Grímur Atlason, framkvæmdarstjóri Geðhjálpar skýtur föstum skotum á Sjálfstæðismenn og Vinstri græna í nýlegri Facebook-færslu.
Í gærmorgun dreifðist frítt Morgunblað inn um lúgur landsmanna en þar var meðal annars að finna viðtal við Sjálfstæðisþingmanninn Birgi Þórarinsson um meintar ofsóknir gyðinga á Íslandi um þessar mundir. Grími Atlasyni þótti viðtalið skrítið.
„Í aldreifða mogga morgunsins má lesa furðuviðtal við Birgi Þórarinsson þingmann um meintar ofsóknir sem gyðingar verða fyrir á Íslandi. Eins og venjulega skautar Birgir algjörlega fram hjá þeirri staðreynd að stjórnvöld í Ísrael hafa kúgað Palestínumenn sl. 75 ár og myrt mörg þúsund börn sl. mánuði. Þetta er auðvitað óboðlegur málflutningur hjá þingmanninum en lýsir ágætlega hvernig Sjálfstæðisflokkurinn virðist vera innréttaður nú um stundir.“
Þá minnist Grímur á frétt á Vísi þar sem Ásmundur Friðriksson þingmaður Sjálfstæðisflokksins er með „hræðsluáróður gegn hælisleitendum“ eins og Grímur kallar það. Bendir hann einnig á lygar Ásmundar gagnvart eiginkonu Gríms, Helgu Völu Helgadóttur, lögmanns og fyrrverandi þingmanns Samfylkingarinnar.
„Á Vísi má síðan lesa frétt þar sem Ásmundur Friðriksson þingmaður mætir enn og aftur með hræðsluáróður sinn gegn hælisleitendum. Ásmundur svífst einskis þegar kemur að poppúlískri nálgun í stjórnmálum. Öll þau sex ár sem eiginkona mín sat á þingi dreifði hann lygasögum um hve mikilla fjárhagslegra hagsmuna hún hefði af fjölgun hælisleitenda á Íslandi. Það skipti engu máli hve oft hann var leiðréttur – hann hélt bara áfram að ljúga.“
Grímur snýr sér svo að Vinstri grænum:
„Hvenær ætlar VG að fara aftur í ræturnar og biðjast afsökunar á þeirri skömm sem það óneitanlega er að sitja í ríkisstjórn með fólki sem situr yst á hægri jaðrinum?
Útlendingafrumvarpið sem flokkurinn virðist styðja er algjörlega í andstöðu við stefnu og tilgang flokksins. Það er kominn tími til að flokkurinn gangist við mistökunum sem þetta feigðarflan frá haustinu 2017 óneitanlega er. Slíti stjórnarsamstarfinu, biðji kjósendur sína afsökunar og mæti síðan þeim örlögum sem kjósendur ákveða. Það væri smá reisn yfir því.“
Íbúar í Riverside sýslu í Kaliforníu í Bandaríkjunum eru í áfalli eftir að 42 ára maður var drepinn að ástæðulausu. Á mánudaginn blasti ömurleg sjón við bílstjórum við ónefnda götu í Riverside sýslu en þar var maður að nafni Julio Rodarte að skjóta á bíla sem keyrðu framhjá af handahófi með hálfsjálfvirku skotvopni. Á myndbandi sem hefur verið birt af Rodarte virðist hann vera rólegur á meðan hann skaut á bílanna en hann er talinn hafi hleypt af tugum skota. Tveir menn urðu fyrir skothríð Rodarte og annar mannanna, Victor Leon, lést af völdum skotsára. Hann lætur eftir sig fjögur börn og eiginkonu. Eiginkona Leon sagði í fjölmiðlum frá því að eiginmaður sinn hafi verið að keyra heim eftir næturvakt þegar hann var skotinn. Búið er að handtaka Rodarte og hefur hann verið ákærður fyrir morðið á Leon og tíu aðrar morðtilraunir. Hægt er að sjá myndband af Rodarte hér fyrir neðan
Leitað er eftir Magnúsi Kristni Magnússyni. Mynd / skjáskot Facebook
Magnús Kristinn Magnússon er enn ófundinn en hann hefur verið týndur frá því að hann skilaði sér ekki í flug frá Dóminíska lýðveldinu þann 10. september 2023. Systir Magnúsar segir að borgaraþjónusta utanríkisráðuneytisins hafi lítið sem ekkert hjálpað í málinu.
Magnús Kristinn, fæddur 1987, átti flug til Íslands frá Dóminíska lýðveldisins þann 10. september en þangað hafði hann farið viku áður. Ekkert hefur til hans spurst frá brottfarardeginum.
Mannlíf hafði samband við systur Magnúsar, Rannveigu Karlsdóttur og spurði hvort eitthvað sé að frétta af leitinni.
„Nei, því miður er ekkert að frétta og í raun hefur ekkert gerst eða breyst síðustu mánuði. Allt við það sama og ég held það sé í raun lítið sem ekkert í gangi, allavega sem ég veit um, því miður.“
Aðspurð hvort nægileg hjálp hafi fengist hjá yfirvöldum í Dóminíska lýðveldinu og utanríkisráðuneyti Íslands, segir hún svo ekki vera.
„Við fengum ekki mikla hjálp frá borgaraþjónustunni, hvorki í byrjun né síðar. Fengum skýrslu frá Dóminíska lýðveldinu (stutt yfirlit yfir það sem gerst hafði þar) en síðan ekki meir,“ segir Rannveig í skriflegu svari til Mannlífs.
Rannveig bætti svo við:
„Það eina sem ég held að sé hugsanlega í gangi er að alþjóðadeild lögreglunnar sé að reyna að koma á sambandi við lögregluna úti til að geta farið út og skoðað aðeins málið. Það hefur ekki gengið enn sem komið er. Mér skilst að þessar tilraunir til sambands út hafi staðið síðan fyrir jól, en ekkert gengið.“
Saga Matthildur gaf út lagið Yfirgefin - Mynd: Skjáskot af Instagram
Fátt er skemmtilegra en íslensk tónlist og það er vegna þess að Íslendingar eru ótrúlega hæfileikaríkir á þessu sviði. Eina sem er betra en íslensk tónlist er ný íslensk tónlist og hefur Mannlíf valið fimm nýleg íslensk lög sem allir þurfa að hlusta á um helgina.
Númer 3 og Króli – Bjór
Ágúst Elí – Animestrákurinn
Saga Matthildur – Yfirgefin
LadieLex – Silence
Pale Moon – Love Me
Einu tíðindi næturinnar eru þau að lögreglan greip inn í og stöðvaði það að þjóðfána Íslands var flaggað klukkan hálf þrjú í nótt. Fáninn var haldlagður vegna málsins en óljóst er um refsingu þess sem ábyrgð ber á lögbrotinu.
Lögregla brá skjótt við og fór á vettvang í Hlíðunum eftir að tilkynning barst um nakinn mann, síðdegis í gær.Laganna verðir gripu í tómt og einungis fullkætt fólk á ferli. Sá nakti var horfinn þegar þá bar að garði. Óvelkominn maður var á þvælingi í stigahúsi í Skerjafirði um svipað leyti.
Frá því segir í dagbók lögreglunnar að „erlendur ökumaður“ var stöðvaður í akstri. Sá reyndist hafa fíkniefni til sölu í bifreið sinni. Hann var læstur inni fangageymslu.
Í austurborginni bar það til tíðinda að stolið var veski og buxum.
Skemmdarvargur og þjófur var handtekinn í miðborginni.
Tilkynnt var um ungmenni með byssur í miðborginni. Raunin var sú að að þarna voru krakkar bófaleik.
Óvelkominn aðili var inni í verslun í Breiðholtin. Honum var vísað út af lögreglu.
Tilkynnt var um slagsmál í Breiðholti. Meintir slagsmálahundar voru horfnir þegar lögreglan birtist.
Lögreglan kom til aðstoðar manni sem var steinsofandi undir berum himni í Grafarvogi. Hann var vakinn og honum hjálpað á fætur og til sjálfsbjargar.
Í fjörunni í Grafarvogi sást til mannaferða sem þóttu grunsamlegar. Lögreglan mætti og komst að raun um að þarna var fólk að týna skeljar til átu. Svæðið er friðlýst og óljóst með afleiðingar fyrir skeljafólkið.
Fisksalinn, Kristján Berg Ásgeirsson, betur þekktur sem, Fiskikóngurinn og eigandi Heitra potta, er í vandræðum eftir að hafa birt opinberlega kennitölu starfsmanns síns undir þeim formerkjum að starfsmaðurinn væri að kúga hann til launagreiðslu. Málið vakti mikla athygli og ekki síst eftir að Mannlíf sagði frá viðbrögðum starfsmannsins sem svarar vinnuveitenda sínum fullum háls og segir að Kristján hafi rifbeinsbrotið sig. „Nú skal ég segja ykkur hvernig þetta var með mig, fiskikóngurinn sjálfur braut í mér 2 rifbein og þurfti ég að vera frá vinnu út af því,“ segir starfsmaðurinn og lýsir Kristjáni Berg sem vælukjóa og rifjar upp þá fortíð hans að flytja inn eiturlyf. Þá segir starfsmaðurinn við athugasemd við frétt Mannlífs að vitni séu að árás Fiskikóngsins sem þar að auki sé til á öryggismyndavélum.
Kristján Berg gefur starfsmanninum veika ekkert eftir í samtali við Mannlíf og skorar á hann að leita til dómstóla. „Ef þessi einstaklingur telur mig hafa brotið á sér, tala nú ekki um að beinbrjóta sig, þá höfum við lögreglu, lögfræðinga og gott dómskerfi til þess að tækla svoleiðis,“ sagði hann við Mannlíf.
Ólíklegt er að málinu sé lokið og viðbúið að Kristján Berg eigi eftir að enda fyrir dómstólum vegna kennitölunnar. Þá hlýtur að fara fram rannsókn á meintu ofbeldi hans og Kristján Berg sjálfur að hreinsa sig af ásökunum sem hann segir vera rangar. Viðbúið er að stéttarfélag launþegans grípi til aðgerða. Fiskikóngurinn er í klandri …
Bæjarfulltrúi Sjálfstæðisflokksins í Vestamannaeyjum var handtekinn fyrir að taka þátt í smygli árið 1990 en Alþýðublaðið og DV fjölluðu um málið á sínum tíma.
„Bílstjórinn er lykilmaður í þessu máli. Hvað hann hefur sagt vil ég ekki segja frá. Ég vil ekki ræða rannsóknina á þessu stigi. Rannsóknin mun tefjast þar sem Bakkafoss er ekki á Íslandi. Það hefur ekki verið rætt við skipverjana,“ sagði Kristinn Ólafsson tollgæslustjóri um málið í samtali við DV árið 1990 en var þarna um að ræða smygl með skipinu Bakkafossi. Georg Þór Kristjánsson, þáverandi bæjarfulltrúi Sjálfstæðismanna í Vestmannaeyjum, var handtekinn á sendiferðabíl sem var fullur af smyglvarningi en Georg starfaði einnig sem verkstjóri hjá Eimskip á þessum tíma. Alþýðublaðið sagði svo frá því að virði smyglvarningsins hafi verið um 300 milljónir króna og var það stærsta smyglmál landsins sem upp hafði komist á þeim tíma en varningurinn var áfengi, vindlar og talstöðvar. Georg og fimm aðrir menn voru handteknir vegna málsins að sögn blaðsins. Oddviti Sjálfstæðisflokksins í Vestmannaeyjum vildi lítið ræða þetta mál við DV. „Það hefur ekki verið rætt. Ég vil ekkert tjá mig um þetta. Það er það stutt síðan þetta kom upp. Bæjarfulltrúarnir eru á ferðalögum og við höfum ekki hist eftir að þetta kom upp.“ „Þetta er gífurlegt áfall fyrir flokkinn. Fyrst var þessi uppákoma með Sigurð Jónsson og svo bætist þetta við. Sjálfstæðismenn verða að ræða þetta mál af fullri einlægni og bregðast ákveðið við,“ sagði ónefndur Sjálfstæðismaður í Vestmannaeyjum.
Ég var ung þegar ég kynntist honum. Reynsla mín af ástarsamböndum var lítil sem engin, en fátt þráði ég heitar en að vera elskuð, eitthvað sem ég upplifði ekki í æsku. Við kynntumst á bar í miðbæ Reykjavíkur á bjartri sumarnóttu. Augu okkar mættust og þá var ekki aftur snúið. Hann var talsvert ölvaður, en ég kippti mér lítið upp við það enda var drykkja stór partur af íslensku skemmtanalífi. Við skiptumst á númerum og ákváðum að hittast næsta dag á kaffihúsi. Uppáklæddur í gallabuxum og skyrtu þótti mér hann enn myndarlegri en kvöldið áður. Eftir fyrsta stefnumótið vorum við óaðskiljanleg. Ég var yfir mig ástfangin og taldi hann vera það líka. Þegar ég lít til baka sé ég þó að þessi maður var ekki fær um að finna neina ást, í sál hans var eintómt hatur. Fyrst um sinn var hann hinn fullkomni maki, færði mér kaffi í rúmið alla morgna og blóm á hverjum sunnudegi. Tveimur mánuðum eftir fyrstu kynni okkar var ég flutt inn í litlu kjallaraíbúðina hans, foreldrum mínum til mikillar ánægju. Þau höfðu oft talað um að nú væri kominn tími til þess að ég flytti að heiman og sæi um mig sjálf. Þau höfðu miklar mætur á nýja sambýlismanni mínum sem lagði sig allan fram við að ganga í augun á þeim. Stuttu eftir flutningana komst ég að því að ég var ófrísk. Þrátt fyrir stutt samband höfðum við talað með stjörnubjörtum augum um fjölskylduna sem við vildum eignast saman. Börnin, hundinn og húsið.
Ég beið spennt með jákvætt þungunarprófið í höndunum eftir manninum mínum sem var á leið heim úr vinnu. Himinlifandi sýndi ég honum niðurstöðuna, það var þá sem hann sló mig fyrst. Mér var svo brugðið að ég meðtók lítið af öskrunum í honum. Hann vildi vita hvernig ég gat látið þetta gerast. Hann rauk út og ég lá eftir á baðherbergisgólfinu, ískaldar flísarnar voru eina merkið um að ekki væri um vondan draum að ræða. Maðurinn sem ég dýrkaði og dáði hafði gengið í skrokk á mér. Ég var fljót að fyrirgefa honum verknaðinn þegar hann kom til baka með rósir og nammipoka, lofaði öllu fögru og afsakaði sig með því að mikið álag væri á honum í vinnunni. Hann varð þó aldrei aftur sami maðurinn og ég kynntist. Mánuðirnir liðu og ófætt barnið okkar stækkaði. Stundum var hann spenntur að verða faðir, en oft var hann reiður og kenndi mér um þessi örlög. Hann drakk sig fullan marga daga í viku, þá varð hann ofbeldisfullur og virtist ganga lengra með hverju skiptinu. Undir lok meðgöngunnar varð hann mér næstum að bana, sparkaði í mig og lamdi ítrekað. Ég öskraði og grét, en það hafði ekkert að segja. Klukkutíma síðar rankaði ég við mér á gólfinu sem var þakið blóði. Andlit mitt var óþekkjanlegt í speglinum, bólgið og marið. Ég læddist fram þar sem maðurinn minn svaf værum svefni með bjórdósirnar allt í kringum sig. Ófætt barnið okkar sparkaði af krafti og ég andaði léttar. Ef ég færi á sjúkrahús yrði hann æfur, enginn mátti vita af ofbeldinu. Ég skreið því upp í rúm, grét og lofaði litla barninu mínu að koma okkur í burtu frá þessum manni.
Daginn eftir lék hann sama leikrit og vanalega. Blóm og morgunmatur í rúmið ásamt örvæntingarfullum loforðum og afsökunarbeiðnum. Mér brá þegar hann sagðist ætla í meðferð. Aldrei hafði mér dottið til hugar að maðurinn myndi nokkurn tímann hætta að drekka. Kannski var það áfengið sem gerði hann að þessu skrímsli? Ég gat ekki gefist upp ef hann yrði aftur að manninum sem hann var í upphafi sambandsins, manninum sem ég elskaði svo heitt. Viku síðar var hann kominn inn á Vog og sama dag fór ég af stað í fæðingu og átti dóttur okkar. Allt virtist ganga á besta veg. Við töluðum daglega saman í síma og hann dembdi yfir mig ástarorðum og loforðum. Eftir mánuð í meðferð kom maðurinn minn heim. Í fyrstu sýndi hann dóttur sinni mikinn áhuga, en með hverjum deginum dvínaði áhuginn. Loks fór hann aftur að drekka og lýsti andúð sinni á mér og dóttur okkar. Það leið ekki að löngu þar til að hann gekk í skrokk á mér aftur. Örvæntingin greip mig, ég vissi að ég gæti ekki boðið dóttur minni upp á þetta. Ekki hafði ég þó minnstu hugmynd um hvert ég gæti farið. Ég átti í engin önnur hús að venda og átti ekki krónu. Maðurinn minn skammtaði mér vasapening, honum þótti ég of eyðslusöm og sagði að ekki væri hægt að treysta mér fyrir peningum. Þegar ég var í þann mund að sætta mig við hræðileg örlög mín fékk ég skilaboð á Facebook og hjartað í mér sökk. Sendandinn var ung kona, hún virtist illa farin á myndum. Hún tjáði mér að hún hefði átt í kynferðislegu sambandi við manninn minn á Vogi, nýlega hefði hún greinst með kynsjúkdóm og bæri skylda til þess að láta bólfélaga sína vita. Maðurinn minn hafði alla tíð verið lítið á samfélagsmiðlum og konan fann enga leið til þess að ná í hann. Ég starði stjörf á tölvuskjáinn og las skilaboðin aftur og aftur. Ég spurði konuna hvernig hún vissi af mér og hún tjáði mér að maðurinn minn hefði talað mikið um mig á Vogi, sýnt samsjúklingum myndir af mér og dóttur okkar á milli þess sem hann læddist inn í herbergi með hinum ýmsu konum. Ég gat ekki lengur kennt áfenginu um kvikindisskapinn.
Það var þennan dag sem ég pakkaði nauðsynjum niður í tösku fyrir mig og dóttur mína og hélt beina leið í Kvennaathvarfið. Stuttu síðar greindist ég með tvo kynsjúkdóma. Ég byggði mér hægt og rólega upp nýtt líf og dóttir mín hefur ekki séð né heyrt frá föður sínum síðan. Nú tíu árum síðar birtist hann enn reglulega í lífi mínu með skilaboðum á samfélagsmiðlum, þrátt fyrir nálgunarbann. Hann mun þó aldrei fá tækifæri til að meiða mig aftur.
Stöðfirðingurinn Hilmar Garðarsson gaf nýverið út plötuna Under The Influence þar sem hann syngur lög þeirra tónlistarmanna sem hafa haft hvað mest áhrif á hann í tónlistinni.
Hilmar Garðarsson er nú búsettur í sínum gamla heimabæ, Stöðvarfirði fyrir Austan eftir margra ára flakk en hann hefur búið í Reykjavík, á Egilsstöðum og í níu ár í Oulu í Finnlandi. Hefur hann verið viðriðinn tónlist ansi lengi, ýmist sem meðlimur í hljómsveit eða á sólóferli en hann var aðeins 16 ára gamall þegar hann var í sinni fyrstu hljómsveit.
Hilmar var að gefa út sína þriðju plötu fyrir ekki margt löngu en fyrri plötur hans, Pleased to leave you, sem kom út árið 2004 og White Lotus, sem kom út 2017 vöktu þó nokkra athygli en sú til dæmis hlaut fyrri platan fjórar stjörnur í plötugagnrýni í Morgunblaðinu á sínum tíma.
Mannlíf ræddi við Hilmar um nýju plötuna.
Hvernig plata er Under The Influence?
„Hún er ljúf kassagítarplata tekin upp læf á einum degi af Jónasi Björgvinssyni í hljóðverinu hans hljodver.is með lögum eftir mína áhrifavalda,“ svaraði Hilmar í skriflegu svari.
Hvað varð til þess að þú ákvaðst að gefa út ábreiðuplötu?
„Þegar að ég heyrði American plöturnar frá Johnny Cash fyrir mörgum árum kviknaði hugmyndin fyrst um að gera plötu með lögum eftir aðra, einn með kassagítarinn þar sem hægt er að ná skemmtilegri dýpt og annari nálgun með þessu formi. Ég hafði fengið styrk fyrir útgáfu á plötu sem ég var að fara í með eigið efni. En þar sem ég hafði verið í miklu tjóni sökum kókaínfíknar ákvað ég að fresta henni þar sem mér fannst ég verða að lagfæra sumt og semja aðeins meira efni til þess að hafa meira til þess að velja úr og þetta var niðurstaðan.“
Hvernig hafa viðbrögðin verið?
„Bara virkilega góð og hafa komið mér á óvart þar sem ég hef ekkert verið að fylgja henni eftir.“
En var ekki erfitt að velja lög á plötuna?
„Já mjög erfitt. Ég kom með 12 lög sem ég hafði skorið niður úr 30 og þau enduðu sem níu.“
Hvað er svo framundan hjá þér?
„Ég mun verða með tónleika í haust til að fagna þessari plötu og jafnframt til þess að fagna 20 ára afmæli fyrstu plötunnar minnar Pleased to leave you svo er aldrei að vita nema maður taki nokkur gigg.“
En hyggurðu á frekari plötuútgáfu á næstunni? Jafnvel aðra ábreiðuplötu?
„Það er planið að klára plötuna sem ég hef verið að vinna með í nokkur ár með frumsömdu efni en svo langar mig að gera Under The Influence að seríu en nota mismunandi þema til dæmis að sú næsta yrði eingöngu með lögum eftir konur eða lög frá hljómsveitum og jafnvel að gera dúetta plötu en þetta verður tíminn að leiða í ljós. Þessi plata er eingöngu með lögum eftir sólólistamenn þannig að halda ólíku þema væri skemmtilegt.“
Hægt er að hlusta á hina stórgóðu plötu Under The Influence á Spotify.
Hér má hlusta á lag Nick Cave and the Bad Seeds Are You The One That I´ve Been Waiting for:
Mótmælendur sem höfðu smyglað sér innan um áhorfendur hjá Jimmy Kimmel, trufluðu upptöku á viðtali Kimmel við varaforseta Bandaríkjanna, Kamala Harris. Æptu aðgerðasinnarnir ókvæðisorðum að Harris, vegna stuðnings bandarískra yfirvalda við Ísrael og árásir þeirra á Palestínumenn.
Öryggisverðir urðu að stíga inn í er hópur hóf að mótmæla Kamala Harris, varaforseta Bandaríkjanna, sem mætt var í viðtal hjá Jimmy Kimmel.
Hópurinn, sem kallar sig CODEPINK, birti myndskeið af mótmælum sínum, sem áttu sér stað í gærkvöldi en þar kölluðu meðlimir hópsins Harris meðal annars morðingja, sem styddi þjóðarmorð í Miðausturlöndum. „15.000 börn dáinn vegna þín! Stöðvið þjóðarmorðið!“
Jimmy reyndi að segja nokkra brandara til að létta andrúmsloftið en að lokum hóf hljómsveit þáttarins að spila lag eftir Stevie Wonder, á meðan öryggisverðir fjarlægðu mótmælendurna.Hópurinn dreifði mótmælum sínum nokkuð vel en í hvert skipti sem einn mótmælandi var fjarlægður af öryggisverði, stóð annar upp og hóf að öskra að Harris. Einn einstaklingur dró meira að segja upp fána Palestínu á meðan hann hrópaði á varaforsetann.
Baksviðs hélt atgangurinn áfram en eftir að einn mótmælandinn neitaði að afhenda skilríki sín til öryggisvarðar, olli það líkamlegum átökum. Að lokum var hópnum hent út úr myndverinu, án handtöku en hann hélt áfram að mótmæla fyrir utan húsið, sem staðsett er í Hollywood.
Takmark CODEPINK var að sögn hópsins það, að trufla upptökur á viðtalinu og skamma varaforsetann fyrir stuðning Bandaríkjastjórnar við sprengjuárásir og dráp Ísraela á palenstínska borgara í stríði sínu gegn Hamas.
Að sjálfsögðu voru mótmælin klippt út úr þættinum en viðtalið varði í 20 mínútur þar sem rædd var um ýmis málefni, þar á meðal rétt til fóstureyðinga og innflytjendamál. Af einhverjum sérkennilegum ástæðum var ekki orði minnst á þjóðarmorðið á Gaza.
Hræðilegt slys átti sér stað í Mexíkó í vikunni í Hidalgo.
Við lestarteina í Hidalgo var fjölmennur hópur fólks samankominn til að fylgjast með sögufrægri lest fara þar framhjá en lestin fer alla leið frá Mexíkó-borg til Kanada. Margir áhorfendur tóku upp síma og myndavélar til að taka upp myndir og myndbönd af lestinni þegar hún æddi framhjá. Þar á meðal var ein 29 ára gömul kona sem var þar með fjölskyldu sinni. Hún fór nær lestinni en aðrir áhorfendur og freistaði þess að ná sjálfu með lestinni. Nálægð hennar varð þó til þess að hluti lestarinnar sló hana í hausinn þegar hún fór framhjá konunni og lést konan samstundis. Lestarfélagið hefur sagt að rannsókn standi yfir á atvikinu. „Við erum gífurlega sorgmædd vegna dauðsfallsins sem átti sér stað og viljum votta aðstandendum konunnar samúð okkar,“ sagði lestarfyrirtækið í yfirlýsingu. Þá minnti fyrirtækið á að ráðlagt sé að vera alltaf í að minnsta kosti tíu metra fjarlægð frá lestum á ferð. Hægt er að sjá myndband af atvikinu hér fyrir neðan en við vörum við efni myndbandsins.
Undirskriftarsöfnun er hafin þar sem krafist er þess að Akureyrarbær hætti að nota ísraelska færsluhirðinn Rapyd.
Mikil andstaða hefur verið hér á landi og víðar, við færslufyrirtækið Rapyd, sem er ísraelskt en eigandi þess hefur opinberlega lýst yfir stuðningi sínum við árásir Ísraelsmanna á Gaza og á Vestubakkanum í Palestínu, auk þess sem fyrirtækið hefur aðstoðað Ísraelsher sérstaklega. Fjöldi fyrirtækja hefur skipt um færsluhirði í kjölfar síendurtekinna mannréttindabrota og þjóðarmorðs á Palestínumönnum og nú er hafin undirskriftarsöfnun þar sem þess er krafist að Akureyrarbær hætti að nota Rapyd sem færsluhirði.
„Við krefjumst þess að Akureyrarbær hætti að nota Rapyd sem færsluhirði. Færsluhirðirinn Rapyd er ísraelskt fyrirtæki með útibú á Íslandi, forstjóri fyrirtækisins hefur opinberlega yfirlýst stuðning sinn við aðgerðir Israelsmanna á Gaza og Vesturbakkanum. Þá hafa fjölmiðlar í Ísrael flutt fréttir af beinni þátttöku Rapyd í stríðinu því fyrirtækið hefur sett á stofn sérstaka stríðsstofu eða „war room“ til að aðstoða Ísraelska herinn.“
Fordæma árásir og krefjast vopnahlés
Bæjarstjórn Akureyrar samþykkti á fundi í fyrradag, með 10 atkvæðum á móti einu, að fordæma árásir gegn almennum borgurum á Gaza sem og „og önnur ofbeldisverk fyrir botni Miðjarðarhafs sem brjóta gegn alþjóðlegum mannúðarlögum, með tilheyrandi þjáningu og eyðileggingu borgaralegra innviða,“ eins og segir í bókun sem bæjarfulltrúi Framsóknar, Gunnar Már Gunnarsson lagði fram.
Hér má lesa bókun Gunnars í heild sinni, sem birtist á Akureyri.net:
Bæjarstjórn Akureyrarbæjar fordæmir árásir gegn almennum borgurum á Gaza og önnur ofbeldisverk fyrir botni Miðjarðarhafs sem brjóta gegn alþjóðlegum mannúðarlögum, með tilheyrandi þjáningu og eyðileggingu borgaralegra innviða. Bæjarstjórn tekur undir með ályktun utanríkismálanefndar Alþingis, að kalla eigi eftir tafarlausu vopnahléi á átökum á svæðinu af mannúðarástæðum, mannúðlegri meðferð á og tafarlausri lausn gísla, aðgengi hjálpar- og mannúðarsamtaka og að neyðarvistum og læknisaðstoð verði komið til almennings tafarlaust. Þá telur bæjarstjórn mikilvægt að sveitarfélög og ríkisstofnanir gangi fram með góðu fordæmi, m.a. þegar kemur að kaupum á vörum og þjónustu. Sjálfsagt sé að gera þá kröfu til fyrirtækja sem Akureyrarbær á í viðskiptum við að þau virði alþjóðalög í hvívetna.
Að minnsta kosti 37,182 manns hefur verið drepinn á Gaza og á Vesturbakkanum frá 7. október, þar af að minnsta kosti 15.132 börn. Þá er talið að tugir líka sé að finna undir rústum bygginga á Gaza.
Óskar Steinn Ómarsson lýsir furðu yfir vegna vinnubragða hjá Hafnarfjarðarbæ.
„Það mun taka mig langan tíma að vinna almennilega úr öllu því sem átti sér stað á fundi bæjarstjórnar Hafnarfjarðar í dag,“ segir Óskar og bætir við:
„Þar fékk meirihluti bæjarstjórnar tækifæri til að draga til baka þá óskiljanlegu og órökstuddu ákvörðun fræðsluráðs og fjölskylduráðs að leggja niður ungmennahúsið Hamarinn og segja upp öllu starfsfólki. Fyrir fundinn höfðu bæjarfulltrúar fengið í hendurnar áköll frá bæði fagfólki og hafnfirskum ungmennum um að falla frá ákvörðuninni, auk mjög persónulegra frásagna um mikilvægi þess starfs sem unnið hefur verið í Hamrinum.“
Allt kom fyrir ekki.
„Það dugði ekki til að afstýra þeim stórkostlegu skemmdarverkum á ungmennastarfi sem meirihluti bæjarstjórnar var ákveðinn í að hrinda í framkvæmd. Eftir fundinn í dag sit ég uppi með fleiri spurningar en svör og spyr eins og Guðmundur Árni Stefánsson, var tilgangurinn með þessari vegferð allri sá að losna við ákveðið fólk?“
Lögreglumaðurinn Viktor Freyr Hjörleifsson var í vikunni dæmdur fyrir brot í starfi sínu sem lögreglumaður. Viktor var sakfelldur í Héraðsdómi Reykjavíkur fyrir ofbeldi við handtöku en hann er sagður hafa sparkað í mann við handtöku og lamið hann með kylfu í fjórgang ásamt því að spreyja manninn með piparúða en maðurinn veitti ekki mótþróa við handtökuna. Atvikið átti sér stað við skemmtistað í Austurstræti í fyrravor.
Þrátt fyrir að brotaþoli hafi ekki verið að nálgast ákærða eða haft í frammi neina ógnandi háttsemi svo séð veðri beitir ákærði úðavopninu á brotaþola um það bil sex sekúndum eftir að þeir mætast en á þeirri stuttu stundu kom fram að brotaþoli var mæltur á enska tungu og skildi ekki fyrirmæli ákærða sem voru í fyrstu á íslensku þannig að ráðrúm brotaþola til að bregðast við ítrekuðum fyrirmælum þegar ákærði hrópaði þau að honum á ensku var nánast ekkert áður en ákærði beitti úðavopninu og sprautaði í augu brotaþola,“ sagði í dómnum yfir Viktori en hann neitaði sök í málinu. Viktor var á þeim tíma óútskrifaður úr lögregluskólanum en hann hafði unnið fyrir lögregluna í tvö ár og stóð til að hann myndi útskrifast mánuði eftir að atvikið á átti sér stað. Viktor var dæmdur í 30 daga skilorðsbundið fangelsi og að greiða manninum sem kærði hann 400 þúsund krónur í miskabætur. Þá þarf einnig að greiða tæpar 2,3 milljónir í málskostnað. Hann hefur ekki unnið hjá lögreglunni frá því að málið kom upp.
Mannlíf sendi Viktori fyrirspurn um málið en henni hefur ekki verið svarað.
Fjölmiðlamaðurinn Egill Helgason rifjar upp þá iðju lögreglumanns nokkurs að ljósmynda mótmælendur á áttunda áratug síðustu aldar. Veltir hann fyrir sér hvar þær myndir séu niðurkomnar.
Lögreglan hefur verið mikið á milli tannanna á fólki síðustu daga vegna viðbragða, sem mörgum hefur þótt helst til of harkaleg, við friðsælum mótmælum en þar var til að mynda piparspreyi beitt af áfergju en þrír mótmælendur þurftu að leita á bráðadeild sökum þess. Egill Helgason, fjölmiðlamaður hjá Ríkisútvarpinu, skrifaði færslu í morgun þar sem hann rifjar upp mótmæli hér á landi í kringum árið 1970, þar sem fólk mótmælti Víetnamstríðinu og heimsvaldastefnu. „Það er nokkuð rætt um hörku lögreglunnar gagnvart mótmælendum. Hefur auðvitað komið upp áður, í bernsku minni tókust mótmælendur og lögreglan oft á í aðgerðum sem gjarnan voru tengdar Vietnamstríðinu og bráttu gegn heimsvaldastefnu.“ Þetta skrifar Egill í upphafi færslu sinnar og rifjar svo upp þá sérstöku iðju löreglumanns nokkur að ljósmynda mótmælendur.
„En rifjast þá upp að lögreglumaður einn var hafður í að taka ljósmyndir af fólki í mótmælagöngum um og uppúr 1970. Hann mun hafa stundað þetta af mikilli samviskusemi, sást víða með forláta ljósmyndavél þar sem hann myndaði mótmælaaðgerðir.“
Að lokum veltir Egill fyrir sér hvar ljósmyndirnar séu niðurkomnar.
„Nú væri gaman að vita hvað varð af þessum ljósmyndum. Voru þær varðveittar? Eru þær kannski í einhverjum skáp? Væri hægt að skoða þær? Mig dreymir jafnvel um að þær verði teknar fram og haldin sérstök sýning – það væri viðburður.“
Kristján Berg hefur ekki áhyggjur þó hann hafi birt kennitölu fyrrum starfsmanns síns í Facebook-færslu sem hann skrifaði í gær þar sem hann kvartar yfir vafasömum læknisvottorðum starfsmanna. Þá þvertekur hann fyrir ásökun um að hafa rifbeinsbrotið fyrrverandi starfsmann sinn.
Fiskikóngurinn Kristján Berg fór mikinn á Facebook í gær þar sem hann kvartaði yfir læknisvottorðum starfsmann sem ná akkurat yfir uppsagnarfrestinn en hann segir að hægt sé að panta vottorð frá læknum fyrir nánast hverju sem er. Með færslunni birti Kristján Berg læknisvottorð fyrrum starfsmanns síns en gerir tilraun til að hylja kennitölu viðkomandi. Það tekst hins vegar ekki að fullu en hægt er að sjá kennitöluna í gegnum svarta litinn sem búið er að setja yfir tölurnar. Í samtali við Mannlíf segist Kristján Berg ekki hafa áhyggjur um kæru vegna brots á persónuverndarlögum.
„Nei. Óttast það ekki. Ef svo verður þá tækla ég það þegar og ef til þess kemur,“ sagði Kristján Berg við Mannlíf.
Í athugasemd við frétt DV um málið, kom maður nokkur með alvarlegar ásökun: „Nú skal ég segja ykkur hvernig þetta var með mig, fiskikóngurinn sjálfur braut í mér 2 rifbein og þurfti ég að vera frá vinnu út af því ( að sjálfsögðu,, ég kom með vottor 1.03,, en ekki 4.03 eins og hann segir , á til afrit af þessu vottorði, já þetta með ótímabundið vottorð er eifaldlega út af því að það er ekki vitað hvenar þetta lagast,búinn að fara í nokkrar myndatökur út af þessu, enda ekki von að hann skylji svo flókið mál hann segir mér upp eftir að ég kem með vottorðið og neitar að borga launin, ekki í fyrsta skipti sem það hefur gerst.“
Aðspurður þvertekur Kristján fyrir þessar ásakanir og segir þetta tilraun til fjárkúgunar. „Hef ekki rifbeinsbrotið neinn, þannig að þetta er uppspuni til þess að reyna að kúga mig og mitt fyrirtæki. Ef þessi einstaklingur telur mig hafa brotið á sér, tala nú ekki um að beinbrjóta sig, þá höfum við lögreglu, lögfræðinga og gott dómskerfi til þess að tækla svoleiðis. Viðkomandi er velkomið að fara þá leið og þá gefst mér tækifæri á að verja mig fyrir slíkum ásökunum sem eru algert bull. Dómstólar dæma svo í málinu. Annars er þessu ekki svaravert. Hótanir og fjárkúganir [bíta, innskot blaðamanns] ekki á mig. Er sterkari en það.“
Fjölskylda í Texas lenti heldur betur í furðulegu atviki í safarídýragarði þegar þau keyrðu þar í gegn. Fjölskyldan var að skoða Fossil Rim Wildlife Center í bænum Glen Rose í Texas en þar má finna alls konar dýr, meðal annars gíraffa. Fjölskyldan var í bíl með opnu þaki og sá gíraffi á svæðinu að hin tveggja ára Paisley hélt á fullum matarpoka. Þegar gíraffinn reyndi að ræna sér smá í svanginn beit hann í bol Paisley og reif hana óvart upp í stað matarpokans. Sem betur fyrir fjölskylduna sleppti gíraffinn henni fljótt og lenti hún í fangi móður sinnar. „Hjarta mitt stoppaði og ég fékk í magann. Þetta hræddi mig,“ sagði faðir Paisley um málið. Hann sagði einnig að þetta atvik muni þó ekki hafa áhrif á komu þeirra og ætla þau að heimsækja dýragarðinn aftur seinna. Þá var keypt gíraffaleikfang handa Paisley í gjafabúð garðsins á leiðinni út.
Björn Leví Gunnarsson segir Jódísi Skúladóttur senda kaldar kveðjur til Katrínar Jakobsdóttur í svörum sínum til Vísis.
Jódís Skúladóttir, þingmaður Vinstri grænna sagði í samtali við Vísi að VG-liðar hefðu lúffað of mikið fyrir samstarfsflokkum sínum í ríkisstjórninni. Björn Leví Gunnarsson, þingmaður Pírata skrifar Facebook-færslu um þessi orð Jódísar og segir hana senda Katrínu Jakobsdóttur kaldar kveðjur.
„“VG-liðar hafa gengið of langt í málamiðlunum í ríkisstjórnarsamstarfinu að mati þingmanns flokksins og hreyfingin getur ekki gefið meiri afslátt“
Kaldar kveðjur sem fyrrverandi formaður flokksins fær um hæfileika sína til að gera málamiðlanir. Einnig veltir maður því fyrir sér hvort almennir þingmenn eða grasrót hafi ekkert um þær málamiðlanir að segja og beri því ekki einhverja ábyrgð á þessu.“ Þannig hefst færsla Björns Levís. Píratinn fagnar svo viðurkenningu þingmannsins en bendir á að vandinn sé þó enn til staðar, í ljósi þess að í gær var afar umdeilt útlendingafrumvarp samþykkt á þingi:
„Því ber samt að fagna að þetta sé viðurkennt. Hingað til hefur þessum vanda verið þverneitað. Vandinn er kannski að vandinn er enn til staðar. Nú eru þinglok í gangi þar sem alls konar málamiðlanir eru gerðar og gagnrýni td. umboðsmanns barna er víst bara misskilningur.“
Tómas Ingvason, faðir Ingva Hrafns Tómassonar, sem fyrirfór sér á Litla-Hrauni þann 5. maí, fær engin efnisleg svör frá Lögreglunni á Suðurlandi um gang rannsóknar á andláti unga mannsins.
„Málið er ennþá í ransókn hjá lögreglunni á Selfossi. Við fáum engar upplýsingar,“ segirt Tómas í samtali við Mannlíf og vekur athygli á þeim langa tíma sem fer í að rannsaka andlátið. Hann segir að aðstandendur hafi enn ekki fengið að sjá handskrifað bréf sem sonur hans skyldi eftir áður en hann greip til þess að taka líf sitt.
Tómas krefst þess að yfirvöld axli ábyrgð af andláti Ingva Hrafns. Hann bendir á að fanginn hafi verið í umsjón og á ábyrgð fangelsisyfirvalda og vill kanna bótaskyldu og innri rannsókn fangelsisyfirvalda vegna andlátsins. Tóma bendir einnig á þátt lögreglunnar sem á grundvelli einfaldrar kæru réðst inn á fangaheimilið Vernd og svipti Ingva Hrafn frelsi sínu. Sérsveit lögreglunnar mætti á vettvang og handtók Ingva Hrafn og sendi hann á Litla-Hraun þar sem hann var sviptur því frelsi sem hann hafði á Vernd. Tómas vill að framganga lögreglunnar verði rannsökuð.
Tómas Ingvason berst fyrir réttlæti.
Tveimur dögum fyrir andlát sitt óskaði Ingvi Hrafn eftir geðhjálp þar sem hann var að bugast. Hann fékk þau svör að hann yrði bíða til mánudags. Daginn eftir, á laugardegi, útrekaði hann bón sína en var aftur hafnað og sagt að bíða til mánudags. Hann tók líf sitt á sunnudegi. Fangelsisyfirvöld höfðu fengið viðvörun um að fanginn væri á barmi örvæntingar. Neyðarkallinu var ekki sinnt og öryggi fangans ekki tryggt þrátt fyrirt augljósa örtvæntingu Tómas segist ekki unna sér hvíldar fyrr en þessi mál verði rannsökuð til hllítar.
„Hvaða rannsóknarhagsmuni er verið að vernda í rannsókn á sjálfsmorði þar sem fangi var einn í klefa? Engin vitni og engar öryggismyndavélar. Hvað er verið að rannsaka nákvæmlega þar sem yfirvöld hafa nú þegar gefið út að um sjálfsvíg var að ræða? Eina sem mér þætti lógíst er ef þeir eru að rannsaka eitthverjar ásakanir í þessu bréfi eða staðhæfingar, eða að bréfið innihaldi eitthverjar viðkvæmar upplýsingar fyrir fangelsismálayfirvöld eða eitthvern einstakling. Ég gefst ekki upp í máli sonar míns fyrr en réttlæti verður náð ,“ segir Tómas.
Ríkisstjórn Íslands er komin á barm hengiflugsins og við það að falla vegna innri ágreinings. Allir stjórnarflokkarnir glíma við fylgishrun og innri ágreiningur er slíkur að ekki er von um að samstaða náist í neinum málum. Þess utan er forystukreppa í öllum þessum flokkum. Vinstri grænir mælast með einungis rúmlega 3 prósent fylgi undir forystu bráðabirgðaformannsins Guðmundar Inga Guðbrandssonar.
Framsóknarflokkurinn er svo djúpt sokkinn að Miðflokkur Sigmundar Davíð Gunnlaugssonar trónir langt yfir honum í fylgi. Sjálfstæðisflokkurinn er í þeirri neyðarlegu stöðu að mælast langt undir Samfylkingu og vera í öðru sæti.
Allir formenn stjórnarflokkanna eru í þeirri stöðu að sótt er að þeim innan frá. Guðlaugur Þór Þórðarson situr um fallavalt hásæti Bjarna Benediktssonar sem um 30 þúsund Íslendingar hafa skrifað undir áskorun um að hypji sig á brott. Bjarni sjálfur er sagður hanga á forsætisráðherraembættinu af sama ákafa og hundur sem hangir á roði.
Hjá Framsóknarmönnum er ríkur vilji til þess að Lilja Alfreðsdóttir taki við af útpískuðum Sigurði Inga Jóhannssyni formanni og stöðvi lekann og rétti af hið sökkvandi fley.
Í VG er staðan sú að Svandís Svavarsdóttir innviðaráðherra situr hundfúl í skugga Guðmundar Inga og mun væntanlega gera kröfu um að taka við formennskunni áður en allt sekkur í grænan sjó stóriðju og laxeldis.
Vaxandi líkur eru á því að ríkisstjórnin spryngi á allra næstu mánuðum og innan flokkanna þriggja er ákaft leitað þeirra flóttaleiða sem duga megi til að bjarga þeim frá fylgishruni eða útrýmingu. Líklegast er að VG stigi skrefið og segi upp samstarfinu í von um lífsbjörg …
Grímur Atlason, framkvæmdarstjóri Geðhjálpar skýtur föstum skotum á Sjálfstæðismenn og Vinstri græna í nýlegri Facebook-færslu.
Í gærmorgun dreifðist frítt Morgunblað inn um lúgur landsmanna en þar var meðal annars að finna viðtal við Sjálfstæðisþingmanninn Birgi Þórarinsson um meintar ofsóknir gyðinga á Íslandi um þessar mundir. Grími Atlasyni þótti viðtalið skrítið.
„Í aldreifða mogga morgunsins má lesa furðuviðtal við Birgi Þórarinsson þingmann um meintar ofsóknir sem gyðingar verða fyrir á Íslandi. Eins og venjulega skautar Birgir algjörlega fram hjá þeirri staðreynd að stjórnvöld í Ísrael hafa kúgað Palestínumenn sl. 75 ár og myrt mörg þúsund börn sl. mánuði. Þetta er auðvitað óboðlegur málflutningur hjá þingmanninum en lýsir ágætlega hvernig Sjálfstæðisflokkurinn virðist vera innréttaður nú um stundir.“
Þá minnist Grímur á frétt á Vísi þar sem Ásmundur Friðriksson þingmaður Sjálfstæðisflokksins er með „hræðsluáróður gegn hælisleitendum“ eins og Grímur kallar það. Bendir hann einnig á lygar Ásmundar gagnvart eiginkonu Gríms, Helgu Völu Helgadóttur, lögmanns og fyrrverandi þingmanns Samfylkingarinnar.
„Á Vísi má síðan lesa frétt þar sem Ásmundur Friðriksson þingmaður mætir enn og aftur með hræðsluáróður sinn gegn hælisleitendum. Ásmundur svífst einskis þegar kemur að poppúlískri nálgun í stjórnmálum. Öll þau sex ár sem eiginkona mín sat á þingi dreifði hann lygasögum um hve mikilla fjárhagslegra hagsmuna hún hefði af fjölgun hælisleitenda á Íslandi. Það skipti engu máli hve oft hann var leiðréttur – hann hélt bara áfram að ljúga.“
Grímur snýr sér svo að Vinstri grænum:
„Hvenær ætlar VG að fara aftur í ræturnar og biðjast afsökunar á þeirri skömm sem það óneitanlega er að sitja í ríkisstjórn með fólki sem situr yst á hægri jaðrinum?
Útlendingafrumvarpið sem flokkurinn virðist styðja er algjörlega í andstöðu við stefnu og tilgang flokksins. Það er kominn tími til að flokkurinn gangist við mistökunum sem þetta feigðarflan frá haustinu 2017 óneitanlega er. Slíti stjórnarsamstarfinu, biðji kjósendur sína afsökunar og mæti síðan þeim örlögum sem kjósendur ákveða. Það væri smá reisn yfir því.“
Íbúar í Riverside sýslu í Kaliforníu í Bandaríkjunum eru í áfalli eftir að 42 ára maður var drepinn að ástæðulausu. Á mánudaginn blasti ömurleg sjón við bílstjórum við ónefnda götu í Riverside sýslu en þar var maður að nafni Julio Rodarte að skjóta á bíla sem keyrðu framhjá af handahófi með hálfsjálfvirku skotvopni. Á myndbandi sem hefur verið birt af Rodarte virðist hann vera rólegur á meðan hann skaut á bílanna en hann er talinn hafi hleypt af tugum skota. Tveir menn urðu fyrir skothríð Rodarte og annar mannanna, Victor Leon, lést af völdum skotsára. Hann lætur eftir sig fjögur börn og eiginkonu. Eiginkona Leon sagði í fjölmiðlum frá því að eiginmaður sinn hafi verið að keyra heim eftir næturvakt þegar hann var skotinn. Búið er að handtaka Rodarte og hefur hann verið ákærður fyrir morðið á Leon og tíu aðrar morðtilraunir. Hægt er að sjá myndband af Rodarte hér fyrir neðan
Leitað er eftir Magnúsi Kristni Magnússyni. Mynd / skjáskot Facebook
Magnús Kristinn Magnússon er enn ófundinn en hann hefur verið týndur frá því að hann skilaði sér ekki í flug frá Dóminíska lýðveldinu þann 10. september 2023. Systir Magnúsar segir að borgaraþjónusta utanríkisráðuneytisins hafi lítið sem ekkert hjálpað í málinu.
Magnús Kristinn, fæddur 1987, átti flug til Íslands frá Dóminíska lýðveldisins þann 10. september en þangað hafði hann farið viku áður. Ekkert hefur til hans spurst frá brottfarardeginum.
Mannlíf hafði samband við systur Magnúsar, Rannveigu Karlsdóttur og spurði hvort eitthvað sé að frétta af leitinni.
„Nei, því miður er ekkert að frétta og í raun hefur ekkert gerst eða breyst síðustu mánuði. Allt við það sama og ég held það sé í raun lítið sem ekkert í gangi, allavega sem ég veit um, því miður.“
Aðspurð hvort nægileg hjálp hafi fengist hjá yfirvöldum í Dóminíska lýðveldinu og utanríkisráðuneyti Íslands, segir hún svo ekki vera.
„Við fengum ekki mikla hjálp frá borgaraþjónustunni, hvorki í byrjun né síðar. Fengum skýrslu frá Dóminíska lýðveldinu (stutt yfirlit yfir það sem gerst hafði þar) en síðan ekki meir,“ segir Rannveig í skriflegu svari til Mannlífs.
Rannveig bætti svo við:
„Það eina sem ég held að sé hugsanlega í gangi er að alþjóðadeild lögreglunnar sé að reyna að koma á sambandi við lögregluna úti til að geta farið út og skoðað aðeins málið. Það hefur ekki gengið enn sem komið er. Mér skilst að þessar tilraunir til sambands út hafi staðið síðan fyrir jól, en ekkert gengið.“
Saga Matthildur gaf út lagið Yfirgefin - Mynd: Skjáskot af Instagram
Fátt er skemmtilegra en íslensk tónlist og það er vegna þess að Íslendingar eru ótrúlega hæfileikaríkir á þessu sviði. Eina sem er betra en íslensk tónlist er ný íslensk tónlist og hefur Mannlíf valið fimm nýleg íslensk lög sem allir þurfa að hlusta á um helgina.
Númer 3 og Króli – Bjór
Ágúst Elí – Animestrákurinn
Saga Matthildur – Yfirgefin
LadieLex – Silence
Pale Moon – Love Me
Einu tíðindi næturinnar eru þau að lögreglan greip inn í og stöðvaði það að þjóðfána Íslands var flaggað klukkan hálf þrjú í nótt. Fáninn var haldlagður vegna málsins en óljóst er um refsingu þess sem ábyrgð ber á lögbrotinu.
Lögregla brá skjótt við og fór á vettvang í Hlíðunum eftir að tilkynning barst um nakinn mann, síðdegis í gær.Laganna verðir gripu í tómt og einungis fullkætt fólk á ferli. Sá nakti var horfinn þegar þá bar að garði. Óvelkominn maður var á þvælingi í stigahúsi í Skerjafirði um svipað leyti.
Frá því segir í dagbók lögreglunnar að „erlendur ökumaður“ var stöðvaður í akstri. Sá reyndist hafa fíkniefni til sölu í bifreið sinni. Hann var læstur inni fangageymslu.
Í austurborginni bar það til tíðinda að stolið var veski og buxum.
Skemmdarvargur og þjófur var handtekinn í miðborginni.
Tilkynnt var um ungmenni með byssur í miðborginni. Raunin var sú að að þarna voru krakkar bófaleik.
Óvelkominn aðili var inni í verslun í Breiðholtin. Honum var vísað út af lögreglu.
Tilkynnt var um slagsmál í Breiðholti. Meintir slagsmálahundar voru horfnir þegar lögreglan birtist.
Lögreglan kom til aðstoðar manni sem var steinsofandi undir berum himni í Grafarvogi. Hann var vakinn og honum hjálpað á fætur og til sjálfsbjargar.
Í fjörunni í Grafarvogi sást til mannaferða sem þóttu grunsamlegar. Lögreglan mætti og komst að raun um að þarna var fólk að týna skeljar til átu. Svæðið er friðlýst og óljóst með afleiðingar fyrir skeljafólkið.
Fisksalinn, Kristján Berg Ásgeirsson, betur þekktur sem, Fiskikóngurinn og eigandi Heitra potta, er í vandræðum eftir að hafa birt opinberlega kennitölu starfsmanns síns undir þeim formerkjum að starfsmaðurinn væri að kúga hann til launagreiðslu. Málið vakti mikla athygli og ekki síst eftir að Mannlíf sagði frá viðbrögðum starfsmannsins sem svarar vinnuveitenda sínum fullum háls og segir að Kristján hafi rifbeinsbrotið sig. „Nú skal ég segja ykkur hvernig þetta var með mig, fiskikóngurinn sjálfur braut í mér 2 rifbein og þurfti ég að vera frá vinnu út af því,“ segir starfsmaðurinn og lýsir Kristjáni Berg sem vælukjóa og rifjar upp þá fortíð hans að flytja inn eiturlyf. Þá segir starfsmaðurinn við athugasemd við frétt Mannlífs að vitni séu að árás Fiskikóngsins sem þar að auki sé til á öryggismyndavélum.
Kristján Berg gefur starfsmanninum veika ekkert eftir í samtali við Mannlíf og skorar á hann að leita til dómstóla. „Ef þessi einstaklingur telur mig hafa brotið á sér, tala nú ekki um að beinbrjóta sig, þá höfum við lögreglu, lögfræðinga og gott dómskerfi til þess að tækla svoleiðis,“ sagði hann við Mannlíf.
Ólíklegt er að málinu sé lokið og viðbúið að Kristján Berg eigi eftir að enda fyrir dómstólum vegna kennitölunnar. Þá hlýtur að fara fram rannsókn á meintu ofbeldi hans og Kristján Berg sjálfur að hreinsa sig af ásökunum sem hann segir vera rangar. Viðbúið er að stéttarfélag launþegans grípi til aðgerða. Fiskikóngurinn er í klandri …
Bæjarfulltrúi Sjálfstæðisflokksins í Vestamannaeyjum var handtekinn fyrir að taka þátt í smygli árið 1990 en Alþýðublaðið og DV fjölluðu um málið á sínum tíma.
„Bílstjórinn er lykilmaður í þessu máli. Hvað hann hefur sagt vil ég ekki segja frá. Ég vil ekki ræða rannsóknina á þessu stigi. Rannsóknin mun tefjast þar sem Bakkafoss er ekki á Íslandi. Það hefur ekki verið rætt við skipverjana,“ sagði Kristinn Ólafsson tollgæslustjóri um málið í samtali við DV árið 1990 en var þarna um að ræða smygl með skipinu Bakkafossi. Georg Þór Kristjánsson, þáverandi bæjarfulltrúi Sjálfstæðismanna í Vestmannaeyjum, var handtekinn á sendiferðabíl sem var fullur af smyglvarningi en Georg starfaði einnig sem verkstjóri hjá Eimskip á þessum tíma. Alþýðublaðið sagði svo frá því að virði smyglvarningsins hafi verið um 300 milljónir króna og var það stærsta smyglmál landsins sem upp hafði komist á þeim tíma en varningurinn var áfengi, vindlar og talstöðvar. Georg og fimm aðrir menn voru handteknir vegna málsins að sögn blaðsins. Oddviti Sjálfstæðisflokksins í Vestmannaeyjum vildi lítið ræða þetta mál við DV. „Það hefur ekki verið rætt. Ég vil ekkert tjá mig um þetta. Það er það stutt síðan þetta kom upp. Bæjarfulltrúarnir eru á ferðalögum og við höfum ekki hist eftir að þetta kom upp.“ „Þetta er gífurlegt áfall fyrir flokkinn. Fyrst var þessi uppákoma með Sigurð Jónsson og svo bætist þetta við. Sjálfstæðismenn verða að ræða þetta mál af fullri einlægni og bregðast ákveðið við,“ sagði ónefndur Sjálfstæðismaður í Vestmannaeyjum.
Ég var ung þegar ég kynntist honum. Reynsla mín af ástarsamböndum var lítil sem engin, en fátt þráði ég heitar en að vera elskuð, eitthvað sem ég upplifði ekki í æsku. Við kynntumst á bar í miðbæ Reykjavíkur á bjartri sumarnóttu. Augu okkar mættust og þá var ekki aftur snúið. Hann var talsvert ölvaður, en ég kippti mér lítið upp við það enda var drykkja stór partur af íslensku skemmtanalífi. Við skiptumst á númerum og ákváðum að hittast næsta dag á kaffihúsi. Uppáklæddur í gallabuxum og skyrtu þótti mér hann enn myndarlegri en kvöldið áður. Eftir fyrsta stefnumótið vorum við óaðskiljanleg. Ég var yfir mig ástfangin og taldi hann vera það líka. Þegar ég lít til baka sé ég þó að þessi maður var ekki fær um að finna neina ást, í sál hans var eintómt hatur. Fyrst um sinn var hann hinn fullkomni maki, færði mér kaffi í rúmið alla morgna og blóm á hverjum sunnudegi. Tveimur mánuðum eftir fyrstu kynni okkar var ég flutt inn í litlu kjallaraíbúðina hans, foreldrum mínum til mikillar ánægju. Þau höfðu oft talað um að nú væri kominn tími til þess að ég flytti að heiman og sæi um mig sjálf. Þau höfðu miklar mætur á nýja sambýlismanni mínum sem lagði sig allan fram við að ganga í augun á þeim. Stuttu eftir flutningana komst ég að því að ég var ófrísk. Þrátt fyrir stutt samband höfðum við talað með stjörnubjörtum augum um fjölskylduna sem við vildum eignast saman. Börnin, hundinn og húsið.
Ég beið spennt með jákvætt þungunarprófið í höndunum eftir manninum mínum sem var á leið heim úr vinnu. Himinlifandi sýndi ég honum niðurstöðuna, það var þá sem hann sló mig fyrst. Mér var svo brugðið að ég meðtók lítið af öskrunum í honum. Hann vildi vita hvernig ég gat látið þetta gerast. Hann rauk út og ég lá eftir á baðherbergisgólfinu, ískaldar flísarnar voru eina merkið um að ekki væri um vondan draum að ræða. Maðurinn sem ég dýrkaði og dáði hafði gengið í skrokk á mér. Ég var fljót að fyrirgefa honum verknaðinn þegar hann kom til baka með rósir og nammipoka, lofaði öllu fögru og afsakaði sig með því að mikið álag væri á honum í vinnunni. Hann varð þó aldrei aftur sami maðurinn og ég kynntist. Mánuðirnir liðu og ófætt barnið okkar stækkaði. Stundum var hann spenntur að verða faðir, en oft var hann reiður og kenndi mér um þessi örlög. Hann drakk sig fullan marga daga í viku, þá varð hann ofbeldisfullur og virtist ganga lengra með hverju skiptinu. Undir lok meðgöngunnar varð hann mér næstum að bana, sparkaði í mig og lamdi ítrekað. Ég öskraði og grét, en það hafði ekkert að segja. Klukkutíma síðar rankaði ég við mér á gólfinu sem var þakið blóði. Andlit mitt var óþekkjanlegt í speglinum, bólgið og marið. Ég læddist fram þar sem maðurinn minn svaf værum svefni með bjórdósirnar allt í kringum sig. Ófætt barnið okkar sparkaði af krafti og ég andaði léttar. Ef ég færi á sjúkrahús yrði hann æfur, enginn mátti vita af ofbeldinu. Ég skreið því upp í rúm, grét og lofaði litla barninu mínu að koma okkur í burtu frá þessum manni.
Daginn eftir lék hann sama leikrit og vanalega. Blóm og morgunmatur í rúmið ásamt örvæntingarfullum loforðum og afsökunarbeiðnum. Mér brá þegar hann sagðist ætla í meðferð. Aldrei hafði mér dottið til hugar að maðurinn myndi nokkurn tímann hætta að drekka. Kannski var það áfengið sem gerði hann að þessu skrímsli? Ég gat ekki gefist upp ef hann yrði aftur að manninum sem hann var í upphafi sambandsins, manninum sem ég elskaði svo heitt. Viku síðar var hann kominn inn á Vog og sama dag fór ég af stað í fæðingu og átti dóttur okkar. Allt virtist ganga á besta veg. Við töluðum daglega saman í síma og hann dembdi yfir mig ástarorðum og loforðum. Eftir mánuð í meðferð kom maðurinn minn heim. Í fyrstu sýndi hann dóttur sinni mikinn áhuga, en með hverjum deginum dvínaði áhuginn. Loks fór hann aftur að drekka og lýsti andúð sinni á mér og dóttur okkar. Það leið ekki að löngu þar til að hann gekk í skrokk á mér aftur. Örvæntingin greip mig, ég vissi að ég gæti ekki boðið dóttur minni upp á þetta. Ekki hafði ég þó minnstu hugmynd um hvert ég gæti farið. Ég átti í engin önnur hús að venda og átti ekki krónu. Maðurinn minn skammtaði mér vasapening, honum þótti ég of eyðslusöm og sagði að ekki væri hægt að treysta mér fyrir peningum. Þegar ég var í þann mund að sætta mig við hræðileg örlög mín fékk ég skilaboð á Facebook og hjartað í mér sökk. Sendandinn var ung kona, hún virtist illa farin á myndum. Hún tjáði mér að hún hefði átt í kynferðislegu sambandi við manninn minn á Vogi, nýlega hefði hún greinst með kynsjúkdóm og bæri skylda til þess að láta bólfélaga sína vita. Maðurinn minn hafði alla tíð verið lítið á samfélagsmiðlum og konan fann enga leið til þess að ná í hann. Ég starði stjörf á tölvuskjáinn og las skilaboðin aftur og aftur. Ég spurði konuna hvernig hún vissi af mér og hún tjáði mér að maðurinn minn hefði talað mikið um mig á Vogi, sýnt samsjúklingum myndir af mér og dóttur okkar á milli þess sem hann læddist inn í herbergi með hinum ýmsu konum. Ég gat ekki lengur kennt áfenginu um kvikindisskapinn.
Það var þennan dag sem ég pakkaði nauðsynjum niður í tösku fyrir mig og dóttur mína og hélt beina leið í Kvennaathvarfið. Stuttu síðar greindist ég með tvo kynsjúkdóma. Ég byggði mér hægt og rólega upp nýtt líf og dóttir mín hefur ekki séð né heyrt frá föður sínum síðan. Nú tíu árum síðar birtist hann enn reglulega í lífi mínu með skilaboðum á samfélagsmiðlum, þrátt fyrir nálgunarbann. Hann mun þó aldrei fá tækifæri til að meiða mig aftur.
Stöðfirðingurinn Hilmar Garðarsson gaf nýverið út plötuna Under The Influence þar sem hann syngur lög þeirra tónlistarmanna sem hafa haft hvað mest áhrif á hann í tónlistinni.
Hilmar Garðarsson er nú búsettur í sínum gamla heimabæ, Stöðvarfirði fyrir Austan eftir margra ára flakk en hann hefur búið í Reykjavík, á Egilsstöðum og í níu ár í Oulu í Finnlandi. Hefur hann verið viðriðinn tónlist ansi lengi, ýmist sem meðlimur í hljómsveit eða á sólóferli en hann var aðeins 16 ára gamall þegar hann var í sinni fyrstu hljómsveit.
Hilmar var að gefa út sína þriðju plötu fyrir ekki margt löngu en fyrri plötur hans, Pleased to leave you, sem kom út árið 2004 og White Lotus, sem kom út 2017 vöktu þó nokkra athygli en sú til dæmis hlaut fyrri platan fjórar stjörnur í plötugagnrýni í Morgunblaðinu á sínum tíma.
Mannlíf ræddi við Hilmar um nýju plötuna.
Hvernig plata er Under The Influence?
„Hún er ljúf kassagítarplata tekin upp læf á einum degi af Jónasi Björgvinssyni í hljóðverinu hans hljodver.is með lögum eftir mína áhrifavalda,“ svaraði Hilmar í skriflegu svari.
Hvað varð til þess að þú ákvaðst að gefa út ábreiðuplötu?
„Þegar að ég heyrði American plöturnar frá Johnny Cash fyrir mörgum árum kviknaði hugmyndin fyrst um að gera plötu með lögum eftir aðra, einn með kassagítarinn þar sem hægt er að ná skemmtilegri dýpt og annari nálgun með þessu formi. Ég hafði fengið styrk fyrir útgáfu á plötu sem ég var að fara í með eigið efni. En þar sem ég hafði verið í miklu tjóni sökum kókaínfíknar ákvað ég að fresta henni þar sem mér fannst ég verða að lagfæra sumt og semja aðeins meira efni til þess að hafa meira til þess að velja úr og þetta var niðurstaðan.“
Hvernig hafa viðbrögðin verið?
„Bara virkilega góð og hafa komið mér á óvart þar sem ég hef ekkert verið að fylgja henni eftir.“
En var ekki erfitt að velja lög á plötuna?
„Já mjög erfitt. Ég kom með 12 lög sem ég hafði skorið niður úr 30 og þau enduðu sem níu.“
Hvað er svo framundan hjá þér?
„Ég mun verða með tónleika í haust til að fagna þessari plötu og jafnframt til þess að fagna 20 ára afmæli fyrstu plötunnar minnar Pleased to leave you svo er aldrei að vita nema maður taki nokkur gigg.“
En hyggurðu á frekari plötuútgáfu á næstunni? Jafnvel aðra ábreiðuplötu?
„Það er planið að klára plötuna sem ég hef verið að vinna með í nokkur ár með frumsömdu efni en svo langar mig að gera Under The Influence að seríu en nota mismunandi þema til dæmis að sú næsta yrði eingöngu með lögum eftir konur eða lög frá hljómsveitum og jafnvel að gera dúetta plötu en þetta verður tíminn að leiða í ljós. Þessi plata er eingöngu með lögum eftir sólólistamenn þannig að halda ólíku þema væri skemmtilegt.“
Hægt er að hlusta á hina stórgóðu plötu Under The Influence á Spotify.
Hér má hlusta á lag Nick Cave and the Bad Seeds Are You The One That I´ve Been Waiting for:
Mótmælendur sem höfðu smyglað sér innan um áhorfendur hjá Jimmy Kimmel, trufluðu upptöku á viðtali Kimmel við varaforseta Bandaríkjanna, Kamala Harris. Æptu aðgerðasinnarnir ókvæðisorðum að Harris, vegna stuðnings bandarískra yfirvalda við Ísrael og árásir þeirra á Palestínumenn.
Öryggisverðir urðu að stíga inn í er hópur hóf að mótmæla Kamala Harris, varaforseta Bandaríkjanna, sem mætt var í viðtal hjá Jimmy Kimmel.
Hópurinn, sem kallar sig CODEPINK, birti myndskeið af mótmælum sínum, sem áttu sér stað í gærkvöldi en þar kölluðu meðlimir hópsins Harris meðal annars morðingja, sem styddi þjóðarmorð í Miðausturlöndum. „15.000 börn dáinn vegna þín! Stöðvið þjóðarmorðið!“
Jimmy reyndi að segja nokkra brandara til að létta andrúmsloftið en að lokum hóf hljómsveit þáttarins að spila lag eftir Stevie Wonder, á meðan öryggisverðir fjarlægðu mótmælendurna.Hópurinn dreifði mótmælum sínum nokkuð vel en í hvert skipti sem einn mótmælandi var fjarlægður af öryggisverði, stóð annar upp og hóf að öskra að Harris. Einn einstaklingur dró meira að segja upp fána Palestínu á meðan hann hrópaði á varaforsetann.
Baksviðs hélt atgangurinn áfram en eftir að einn mótmælandinn neitaði að afhenda skilríki sín til öryggisvarðar, olli það líkamlegum átökum. Að lokum var hópnum hent út úr myndverinu, án handtöku en hann hélt áfram að mótmæla fyrir utan húsið, sem staðsett er í Hollywood.
Takmark CODEPINK var að sögn hópsins það, að trufla upptökur á viðtalinu og skamma varaforsetann fyrir stuðning Bandaríkjastjórnar við sprengjuárásir og dráp Ísraela á palenstínska borgara í stríði sínu gegn Hamas.
Að sjálfsögðu voru mótmælin klippt út úr þættinum en viðtalið varði í 20 mínútur þar sem rædd var um ýmis málefni, þar á meðal rétt til fóstureyðinga og innflytjendamál. Af einhverjum sérkennilegum ástæðum var ekki orði minnst á þjóðarmorðið á Gaza.
Hræðilegt slys átti sér stað í Mexíkó í vikunni í Hidalgo.
Við lestarteina í Hidalgo var fjölmennur hópur fólks samankominn til að fylgjast með sögufrægri lest fara þar framhjá en lestin fer alla leið frá Mexíkó-borg til Kanada. Margir áhorfendur tóku upp síma og myndavélar til að taka upp myndir og myndbönd af lestinni þegar hún æddi framhjá. Þar á meðal var ein 29 ára gömul kona sem var þar með fjölskyldu sinni. Hún fór nær lestinni en aðrir áhorfendur og freistaði þess að ná sjálfu með lestinni. Nálægð hennar varð þó til þess að hluti lestarinnar sló hana í hausinn þegar hún fór framhjá konunni og lést konan samstundis. Lestarfélagið hefur sagt að rannsókn standi yfir á atvikinu. „Við erum gífurlega sorgmædd vegna dauðsfallsins sem átti sér stað og viljum votta aðstandendum konunnar samúð okkar,“ sagði lestarfyrirtækið í yfirlýsingu. Þá minnti fyrirtækið á að ráðlagt sé að vera alltaf í að minnsta kosti tíu metra fjarlægð frá lestum á ferð. Hægt er að sjá myndband af atvikinu hér fyrir neðan en við vörum við efni myndbandsins.
Undirskriftarsöfnun er hafin þar sem krafist er þess að Akureyrarbær hætti að nota ísraelska færsluhirðinn Rapyd.
Mikil andstaða hefur verið hér á landi og víðar, við færslufyrirtækið Rapyd, sem er ísraelskt en eigandi þess hefur opinberlega lýst yfir stuðningi sínum við árásir Ísraelsmanna á Gaza og á Vestubakkanum í Palestínu, auk þess sem fyrirtækið hefur aðstoðað Ísraelsher sérstaklega. Fjöldi fyrirtækja hefur skipt um færsluhirði í kjölfar síendurtekinna mannréttindabrota og þjóðarmorðs á Palestínumönnum og nú er hafin undirskriftarsöfnun þar sem þess er krafist að Akureyrarbær hætti að nota Rapyd sem færsluhirði.
„Við krefjumst þess að Akureyrarbær hætti að nota Rapyd sem færsluhirði. Færsluhirðirinn Rapyd er ísraelskt fyrirtæki með útibú á Íslandi, forstjóri fyrirtækisins hefur opinberlega yfirlýst stuðning sinn við aðgerðir Israelsmanna á Gaza og Vesturbakkanum. Þá hafa fjölmiðlar í Ísrael flutt fréttir af beinni þátttöku Rapyd í stríðinu því fyrirtækið hefur sett á stofn sérstaka stríðsstofu eða „war room“ til að aðstoða Ísraelska herinn.“
Fordæma árásir og krefjast vopnahlés
Bæjarstjórn Akureyrar samþykkti á fundi í fyrradag, með 10 atkvæðum á móti einu, að fordæma árásir gegn almennum borgurum á Gaza sem og „og önnur ofbeldisverk fyrir botni Miðjarðarhafs sem brjóta gegn alþjóðlegum mannúðarlögum, með tilheyrandi þjáningu og eyðileggingu borgaralegra innviða,“ eins og segir í bókun sem bæjarfulltrúi Framsóknar, Gunnar Már Gunnarsson lagði fram.
Hér má lesa bókun Gunnars í heild sinni, sem birtist á Akureyri.net:
Bæjarstjórn Akureyrarbæjar fordæmir árásir gegn almennum borgurum á Gaza og önnur ofbeldisverk fyrir botni Miðjarðarhafs sem brjóta gegn alþjóðlegum mannúðarlögum, með tilheyrandi þjáningu og eyðileggingu borgaralegra innviða. Bæjarstjórn tekur undir með ályktun utanríkismálanefndar Alþingis, að kalla eigi eftir tafarlausu vopnahléi á átökum á svæðinu af mannúðarástæðum, mannúðlegri meðferð á og tafarlausri lausn gísla, aðgengi hjálpar- og mannúðarsamtaka og að neyðarvistum og læknisaðstoð verði komið til almennings tafarlaust. Þá telur bæjarstjórn mikilvægt að sveitarfélög og ríkisstofnanir gangi fram með góðu fordæmi, m.a. þegar kemur að kaupum á vörum og þjónustu. Sjálfsagt sé að gera þá kröfu til fyrirtækja sem Akureyrarbær á í viðskiptum við að þau virði alþjóðalög í hvívetna.
Að minnsta kosti 37,182 manns hefur verið drepinn á Gaza og á Vesturbakkanum frá 7. október, þar af að minnsta kosti 15.132 börn. Þá er talið að tugir líka sé að finna undir rústum bygginga á Gaza.
Óskar Steinn Ómarsson lýsir furðu yfir vegna vinnubragða hjá Hafnarfjarðarbæ.
„Það mun taka mig langan tíma að vinna almennilega úr öllu því sem átti sér stað á fundi bæjarstjórnar Hafnarfjarðar í dag,“ segir Óskar og bætir við:
„Þar fékk meirihluti bæjarstjórnar tækifæri til að draga til baka þá óskiljanlegu og órökstuddu ákvörðun fræðsluráðs og fjölskylduráðs að leggja niður ungmennahúsið Hamarinn og segja upp öllu starfsfólki. Fyrir fundinn höfðu bæjarfulltrúar fengið í hendurnar áköll frá bæði fagfólki og hafnfirskum ungmennum um að falla frá ákvörðuninni, auk mjög persónulegra frásagna um mikilvægi þess starfs sem unnið hefur verið í Hamrinum.“
Allt kom fyrir ekki.
„Það dugði ekki til að afstýra þeim stórkostlegu skemmdarverkum á ungmennastarfi sem meirihluti bæjarstjórnar var ákveðinn í að hrinda í framkvæmd. Eftir fundinn í dag sit ég uppi með fleiri spurningar en svör og spyr eins og Guðmundur Árni Stefánsson, var tilgangurinn með þessari vegferð allri sá að losna við ákveðið fólk?“
Lögreglumaðurinn Viktor Freyr Hjörleifsson var í vikunni dæmdur fyrir brot í starfi sínu sem lögreglumaður. Viktor var sakfelldur í Héraðsdómi Reykjavíkur fyrir ofbeldi við handtöku en hann er sagður hafa sparkað í mann við handtöku og lamið hann með kylfu í fjórgang ásamt því að spreyja manninn með piparúða en maðurinn veitti ekki mótþróa við handtökuna. Atvikið átti sér stað við skemmtistað í Austurstræti í fyrravor.
Þrátt fyrir að brotaþoli hafi ekki verið að nálgast ákærða eða haft í frammi neina ógnandi háttsemi svo séð veðri beitir ákærði úðavopninu á brotaþola um það bil sex sekúndum eftir að þeir mætast en á þeirri stuttu stundu kom fram að brotaþoli var mæltur á enska tungu og skildi ekki fyrirmæli ákærða sem voru í fyrstu á íslensku þannig að ráðrúm brotaþola til að bregðast við ítrekuðum fyrirmælum þegar ákærði hrópaði þau að honum á ensku var nánast ekkert áður en ákærði beitti úðavopninu og sprautaði í augu brotaþola,“ sagði í dómnum yfir Viktori en hann neitaði sök í málinu. Viktor var á þeim tíma óútskrifaður úr lögregluskólanum en hann hafði unnið fyrir lögregluna í tvö ár og stóð til að hann myndi útskrifast mánuði eftir að atvikið á átti sér stað. Viktor var dæmdur í 30 daga skilorðsbundið fangelsi og að greiða manninum sem kærði hann 400 þúsund krónur í miskabætur. Þá þarf einnig að greiða tæpar 2,3 milljónir í málskostnað. Hann hefur ekki unnið hjá lögreglunni frá því að málið kom upp.
Mannlíf sendi Viktori fyrirspurn um málið en henni hefur ekki verið svarað.
Fjölmiðlamaðurinn Egill Helgason rifjar upp þá iðju lögreglumanns nokkurs að ljósmynda mótmælendur á áttunda áratug síðustu aldar. Veltir hann fyrir sér hvar þær myndir séu niðurkomnar.
Lögreglan hefur verið mikið á milli tannanna á fólki síðustu daga vegna viðbragða, sem mörgum hefur þótt helst til of harkaleg, við friðsælum mótmælum en þar var til að mynda piparspreyi beitt af áfergju en þrír mótmælendur þurftu að leita á bráðadeild sökum þess. Egill Helgason, fjölmiðlamaður hjá Ríkisútvarpinu, skrifaði færslu í morgun þar sem hann rifjar upp mótmæli hér á landi í kringum árið 1970, þar sem fólk mótmælti Víetnamstríðinu og heimsvaldastefnu. „Það er nokkuð rætt um hörku lögreglunnar gagnvart mótmælendum. Hefur auðvitað komið upp áður, í bernsku minni tókust mótmælendur og lögreglan oft á í aðgerðum sem gjarnan voru tengdar Vietnamstríðinu og bráttu gegn heimsvaldastefnu.“ Þetta skrifar Egill í upphafi færslu sinnar og rifjar svo upp þá sérstöku iðju löreglumanns nokkur að ljósmynda mótmælendur.
„En rifjast þá upp að lögreglumaður einn var hafður í að taka ljósmyndir af fólki í mótmælagöngum um og uppúr 1970. Hann mun hafa stundað þetta af mikilli samviskusemi, sást víða með forláta ljósmyndavél þar sem hann myndaði mótmælaaðgerðir.“
Að lokum veltir Egill fyrir sér hvar ljósmyndirnar séu niðurkomnar.
„Nú væri gaman að vita hvað varð af þessum ljósmyndum. Voru þær varðveittar? Eru þær kannski í einhverjum skáp? Væri hægt að skoða þær? Mig dreymir jafnvel um að þær verði teknar fram og haldin sérstök sýning – það væri viðburður.“
Kristján Berg hefur ekki áhyggjur þó hann hafi birt kennitölu fyrrum starfsmanns síns í Facebook-færslu sem hann skrifaði í gær þar sem hann kvartar yfir vafasömum læknisvottorðum starfsmanna. Þá þvertekur hann fyrir ásökun um að hafa rifbeinsbrotið fyrrverandi starfsmann sinn.
Fiskikóngurinn Kristján Berg fór mikinn á Facebook í gær þar sem hann kvartaði yfir læknisvottorðum starfsmann sem ná akkurat yfir uppsagnarfrestinn en hann segir að hægt sé að panta vottorð frá læknum fyrir nánast hverju sem er. Með færslunni birti Kristján Berg læknisvottorð fyrrum starfsmanns síns en gerir tilraun til að hylja kennitölu viðkomandi. Það tekst hins vegar ekki að fullu en hægt er að sjá kennitöluna í gegnum svarta litinn sem búið er að setja yfir tölurnar. Í samtali við Mannlíf segist Kristján Berg ekki hafa áhyggjur um kæru vegna brots á persónuverndarlögum.
„Nei. Óttast það ekki. Ef svo verður þá tækla ég það þegar og ef til þess kemur,“ sagði Kristján Berg við Mannlíf.
Í athugasemd við frétt DV um málið, kom maður nokkur með alvarlegar ásökun: „Nú skal ég segja ykkur hvernig þetta var með mig, fiskikóngurinn sjálfur braut í mér 2 rifbein og þurfti ég að vera frá vinnu út af því ( að sjálfsögðu,, ég kom með vottor 1.03,, en ekki 4.03 eins og hann segir , á til afrit af þessu vottorði, já þetta með ótímabundið vottorð er eifaldlega út af því að það er ekki vitað hvenar þetta lagast,búinn að fara í nokkrar myndatökur út af þessu, enda ekki von að hann skylji svo flókið mál hann segir mér upp eftir að ég kem með vottorðið og neitar að borga launin, ekki í fyrsta skipti sem það hefur gerst.“
Aðspurður þvertekur Kristján fyrir þessar ásakanir og segir þetta tilraun til fjárkúgunar. „Hef ekki rifbeinsbrotið neinn, þannig að þetta er uppspuni til þess að reyna að kúga mig og mitt fyrirtæki. Ef þessi einstaklingur telur mig hafa brotið á sér, tala nú ekki um að beinbrjóta sig, þá höfum við lögreglu, lögfræðinga og gott dómskerfi til þess að tækla svoleiðis. Viðkomandi er velkomið að fara þá leið og þá gefst mér tækifæri á að verja mig fyrir slíkum ásökunum sem eru algert bull. Dómstólar dæma svo í málinu. Annars er þessu ekki svaravert. Hótanir og fjárkúganir [bíta, innskot blaðamanns] ekki á mig. Er sterkari en það.“
Fjölskylda í Texas lenti heldur betur í furðulegu atviki í safarídýragarði þegar þau keyrðu þar í gegn. Fjölskyldan var að skoða Fossil Rim Wildlife Center í bænum Glen Rose í Texas en þar má finna alls konar dýr, meðal annars gíraffa. Fjölskyldan var í bíl með opnu þaki og sá gíraffi á svæðinu að hin tveggja ára Paisley hélt á fullum matarpoka. Þegar gíraffinn reyndi að ræna sér smá í svanginn beit hann í bol Paisley og reif hana óvart upp í stað matarpokans. Sem betur fyrir fjölskylduna sleppti gíraffinn henni fljótt og lenti hún í fangi móður sinnar. „Hjarta mitt stoppaði og ég fékk í magann. Þetta hræddi mig,“ sagði faðir Paisley um málið. Hann sagði einnig að þetta atvik muni þó ekki hafa áhrif á komu þeirra og ætla þau að heimsækja dýragarðinn aftur seinna. Þá var keypt gíraffaleikfang handa Paisley í gjafabúð garðsins á leiðinni út.
Björn Leví Gunnarsson segir Jódísi Skúladóttur senda kaldar kveðjur til Katrínar Jakobsdóttur í svörum sínum til Vísis.
Jódís Skúladóttir, þingmaður Vinstri grænna sagði í samtali við Vísi að VG-liðar hefðu lúffað of mikið fyrir samstarfsflokkum sínum í ríkisstjórninni. Björn Leví Gunnarsson, þingmaður Pírata skrifar Facebook-færslu um þessi orð Jódísar og segir hana senda Katrínu Jakobsdóttur kaldar kveðjur.
„“VG-liðar hafa gengið of langt í málamiðlunum í ríkisstjórnarsamstarfinu að mati þingmanns flokksins og hreyfingin getur ekki gefið meiri afslátt“
Kaldar kveðjur sem fyrrverandi formaður flokksins fær um hæfileika sína til að gera málamiðlanir. Einnig veltir maður því fyrir sér hvort almennir þingmenn eða grasrót hafi ekkert um þær málamiðlanir að segja og beri því ekki einhverja ábyrgð á þessu.“ Þannig hefst færsla Björns Levís. Píratinn fagnar svo viðurkenningu þingmannsins en bendir á að vandinn sé þó enn til staðar, í ljósi þess að í gær var afar umdeilt útlendingafrumvarp samþykkt á þingi:
„Því ber samt að fagna að þetta sé viðurkennt. Hingað til hefur þessum vanda verið þverneitað. Vandinn er kannski að vandinn er enn til staðar. Nú eru þinglok í gangi þar sem alls konar málamiðlanir eru gerðar og gagnrýni td. umboðsmanns barna er víst bara misskilningur.“
Tómas Ingvason, faðir Ingva Hrafns Tómassonar, sem fyrirfór sér á Litla-Hrauni þann 5. maí, fær engin efnisleg svör frá Lögreglunni á Suðurlandi um gang rannsóknar á andláti unga mannsins.
„Málið er ennþá í ransókn hjá lögreglunni á Selfossi. Við fáum engar upplýsingar,“ segirt Tómas í samtali við Mannlíf og vekur athygli á þeim langa tíma sem fer í að rannsaka andlátið. Hann segir að aðstandendur hafi enn ekki fengið að sjá handskrifað bréf sem sonur hans skyldi eftir áður en hann greip til þess að taka líf sitt.
Tómas krefst þess að yfirvöld axli ábyrgð af andláti Ingva Hrafns. Hann bendir á að fanginn hafi verið í umsjón og á ábyrgð fangelsisyfirvalda og vill kanna bótaskyldu og innri rannsókn fangelsisyfirvalda vegna andlátsins. Tóma bendir einnig á þátt lögreglunnar sem á grundvelli einfaldrar kæru réðst inn á fangaheimilið Vernd og svipti Ingva Hrafn frelsi sínu. Sérsveit lögreglunnar mætti á vettvang og handtók Ingva Hrafn og sendi hann á Litla-Hraun þar sem hann var sviptur því frelsi sem hann hafði á Vernd. Tómas vill að framganga lögreglunnar verði rannsökuð.
Tómas Ingvason berst fyrir réttlæti.
Tveimur dögum fyrir andlát sitt óskaði Ingvi Hrafn eftir geðhjálp þar sem hann var að bugast. Hann fékk þau svör að hann yrði bíða til mánudags. Daginn eftir, á laugardegi, útrekaði hann bón sína en var aftur hafnað og sagt að bíða til mánudags. Hann tók líf sitt á sunnudegi. Fangelsisyfirvöld höfðu fengið viðvörun um að fanginn væri á barmi örvæntingar. Neyðarkallinu var ekki sinnt og öryggi fangans ekki tryggt þrátt fyrirt augljósa örtvæntingu Tómas segist ekki unna sér hvíldar fyrr en þessi mál verði rannsökuð til hllítar.
„Hvaða rannsóknarhagsmuni er verið að vernda í rannsókn á sjálfsmorði þar sem fangi var einn í klefa? Engin vitni og engar öryggismyndavélar. Hvað er verið að rannsaka nákvæmlega þar sem yfirvöld hafa nú þegar gefið út að um sjálfsvíg var að ræða? Eina sem mér þætti lógíst er ef þeir eru að rannsaka eitthverjar ásakanir í þessu bréfi eða staðhæfingar, eða að bréfið innihaldi eitthverjar viðkvæmar upplýsingar fyrir fangelsismálayfirvöld eða eitthvern einstakling. Ég gefst ekki upp í máli sonar míns fyrr en réttlæti verður náð ,“ segir Tómas.
Ríkisstjórn Íslands er komin á barm hengiflugsins og við það að falla vegna innri ágreinings. Allir stjórnarflokkarnir glíma við fylgishrun og innri ágreiningur er slíkur að ekki er von um að samstaða náist í neinum málum. Þess utan er forystukreppa í öllum þessum flokkum. Vinstri grænir mælast með einungis rúmlega 3 prósent fylgi undir forystu bráðabirgðaformannsins Guðmundar Inga Guðbrandssonar.
Framsóknarflokkurinn er svo djúpt sokkinn að Miðflokkur Sigmundar Davíð Gunnlaugssonar trónir langt yfir honum í fylgi. Sjálfstæðisflokkurinn er í þeirri neyðarlegu stöðu að mælast langt undir Samfylkingu og vera í öðru sæti.
Allir formenn stjórnarflokkanna eru í þeirri stöðu að sótt er að þeim innan frá. Guðlaugur Þór Þórðarson situr um fallavalt hásæti Bjarna Benediktssonar sem um 30 þúsund Íslendingar hafa skrifað undir áskorun um að hypji sig á brott. Bjarni sjálfur er sagður hanga á forsætisráðherraembættinu af sama ákafa og hundur sem hangir á roði.
Hjá Framsóknarmönnum er ríkur vilji til þess að Lilja Alfreðsdóttir taki við af útpískuðum Sigurði Inga Jóhannssyni formanni og stöðvi lekann og rétti af hið sökkvandi fley.
Í VG er staðan sú að Svandís Svavarsdóttir innviðaráðherra situr hundfúl í skugga Guðmundar Inga og mun væntanlega gera kröfu um að taka við formennskunni áður en allt sekkur í grænan sjó stóriðju og laxeldis.
Vaxandi líkur eru á því að ríkisstjórnin spryngi á allra næstu mánuðum og innan flokkanna þriggja er ákaft leitað þeirra flóttaleiða sem duga megi til að bjarga þeim frá fylgishruni eða útrýmingu. Líklegast er að VG stigi skrefið og segi upp samstarfinu í von um lífsbjörg …
