- Auglýsing -
Ég hef í ræðu og riti bent á umboðsleysi Agnesar biskups.
Bendi á greinarnar „Dýr verður Hafliði allur“ og „Kristján Björnsson, – nei takk“, sem báðar birtust á Mannlífi. Nú hefur úrskurðarnefnd þjóðkirkjunnar staðfest mína skoðun og birt niðurstöðu sína,- allt það sem Agnes hefur gert og ákveðið eftir 30 júní 2022 er ólögmætt, ef ég hef skilið nefndina rétt, og það tel ég mig hafa gert.
Ég hefði skorað á Agnesi að segja af sér, ef ekki væri fyrir það að hún er ekki rétt kjörinn biskup nú og er því ekki biskup þjóðkirkjunnar lengur, sleppur við að segja af sér, getur bara stigið til hliðar og skilað umframgreiddum launum.
Ég lagði einnig til að Agnes opnaði biskupsgarð fyrir heimilislausum, s.l. vetur, – það hefði hún átt að gera, búandi þarna í einhverkonar óleyfi. Ég hafði rétt fyrir mér í þessu öllu saman og því lýsi ég því enn og aftur yfir að þjónustu Agnesar er lokið, – fyrir alllöngu.
Minni sérstaklega á grein mína, „Kristján Björnsson, – nei takk“ en Kristján er flæktur í mestallt sem Agnes hefur í umboðsleysi sínu verið að bralla.
Tími kirkjupólitísks
Agnes ætlar dómstólaleiðina.
Þetta er alveg óþolandi gagnvart þeim sem hún mun láta borga lögfræðikostnaðinn, auk þess er þetta bara tímasóun.
F.v. biskup þarf að sofa á þessu og svo byrja að taka til ferðatöskurnar.
Góðar stundir.
Þetta ritar sr Skírnir Garðarsson