dugir ekki til. Innan VG vex vonleysið og margir þingmanna flokksins sjá fram á atvinnuleysi. Villiköttum VG vex fiskur um hrygg í réttu hlutfalli við fylgistap flokksins.
Ekki bætir úr skák að Sósíalistaflokkur Gunnars Smára Egilssonar er á fleygiferð og mælist nú inni á þingi, samkvæmt skoðanakönnun MMR. Fylgi flokksins kemur frá VG að miklu leyti. Á sama tíma og fylgið hrynur af VG eins og dauðar flugur á frostdegi þá er Sjálfstæðisflokkurinn að braggast og nálgast nú 30 prósenta fylgi sem styrkir formanninn, Bjarna Benediktsson, í sessi og gæti með heppni orðið farmiði hans í forsætisráðuneytið næsta haust …