Föstudagur 15. nóvember, 2024
2.7 C
Reykjavik
Senda ábendingu
VefTv
Hlaðvörp

Föstudagskvöld á Múlanum með Salsakommúninni

Föstudaginn 5. apríl 2019 kl: 21 í Hörpunni.

Jazzklúbburinn Múlinn heldur áfram með vordagskrá sína á Björtuloftum í Hörpu og á þessum tónleikum, sem að þessu sinni fara fram föstudaginn 5. apríl kemur fram hljómsveitin Salsakommúnan sem mun slá upp sannkallaðri salsa veislu þar sem gestum Múlans verður boðið upp í dans.

Salsakommúnan er ellefu manna hljómsveit sem leikur kröftuga, dansvæna tónlist undir áhrifum frá tónlistarhefðum Suður-Ameríku. Stofnun sveitarinnar átti sér langan aðdraganda en var almennilega hrint af stað haustið 2016. Síðan þá hefur hún gefið út smáskífur, leikið á tónleikum og gaf í vor út sína fyrstu breiðskífu ,,Rok í Reykjavík.“  Allir textar sveitarinnar eru frumsamdir og á íslensku sem færir tónlist af þessu tagi nær íslenskum áheyrendum. Um leið eru textasmíðarnar undir áhrifum töfraraunsæisins, sem einkennir bókmenntir Suður-Ameríku, í bland við íslenskan veruleika og er með þessu móti leitast við að etja saman þessum ólíku menningarheimum á nýstárlegan hátt.

Meðlimir sveitarinnar eru: Símon Karl Sigurðarson Melsteð, söngur Jakob van Oosterhaut, trompet Ólafur Ingi Finsen, trompet Björgvin Ragnar Hjálmarsson, saxófónn Sigrún Kristbjörg Jónsdóttir, básúna Daníel Helgason, tres Magnús Jóhann Ragnarsson, píanó Snorri Skúlason, bassi Helge Haahr, slagverk Helgi Reyr Auðarson Guðmundsson, percussion og Sölvi Rögnvaldsson, slagverk.

Alls verða 17 tónleikar í tónleikaröðinni en tónleikadagskráin sem að vanda bæði bæði metnaðarfull og fjölbreytt er gott dæmi um þá miklu grósku sem einkennir íslenskt jazzlíf þar sem allir straumar og stefnur eiga heima. Múlinn er að hefja sitt tuttugasta og annað starfsár en hann er samstarfsverkefni Félags Íslenskra Hljómlistarmanna (FÍH) og Jazzvakningar. Klúbburinn heitir í höfuðið á Jóni Múla Árnasyni sem jafnframt var heiðursfélagi og verndari Múlans. Múlinn er styrktur af Reykjavíkurborg, Tónlistarsjóðnum og SUT sjóðnum og er í samstarfi við Hörpu og Heimstónlistarklúbbinn.

Tónleikarnir hefjast kl. 21:00 og fara fram á Björtuloftum, 5. hæð Hörpu og er miðaverð kr. 2500, 1500 kr. fyrir nemendur og eldri borgara, miðar fást í miðasölu Hörpu, harpa.is og tix.is

Gerðu örvæntingafulla tilraun til að ná til unga fólksins

Fréttamenn hjá WTOL 11-sjónvarpsstöðinni reyndu að ná til unga fólksins með óvenjulegri aðferð.

Fréttateymið hjá WTOL 11-sjónvarpsstöðinni í borginni Toledo í Ohio ákvað á dögunum að gera tilraun til að ná til unga fólksins í borginni.

Fréttamenn stöðvarinnar notuðu slangur og ýmsar kúnstir í von um að ná til unga fólksins.

Eins og sjá má á meðfylgjandi myndskeiði, sem hefur farið sem eldur um sinu á samfélagsmiðlum, veita þau litlar sem engar upplýsingar en leika á als oddi.

Myndskeiðið hefur vakið töluverða athygli enda um nokkuð óvenjulega og mislukkaða tilraun að ræða.

 

Liðsmenn Sigur Rósar halda fram sakleysi sínu

Allir liðsmenn Sigur Rósar héldu fram sakleysi sínu í morgun.

Hljómsveitameðlimir Sigur Rósar neituðu sök þegar ákæra í skattsvikamáli á hendur þeim var þingfest í Héraðsdómi Reykjavíkur í morgun. Þetta kemur fram á vef RÚV.

Núverandi og fyrr­ver­andi og liðsmenn Sig­ur Rós­ar, Jón Þór Birg­is­son, Georg Holm, Orri Páll og Kjart­an Sveins­son, eru ákærðir fyr­ir að telja ekki fram tekj­ur eða arðgreiðslur. Auk þess er einn end­urskoðandi ákærður. Eignir liðsmanna sveitarinnar hafa verið kyrrsettar á meðan á rannsókn málsins stendur.

„Ég er saklaus“, sagði Orri Páll Dýrason, fyrrverandi trommari sveitarinnar. „Ég neita sök,“ sagði Kjartan Sveinsson .

Verjandi þeirra fékk frest til 20. maí til að skila greinargerð í málunum fjórum .

Jón Þór Birgisson, söngvari sveitarinnar, og Georg Holm neituðu einnig sök.

Sjá einnig: Liðsmenn Sigur Rósar ákærðir í skattsvikamáli

Tónlistarhátíðinni Sónar aflýst vegna WOW

Tónlistarhátíðinni Sónar hefur verið aflýst vegna gjaldþrots WOW air. Hátíðin átti að fara fram dagana 25.-27. apríl í Hörpu.

Þessu er greint frá á vef Grapevine.

Þar kemur fram að allir þeir sem keyptu miða á hátíðina fái hann endurgreiddan. Þar segir einnig að margir gestir hátíðarinnar og listamenn sem áttu að koma fram hefðu átt að fljúga til landsins með WOW air.

Þetta hefur ekki verið staðfest á vef Sónar Reykjavík.

Þeir listamenn og hljómsveitir sem áttu að spila á hátíðinni eru Jon Hopkins, Little Dragon og Orbital svo nokkur dæmi séu tekin.

Mynd / Sónar Reykjavík

Kjaraviðræður að klárast?

xx

Ragnar Þór telur að það sjái fyrir endann á viðræðum.

„Það er farið að sjá fyrir endann á þessu.“ Þetta segir Ragnar Þór Ingólfsson, formaður VR í samtali við fréttastofu RÚV, um stöðu kjaraviðræðna.

Um eitt í nótt var gengið frá yfirlýsingu um meginlínur kjarasamninga á milli félaga verslunarmanna og félaga Starfsgreinasambandsins annars vegar og Samtaka atvinnulífsins hins vegar, eins og fram kemur í tilkynningu sem ríkissáttasemjari sendi á fjölmiðla. Samningunum er ætlað að standa til 1. nóvember 2022. Í yfirlýsingunni kom enn fremur fram að verkföllum yrði þar af leiðandi aflýst.

Snemma í morgun sagði Ragnar Þór að aðkoma stjórnvalda að málinu skipti hins vegar öllu máli fyrir framhaldið. Það væru undir stjórnvöldum komið hvort samkomulag gengi upp. En samkvæmt Ragnari Þór er nú verið að funda með stjórnvöldum einmitt um þetta og hafa fundarhöld um málið staðið yfir í allan dag.

Gat ekki annað en hlegið þegar hún mátaði kjólinn

Bresk kona að nafni Niamh O’Donnell ætlaði að gera vel við sig á dögunum og keypti sér ný föt á netversluninni PrettyLittleThings. En útkoman varð ekki sú sem hún hafði vonast eftir.

Niamh verslaði sér nokkrar flíkur á netversluninni PrettyLittleThings, þar á meðal svartan kjól sem er nokkuð óvenjulegur í sniðinu eins og sjá má á myndinni til hægri.

En þegar Niamh mátaði kjólinn var útkoman allt önnur en myndin á vef PrettyLittleThings gefur til kynna, munurinn er ansi mikill.

Niamh hefur greinilega húmor fyrir þessum mislukkuðu kaupum sínum og gat ekki annað en hlegið þegar hún mátaði kjólinn. Þá fékk hún Emily, vinkonu sína, til að deila mynd af sér í kjólnum á Twitter. Við myndina skrifaði Emily að kaupin hefðu ekki staðist væntingar.

Kjóllinn sem um ræðir fæst á vef PrettyLittleThings og kostar 25 pund, sem gerir um 4.000 krónur miðað við núverandi gengi.

https://twitter.com/emshieldssss/status/1111739572625592321

„Það er smá flókið að útskýra þetta tilraunaverkefni“

Platan Wild Contrast með tvíeykinu Omotrack er nú komin út í heild sinni á Spotify og á allar helstu streymisveitur. Í dag kom einnig út myndband við lagið Liquid.

Bræðurnir Markús og Birkir ólust upp í Eþíópíu í þorpinu Omo Rate en búa nú á Íslandi. Wild Contrast er önnur plata tvíeykisins og fjallar um andstæður milli heimalanda þeirra, Íslands og Eþíópíu.

Lagið Liquid fjallar um ávanabindandi vökva sem finna má um allan heim og vítahringinn sem honum oft fylgir.

Nýlega gáfu þeir út lagið Overlay en myndbandið við það lag var tekið upp á sama tíma og myndbandið við lagið Liquid. „Við klipptum lögin saman þannig að við gætum tekið upp tvö tónlistarmyndbönd í einni langri töku. Við byrjuðum á því að taka upp endann á Overlay, fórum síðan í Liquid og enduðum aftur á Overlay. Það er smá flókið að útskýra þetta tilraunaverkefni en það má t.d. sjá að hluti myndbandanna er sama takan frá sitt hvoru sjónarhorninu.“

Mynböndin voru gerð í samstarfi við Arnar Tómasson en á myndavélunum voru Arnar og Sandra Björk Jónasdóttir.

Bræðurnir eru ánægðir með að platan sé komin út og hlakka til að fylgja henni eftir. Framundan hjá þeim eru tónleikar í Stúdentakjallaranum 13. apríl og útgáfutónleikar í Norræna húsinu 9. maí þar sem öllu verður til tjaldað. Einnig verður nóg að gera hjá þeim í sumar en hægt er að fylgjast með þeim á Facebook og Instagram.

Tæplega 500 sagt upp

Í mars misstu 473 vinnuna í hópuppsögnum.

 

Sex tilkynningar um hópuppsagnir bárust Vinnumálastofnun í mars þar sem 473 starfsmönnum var sagt upp störfum. Þetta kemur fram á vef VMST.

Tvær uppsagnir voru í starfsemi tengdri flutningum og geymslu, þar sem 328 manns var sagt upp störfum, þarf af 315 hjá Airport Association, en stórum hluta þeirra sem sagt var upp þar hefur verið boðin endurráðning á öðrum kjörum. Því má gera ráð fyrir að uppsagnir verði í raun færri en fram kemur í tilkynningunni.

Hinar uppsagnirnar koma úr fjórum atvinnugreinum; 46 manns var sagt upp í ferðaþjónustu, 37 í framleiðslu, 32 í byggingarstarfsemi og 30 í sérfræðilegri, vísindalegri og tæknilegri starfsemi.

Flestar hópuppsagnir bárust frá fyrirtækjum á Suðurnesjum eða 347 og 126 á höfuðborgarsvæðinu. Hópuppsagnirnar koma til framkvæmda á tímabilinu maí til júlí 2019. Uppsagnir hjá Wow air og aðrar uppsagnir vegna gjaldþrota eru ekki í þessum hópuppsögnum.

Fyrstu þrjá mánuði ársins 2019 hefur 570 einstaklingum verið sagt upp störfum í hópuppsögnum.

Verkföllum bifreiðastjóra aflýst

Mynd af vef Eflingar.

Verkföllum bílstjóra Almenningsvagna Kynnisferða hefur verið aflýst en akstur stöðvast í dag á milli klukkan 16 og 18.

Verkföllum hjá bifreiðastjórum Almenningsvagna Kynnisferða hefur verið aflýst frá og með morgundeginum, þetta kemur fram á vef Eflingar.

Þessi ákvörðun var tekin af starfsmönnum eftir viðræður við forsvarsmenn fyrirtækisins í morgun.

Bifreiðastjórar munu stöðva akstur í dag milli 16:00 og 18:00 eins og stóð til en öðrum verkföllum aflýst.

Mynd / Efling

Frjósemi á Íslandi hefur aldrei verið minni

||
|Ísland er í 9. sæti|Mynd / UNICEF

Frjósemi hefur aldrei verið minni á Íslandi og meðalaldur frumbyrja hækkar.

Frjósemi kvenna á Íslandi árið 2018 var minni en nokkru sinni áður og meðalaldur frumbyrja hélt áfram að hækka og var 28,2 ár, þetta kemur  fram kemur á vef Hagstofu Íslands.

Árið 2018 var frjósemi íslenskra kvenna 1,707 börn á ævi hverrar konu og hefur hún aldrei verið lægri frá því að mælingar hófust árið 1853. Árið 2017 var frjósemi 1,710 en það er næst lægsta frjósemi sem mælst hefur hér á landi.

Þá hefur meðalaldur frumbyrja hækkað jafnt og þétt síðustu áratugi og eignast konur nú sitt fyrsta barn að jafnaði síðar á ævinni en áður.

Frá byrjun sjöunda áratugarins og fram yfir 1980 var meðalaldur frumbyrja undir 22 árum en eftir miðjan níunda áratuginn hefur meðalaldur farið hækkandi og var 28,2 ár í fyrra. Algengasti barneignaaldurinn er á milli 25–29 ára. Á þessu aldursbili fæddust 109 börn á hverjar 1.000 konur árið 2018.

Fæðingartíðni mæðra undir tvítugu var í fyrra 5,3 börn á hverjar 1.000 konur. Það er afar lágt í samanburði við tímabilið 1961-1965 þegar hún fór hæst, en þá fæddust 84 börn á hverjar 1.000 konur undir tvítugu.

Hrottinn

Síðast en ekki síst

Eftir / Stefán Pálsson

Fyrir nokkrum árum bjó kunningjafólk mitt við hliðina á landsfrægum glæpamanni. Þetta var á þessum skringilega tíma þegar alræmdir handrukkarar og fíkniefnasalar töldust frægðarfólk á Íslandi og blöðin birtu fréttir af lífsstíl þeirra og afrekum í skemmtanalífinu. Nágranninn var sem sagt einn af þeim kunnari úr þessum þjóðfélagshóp.

Sem vænta mátti vorkenndu flestir fólkinu að sitja uppi með slíkan granna og spurðu varfærnislega út í sambúðina. Svörin komu örlítið á óvart: ofbeldishrottinn var víst fyrirmyndar nágranni. Hann hélt aldrei partí heima hjá sér, greiddi samviskusamlega sinn hlut í framkvæmdum, iðnaðarmenn mættu stundvíslega í öll verk í húsinu og innbrot og smáskemmdarverk heyrðu sögunni til í götunni. Enginn þjófur var svo bíræfinn að láta til sín taka á þessum slóðum.

Sagan um glæpagrannann fræga kemur upp í hugann þessa dagana í tengslum við 70 ára afmæli Atlantshafsbandalagsins. Innganga Íslands í Nató var samþykkt í skjóli ofbeldis gegn saklausum mótmælendum þann 30. mars árið 1949 og upp frá því hefur landið verið aðili að hernaðarbandalaginu.

Stuðningsmenn Nató halda því mjög á lofti að á starfstíma þess hafi ríkt friður í Evrópu. Sá friður er þó sömu gerðar og hlaust af sambýlinu við handrukkarann. Meðal aðildarþjóða Nató eru mörg helstu vopnaframleiðsluríki í heimi, sem ala á styrjöldum um víða veröld. Blóðsúthellingar kalda stríðsins áttu sér ekki stað í Evrópu, heldur í þriðja heiminum þar sem risaveldin öttu saman leppum sínum og kostuðu milljónir mannslífa. Nató ber höfuðábyrgð á stríðum í Afganistan, Líbíu og víðar. Og kjarnorkuvopn eru hornsteinn í hernaðarstefnu Nató, sem áskilur sér réttinn til að nota þau að fyrra bragði.

Atlantshafsbandalagið ber beina og óbeina ábyrgð á dauða milljóna og ógnar tilvist mannkyns með háskalegustu vopnum sem smíðuð hafa verið. Að kalla það friðbera er jafnfráleitt og að kætast yfir að búa við hliðina á siðblindum glæpamanni.

 

Meiri tíma þarf til að gera við Boeing 737 Max vélar

Uppfærsla á hugbúnaði vélanna ekki tilbúin á áætluðum tíma.

Meiri tíma þarf til að klára hugbúnaðaruppfærslu fyrir Boeing 737 Max vélarnar en áætlað var, að því er fram kemur í frétt á Bloomberg.

Eins og kunnugt er kyrrsetti Boeing allar slíkar vélar þann 13. mars vegna galla í hugbúnaði þeirra, sem er talinn vera orsök tveggja mannskæðra flugslysa, annars vegar í Eþíópíu og hins vegar í Indónesíu.

Í síðustu viku hugðist Boeing skila inn lokaskýrslum um uppfærsluna til loftferðayfirvalda í Bandaríkjunum, en nú telur félagið að umrædd uppfærsla verði ekki reiðubúin fyrr en á komandi vikum.

Óljóst er hvaða áhrif þetta mun hafa á Icelandair sem er með þrjár Boeing 737 Max flugvélar í sínum flugflota og á von á sex vélum af sömu gerð í flotann fyrir sumarið.

Nýkrýndi Kokkur ársins verður gestakokkur á Mathúsi Garðabæjar

Nýkrýndi Kokkur ársins, Sigurjón Bragi Geirsson, matreiðslumeistari hjá Garra heildverslun og þjálfari kokkalandliðsins, verður gestakokkur á Mathúsi Garðabæjar á laugardaginn.

Hann mun galdra fram dýrindis fjögurra rétta matseðil ásamt matreiðsluteymi Mathúss Garðabæjar. Matseðilinn má sjá hér fyrir neðan.

Bleikja
Léttelduð bleikja, íslenskt wasabi, þari, hrogn, fennel

Rauðspretta
Pönnusteikt rauðspretta, blómkál, léttsýrð epli, eggjafroða

Lamb
Lambafille og brasseruð öxl, kartöflumús, shiitake sveppir, sultaður laukur,rósmaríngljái

Súkkulaði og blóðappelsínur
Yuzu-hvítsúkkulaðimús og brownie, heit karamella, blóðappelsínusorbet

Verð er 7.990 krónur.

Sjá einnig: Mikil stemmning á Kokki ársins 2019

Mynd / Sigurjón Ragnar

 

DJ Bricks Hipp-Hopp Jam Session #1

Næsta föstudag verður fyrsta kvöldið í syrpu af Hipp-Hopp Jam Sessions undir stjórn DJ Bricks/Bróður BIG.

Þetta verða óformlegir tónleikar þar sem a.m.k. 3 atriði koma fram á hverju kvöldi og „jamma“ saman. Einnig verður alltaf open mic svo hver sem vill getur tekið þátt og hvetjum við alla rappara, söngvara, hljóðfæraleikara og annað tónlistarfólk sem hefur áhuga á Hipp-Hoppi að vera með.

Á þessu fyrsta kvöldi 5. apríl á Boston verða atriðin þrjú:

Kilo
M.V. Elyahsyn (úr Regn)
Sdóri & Helgi A (úr Landabois)

Við byrjum kl 22:00 og það er frítt inn að sjálfsögðu!

Hamingjuóskir ekki tímabærar

|
Ragnar Þór Ingólfsson, formaður VR.

Formaður VR segir undir stjórnvöldum komið hvort samkomulag gangi upp á milli félaga verslunarmanna og félaga Starfsgreinasambandsins annars vegar og Samtaka atvinnulífsins hins vegar.

„Við náðum, eins og segir í tilkynningunni, saman um ramma að mögulegum samningi og í því felst að stjórnvöld komi að þessari lausn. Við munum væntanlega funda með fulltrúum stjórnvalda strax upp úr klukkan níu.“ Þetta kom fram í máli Ragnars Þórs Ingólfssonar, formanns VR, á Morgunvaktinni á Rás 1.

Um eitt í nótt var gengið frá yfirlýsingu um meginlínur kjarasamninga á milli félaga verslunarmanna og félaga Starfsgreinasambandsins annars vegar og Samtaka atvinnulífsins hins vegar, eins og fram kemur í tilkynningu sem ríkissáttasemjari sendi á fjölmiðla. Samningunum er ætlað að standa til 1. nóvember 2022, en frá þessu eru greint á fréttavef RÚV.

Ragnar segir að ef allt gangi upp geti samningurinn verið ásættanlegur fyrir verkalýðsfélögin, atvinnulífið og stjórnvöld. Nú sé það undir stjórnvöldum komið hvort samkomulagið gangi upp. Hamingjuóskir séu því ekki tímabærar á þessari stundu. „Ekki alveg strax. Ég myndi allavega bíða eitthvað fram eftir degi. Við náðum, eins og segir í tilkynningunni, saman um ramma að mögulegum samningi og í því felst að stjórnvöld komi að þessari lausn.“

Krabba Mane, Birgir Hákon og Herra Hnetusmjör dæmdir í fangelsi

Í nýju myndbandi eru þeir Krabba Mane, Birgir Hákon og Herra Hnetusmjör dæmdir í fangelsi fyrir hljóðmengun og glæpi gegn menningu.

Krabba Mane, Birgir Hákon og Herra Hnetusmjör voru að senda frá sér nýtt lag og myndband sem ber heitið „Rútína”. Hér er á ferðinni lag sem á án efa eftir að hljóma í eyrum landsmanna á næstu misserum. Myndbandið er hreint út sagt stórkostlegt en það var Ingimar Elíasson sá um leikstjórn og handrit.

Mörg þekkt andlit sjást í myndbandinu og söguþráðurinn er ansi skemmtilegur og vel útfærður.

Gátlisti fyrir tilvonandi brúðhjón

Brúðkaup krefst alltaf mikils undirbúnings, sérstaklega þegar um stórt brúðkaup er að ræða. Hér kemur gátlisti sem kemur sér vel fyrir tilvonandi brúðhjón.

12 mánuðir til stefnu

  • Gerið fjárhagsáætlun og standið við hana.
  • Ákveðið gestafjölda og skrifið gestalista.
  • Bókið vígslustað og vígsluaðila.
  • Bókið veislusal.

8-10 mánaður til stefnu

  • Ákveðið stíl eða þema brúðkaupsins.
  • Byrjið að safna hugmyndum að skreytingum.
  • Bókið ljósmyndara og myndatökumann.
  • Bókið tónlistarmenn og/eða DJ fyrir bæði athöfn og veislu.
  • Pantið veisluþjónustu, ef hún fylgir ekki með salnum.

6-8 mánuðir til stefnu

  • Veljið veislustjóra.
  • Hefjið leitina að brúðarkjólnum.
  • Ákveðið hvar þið viljið verja brúðkaupsnóttinni og bókið.

4-6 mánuðir til stefnu

  • Bókið brúðkaupsferðina og endurnýjið vegabréfið ef þörf er á.
  • Bókið hárgreiðslu og förðun.
  • Festið kaup á brúðarkjól og fylgihlutum.
  • Pantið hringana.
  • Byrjið að safna á gjafalista í verslunum.
  • Fá vottorð um hjúskaparstöðu hjá Hagstofunni.

3 mánuðir til stefnu

  • Pantið blómvönd og aðrar blómaskreytingar.
  • Hannið og pantið boðskort.
  • Pantið brúðartertu.
  • Byrjið að föndra skreytingar ef þið ætlið að gera það sjálf.
  • Bókið brúðarbíl eða annan fararskjóta.
  • Kaupið föt og skó fyrir brúðguma.
  • Fundið með veislustjóra um veisludagskrá.
Það borgar sig að panta tertuna snemma.

2 mánuðir til stefnu

  • Pantið photobooth.
  • Setjið boðskort í póst.
  • Farið í prufugreiðslu og -förðun.
  • Byrjið að huga að mátun og breytingum á kjólnum.
  • Kaupið nærföt, sokkabuxur og slíkt.
  • Veljið lög fyrir athöfnina og fyrsta dansinn.

1 mánuður til stefnu

  • Síðasta kjólamátun með réttum nærfötum og skóm.
  • Byrjið að ganga til skónna.
  • Mátið og sækið hringana.
  • Sendið óskalagalista á DJ eða hljómsveit sem spilar fyrir dansi.
  • Raðið gestum á borð.
  • Staðfestið endanlegan gestalista og önnur smáatriði við veisluþjónustu og sal.

1-2 vikur til stefnu

  • Farið í klippingu, plokkun og litun, vax, brúnku o.s.frv.
  • Pakkið ofan í tösku fyrir brúðkaupsnóttina.
  • Safnið liði til að skreyta salinn.
  • Reynið að fara saman í dekur og njóta.

Daginn fyrir brúðkaupið

  • Gerið prufu með vígsluaðila og tónlistarmönnum í athöfninni.
  • Sjáið til þess að lagt verði á borð í salnum og hann skreyttur.+
  • Látið setja upp photobooth og gestabók.
  • Sjáið til þess að brúðarbíllinn verði skreyttur.

Brúðkaupsdagurinn

  • Sjáið til þess að þess að brúðarvöndurinn og blóm fyrir hnappagöt verði sótt.
  • Útnefnið aðila sem ber ábyrgð á að pakka niður gjöfunum og gestabókinni að veislunni lokinni og komi því til ykkar.
  • Slakið á, njótið og gleðjist!

Myndir / Unsplash

Flugfélagið Transavia bregst við gjaldþroti WOW

Hollenska flugfélagið Transavia bregst við gjaldþroti WOW air og byrjar að fljúga frá Schiphol til Keflavíkur í sumar.

Hollenska flugfélagið Transavia mun fljúga á frá Schiphol til Keflavíkur þrisvar sinnum í viku, frá og með 5. júlí. Þetta kemur fram á vef Transavia. Þar kemur fram að þetta séu viðbrögð þeirra vegna gjaldþrots WOW air. Eins gefi þetta Transavia tækifæri til þess að stækka leiðakerfi sitt til norðurs.

Í frétt Vísis segir að flugmiðarnir verði ódýrir en miði aðra leið mun kosta því sem nemur 5.300 krónum.

Í tillynningu frá Isavia segir að flogið verði frá Schiphol til Keflavíkur þrisvar sinnum í viku, það er á mánudögum, klukkan korter í sjö að morgni og á miðvikudögum og föstudögum klukkan korter yfir fjögur síðdegis.

Eltihrellar konungsfjölsyldunnar aldrei verið fleiri

Eltihrellum bresku konungsfjölskyldunnar hefur fjölgað töluvert eftir að Meghan Markle giftist inn í fjölskylduna.

Síðan Harry Bretaprins og Meghan Markle gegnu í hjónaband í maí á síðasta ári hafa eltihrellum konungsfjölskyldunnar fjölgað til muna og hafa þeir aldrei verið fleiri heldur en núna.

Þessu er greint frá á vef The Sun. Þar er talað um að 25% aukning hafi orðið á eltihrellum sem ofsækja bresku konungsfjölskylduna síðan Harry og Meghan giftu sig.

Núna munu eltihrellarnir vera 160 talsins en talið er að konungsfjölskyldunni gæti staðið veruleg ógn af fimm þeirra.

Dai Davies, fyrrverandi öryggisvörður úr teymi konungsfjölskyldunnar, segir að að sú staðreynd að Meghan sé dökk á hörund og fædd og uppalin í Bandaríkjunum trufli allra íhaldssömustu eltihrellana sem öryggisverðir konungsfjölskyldunnar fylgjast með.

Þess má geta að þúsundir bréfa berast í konungshöllina á ári og inniheldur ákveðinn hluti af þeim hótanir af ýmsum toga. Fyrir rúmu ári barst Meghan og Harry þá til að mynda bréf í Kens­ingt­on-höll sem innihélt hvítt duft og skilaboð sem einkenndust af kynþáttahatri. Í ljós kom að duftið var ekki skaðlegt.

Mávagarg í stað iðandi bæjarlífs

Nýverið opnaði ljósmyndasýning Braga Þórs Jósefssonar KRUMMASKUÐ.

Bragi hefur verið lengi í ljósmyndabransanum og það er gaman að geta þess að hann var eiginlega hirðljósmyndari Húsa og híbýla hér á árum áður. Bragi útskrifaðist frá Rochester Institute of Technology í New York árið 1986.

Hvað segir Bragi sjálfur um sýninguna KRUMMASKUÐ: „Ég hef alltaf heillast af þorpum á landsbyggðinni, sérstaklega stöðum þar sem hrikaleg náttúran rammar inn drauma genginna kynslóða: Stöðum sem við borgarbúar köllum stundum krummaskuð í hroka okkar og þröngsýni – en þorpin okkar eru þjóðargersemi. Steinn Steinarr orti: „Í draumi sérhvers manns er fall hans falið“ og það má oft heimfæra við mannvirki í krummaskuðum nútímans, mannvirki sem stórhuga menn byggðu þegar vel áraði og framtíðin var björt. Nú standa mörg þeirra auð og yfirgefin, fáir sjást á ferli og mávagarg hefur komið í stað iðandi bæjarlífs.“

Við eigum öll uppruna okkar í krummaskuðum.

Bragi segir að fyrir ljósmyndara séu öll þessi þorp, kaupstaðirnir og litlu þorpin, myndrænn fjársjóður sem tengir saman nútíð og fortíð.

„Hvert sem litið er birtist vitnisburður um stórhuga framtíðarsýn eða listræna þörf. Við sjáum minnisvarða mælda í húsakosti með persónuleika og í atvinnutækjum sem sum hver gegna öðru hlutverki í dag en þeim var ætlað í upphafi. Í þeim birtast persónuleg sérkenni sem við höfuðborgarbúar fáum ekki að tjá í okkar kassalaga húsum í kassalaga skipulagi. Við eigum öll uppruna okkar í krummaskuðum, við höfum bara gleymt því,“ segir Bragi.

Myndirnar á sýningunni eru svipmyndir frá nokkrum kaupstöðum og þorpum sem Bragi hefur átt leið um á undanförnum árum og hluti af stærra verkefni sem hann hefur verið að vinna að um skeið.

„Tíminn einn mun leiða í ljós hvort þetta verkefni verður stærra eða viðameira eða hvert það leiðir mig,“ segir hann að endingu og við hvetjum alla til að kíkja á sýninguna KRUMMASKUÐ sem mun standa til 14. apríl og er í Ramskram, Njálsgötu 49. Þar er opið er um helgar, milli klukkan 14 og 17.

Föstudagskvöld á Múlanum með Salsakommúninni

Föstudaginn 5. apríl 2019 kl: 21 í Hörpunni.

Jazzklúbburinn Múlinn heldur áfram með vordagskrá sína á Björtuloftum í Hörpu og á þessum tónleikum, sem að þessu sinni fara fram föstudaginn 5. apríl kemur fram hljómsveitin Salsakommúnan sem mun slá upp sannkallaðri salsa veislu þar sem gestum Múlans verður boðið upp í dans.

Salsakommúnan er ellefu manna hljómsveit sem leikur kröftuga, dansvæna tónlist undir áhrifum frá tónlistarhefðum Suður-Ameríku. Stofnun sveitarinnar átti sér langan aðdraganda en var almennilega hrint af stað haustið 2016. Síðan þá hefur hún gefið út smáskífur, leikið á tónleikum og gaf í vor út sína fyrstu breiðskífu ,,Rok í Reykjavík.“  Allir textar sveitarinnar eru frumsamdir og á íslensku sem færir tónlist af þessu tagi nær íslenskum áheyrendum. Um leið eru textasmíðarnar undir áhrifum töfraraunsæisins, sem einkennir bókmenntir Suður-Ameríku, í bland við íslenskan veruleika og er með þessu móti leitast við að etja saman þessum ólíku menningarheimum á nýstárlegan hátt.

Meðlimir sveitarinnar eru: Símon Karl Sigurðarson Melsteð, söngur Jakob van Oosterhaut, trompet Ólafur Ingi Finsen, trompet Björgvin Ragnar Hjálmarsson, saxófónn Sigrún Kristbjörg Jónsdóttir, básúna Daníel Helgason, tres Magnús Jóhann Ragnarsson, píanó Snorri Skúlason, bassi Helge Haahr, slagverk Helgi Reyr Auðarson Guðmundsson, percussion og Sölvi Rögnvaldsson, slagverk.

Alls verða 17 tónleikar í tónleikaröðinni en tónleikadagskráin sem að vanda bæði bæði metnaðarfull og fjölbreytt er gott dæmi um þá miklu grósku sem einkennir íslenskt jazzlíf þar sem allir straumar og stefnur eiga heima. Múlinn er að hefja sitt tuttugasta og annað starfsár en hann er samstarfsverkefni Félags Íslenskra Hljómlistarmanna (FÍH) og Jazzvakningar. Klúbburinn heitir í höfuðið á Jóni Múla Árnasyni sem jafnframt var heiðursfélagi og verndari Múlans. Múlinn er styrktur af Reykjavíkurborg, Tónlistarsjóðnum og SUT sjóðnum og er í samstarfi við Hörpu og Heimstónlistarklúbbinn.

Tónleikarnir hefjast kl. 21:00 og fara fram á Björtuloftum, 5. hæð Hörpu og er miðaverð kr. 2500, 1500 kr. fyrir nemendur og eldri borgara, miðar fást í miðasölu Hörpu, harpa.is og tix.is

Gerðu örvæntingafulla tilraun til að ná til unga fólksins

Fréttamenn hjá WTOL 11-sjónvarpsstöðinni reyndu að ná til unga fólksins með óvenjulegri aðferð.

Fréttateymið hjá WTOL 11-sjónvarpsstöðinni í borginni Toledo í Ohio ákvað á dögunum að gera tilraun til að ná til unga fólksins í borginni.

Fréttamenn stöðvarinnar notuðu slangur og ýmsar kúnstir í von um að ná til unga fólksins.

Eins og sjá má á meðfylgjandi myndskeiði, sem hefur farið sem eldur um sinu á samfélagsmiðlum, veita þau litlar sem engar upplýsingar en leika á als oddi.

Myndskeiðið hefur vakið töluverða athygli enda um nokkuð óvenjulega og mislukkaða tilraun að ræða.

 

Liðsmenn Sigur Rósar halda fram sakleysi sínu

Allir liðsmenn Sigur Rósar héldu fram sakleysi sínu í morgun.

Hljómsveitameðlimir Sigur Rósar neituðu sök þegar ákæra í skattsvikamáli á hendur þeim var þingfest í Héraðsdómi Reykjavíkur í morgun. Þetta kemur fram á vef RÚV.

Núverandi og fyrr­ver­andi og liðsmenn Sig­ur Rós­ar, Jón Þór Birg­is­son, Georg Holm, Orri Páll og Kjart­an Sveins­son, eru ákærðir fyr­ir að telja ekki fram tekj­ur eða arðgreiðslur. Auk þess er einn end­urskoðandi ákærður. Eignir liðsmanna sveitarinnar hafa verið kyrrsettar á meðan á rannsókn málsins stendur.

„Ég er saklaus“, sagði Orri Páll Dýrason, fyrrverandi trommari sveitarinnar. „Ég neita sök,“ sagði Kjartan Sveinsson .

Verjandi þeirra fékk frest til 20. maí til að skila greinargerð í málunum fjórum .

Jón Þór Birgisson, söngvari sveitarinnar, og Georg Holm neituðu einnig sök.

Sjá einnig: Liðsmenn Sigur Rósar ákærðir í skattsvikamáli

Tónlistarhátíðinni Sónar aflýst vegna WOW

Tónlistarhátíðinni Sónar hefur verið aflýst vegna gjaldþrots WOW air. Hátíðin átti að fara fram dagana 25.-27. apríl í Hörpu.

Þessu er greint frá á vef Grapevine.

Þar kemur fram að allir þeir sem keyptu miða á hátíðina fái hann endurgreiddan. Þar segir einnig að margir gestir hátíðarinnar og listamenn sem áttu að koma fram hefðu átt að fljúga til landsins með WOW air.

Þetta hefur ekki verið staðfest á vef Sónar Reykjavík.

Þeir listamenn og hljómsveitir sem áttu að spila á hátíðinni eru Jon Hopkins, Little Dragon og Orbital svo nokkur dæmi séu tekin.

Mynd / Sónar Reykjavík

Kjaraviðræður að klárast?

xx

Ragnar Þór telur að það sjái fyrir endann á viðræðum.

„Það er farið að sjá fyrir endann á þessu.“ Þetta segir Ragnar Þór Ingólfsson, formaður VR í samtali við fréttastofu RÚV, um stöðu kjaraviðræðna.

Um eitt í nótt var gengið frá yfirlýsingu um meginlínur kjarasamninga á milli félaga verslunarmanna og félaga Starfsgreinasambandsins annars vegar og Samtaka atvinnulífsins hins vegar, eins og fram kemur í tilkynningu sem ríkissáttasemjari sendi á fjölmiðla. Samningunum er ætlað að standa til 1. nóvember 2022. Í yfirlýsingunni kom enn fremur fram að verkföllum yrði þar af leiðandi aflýst.

Snemma í morgun sagði Ragnar Þór að aðkoma stjórnvalda að málinu skipti hins vegar öllu máli fyrir framhaldið. Það væru undir stjórnvöldum komið hvort samkomulag gengi upp. En samkvæmt Ragnari Þór er nú verið að funda með stjórnvöldum einmitt um þetta og hafa fundarhöld um málið staðið yfir í allan dag.

Gat ekki annað en hlegið þegar hún mátaði kjólinn

Bresk kona að nafni Niamh O’Donnell ætlaði að gera vel við sig á dögunum og keypti sér ný föt á netversluninni PrettyLittleThings. En útkoman varð ekki sú sem hún hafði vonast eftir.

Niamh verslaði sér nokkrar flíkur á netversluninni PrettyLittleThings, þar á meðal svartan kjól sem er nokkuð óvenjulegur í sniðinu eins og sjá má á myndinni til hægri.

En þegar Niamh mátaði kjólinn var útkoman allt önnur en myndin á vef PrettyLittleThings gefur til kynna, munurinn er ansi mikill.

Niamh hefur greinilega húmor fyrir þessum mislukkuðu kaupum sínum og gat ekki annað en hlegið þegar hún mátaði kjólinn. Þá fékk hún Emily, vinkonu sína, til að deila mynd af sér í kjólnum á Twitter. Við myndina skrifaði Emily að kaupin hefðu ekki staðist væntingar.

Kjóllinn sem um ræðir fæst á vef PrettyLittleThings og kostar 25 pund, sem gerir um 4.000 krónur miðað við núverandi gengi.

https://twitter.com/emshieldssss/status/1111739572625592321

„Það er smá flókið að útskýra þetta tilraunaverkefni“

Platan Wild Contrast með tvíeykinu Omotrack er nú komin út í heild sinni á Spotify og á allar helstu streymisveitur. Í dag kom einnig út myndband við lagið Liquid.

Bræðurnir Markús og Birkir ólust upp í Eþíópíu í þorpinu Omo Rate en búa nú á Íslandi. Wild Contrast er önnur plata tvíeykisins og fjallar um andstæður milli heimalanda þeirra, Íslands og Eþíópíu.

Lagið Liquid fjallar um ávanabindandi vökva sem finna má um allan heim og vítahringinn sem honum oft fylgir.

Nýlega gáfu þeir út lagið Overlay en myndbandið við það lag var tekið upp á sama tíma og myndbandið við lagið Liquid. „Við klipptum lögin saman þannig að við gætum tekið upp tvö tónlistarmyndbönd í einni langri töku. Við byrjuðum á því að taka upp endann á Overlay, fórum síðan í Liquid og enduðum aftur á Overlay. Það er smá flókið að útskýra þetta tilraunaverkefni en það má t.d. sjá að hluti myndbandanna er sama takan frá sitt hvoru sjónarhorninu.“

Mynböndin voru gerð í samstarfi við Arnar Tómasson en á myndavélunum voru Arnar og Sandra Björk Jónasdóttir.

Bræðurnir eru ánægðir með að platan sé komin út og hlakka til að fylgja henni eftir. Framundan hjá þeim eru tónleikar í Stúdentakjallaranum 13. apríl og útgáfutónleikar í Norræna húsinu 9. maí þar sem öllu verður til tjaldað. Einnig verður nóg að gera hjá þeim í sumar en hægt er að fylgjast með þeim á Facebook og Instagram.

Tæplega 500 sagt upp

Í mars misstu 473 vinnuna í hópuppsögnum.

 

Sex tilkynningar um hópuppsagnir bárust Vinnumálastofnun í mars þar sem 473 starfsmönnum var sagt upp störfum. Þetta kemur fram á vef VMST.

Tvær uppsagnir voru í starfsemi tengdri flutningum og geymslu, þar sem 328 manns var sagt upp störfum, þarf af 315 hjá Airport Association, en stórum hluta þeirra sem sagt var upp þar hefur verið boðin endurráðning á öðrum kjörum. Því má gera ráð fyrir að uppsagnir verði í raun færri en fram kemur í tilkynningunni.

Hinar uppsagnirnar koma úr fjórum atvinnugreinum; 46 manns var sagt upp í ferðaþjónustu, 37 í framleiðslu, 32 í byggingarstarfsemi og 30 í sérfræðilegri, vísindalegri og tæknilegri starfsemi.

Flestar hópuppsagnir bárust frá fyrirtækjum á Suðurnesjum eða 347 og 126 á höfuðborgarsvæðinu. Hópuppsagnirnar koma til framkvæmda á tímabilinu maí til júlí 2019. Uppsagnir hjá Wow air og aðrar uppsagnir vegna gjaldþrota eru ekki í þessum hópuppsögnum.

Fyrstu þrjá mánuði ársins 2019 hefur 570 einstaklingum verið sagt upp störfum í hópuppsögnum.

Verkföllum bifreiðastjóra aflýst

Mynd af vef Eflingar.

Verkföllum bílstjóra Almenningsvagna Kynnisferða hefur verið aflýst en akstur stöðvast í dag á milli klukkan 16 og 18.

Verkföllum hjá bifreiðastjórum Almenningsvagna Kynnisferða hefur verið aflýst frá og með morgundeginum, þetta kemur fram á vef Eflingar.

Þessi ákvörðun var tekin af starfsmönnum eftir viðræður við forsvarsmenn fyrirtækisins í morgun.

Bifreiðastjórar munu stöðva akstur í dag milli 16:00 og 18:00 eins og stóð til en öðrum verkföllum aflýst.

Mynd / Efling

Frjósemi á Íslandi hefur aldrei verið minni

||
|Ísland er í 9. sæti|Mynd / UNICEF

Frjósemi hefur aldrei verið minni á Íslandi og meðalaldur frumbyrja hækkar.

Frjósemi kvenna á Íslandi árið 2018 var minni en nokkru sinni áður og meðalaldur frumbyrja hélt áfram að hækka og var 28,2 ár, þetta kemur  fram kemur á vef Hagstofu Íslands.

Árið 2018 var frjósemi íslenskra kvenna 1,707 börn á ævi hverrar konu og hefur hún aldrei verið lægri frá því að mælingar hófust árið 1853. Árið 2017 var frjósemi 1,710 en það er næst lægsta frjósemi sem mælst hefur hér á landi.

Þá hefur meðalaldur frumbyrja hækkað jafnt og þétt síðustu áratugi og eignast konur nú sitt fyrsta barn að jafnaði síðar á ævinni en áður.

Frá byrjun sjöunda áratugarins og fram yfir 1980 var meðalaldur frumbyrja undir 22 árum en eftir miðjan níunda áratuginn hefur meðalaldur farið hækkandi og var 28,2 ár í fyrra. Algengasti barneignaaldurinn er á milli 25–29 ára. Á þessu aldursbili fæddust 109 börn á hverjar 1.000 konur árið 2018.

Fæðingartíðni mæðra undir tvítugu var í fyrra 5,3 börn á hverjar 1.000 konur. Það er afar lágt í samanburði við tímabilið 1961-1965 þegar hún fór hæst, en þá fæddust 84 börn á hverjar 1.000 konur undir tvítugu.

Hrottinn

Síðast en ekki síst

Eftir / Stefán Pálsson

Fyrir nokkrum árum bjó kunningjafólk mitt við hliðina á landsfrægum glæpamanni. Þetta var á þessum skringilega tíma þegar alræmdir handrukkarar og fíkniefnasalar töldust frægðarfólk á Íslandi og blöðin birtu fréttir af lífsstíl þeirra og afrekum í skemmtanalífinu. Nágranninn var sem sagt einn af þeim kunnari úr þessum þjóðfélagshóp.

Sem vænta mátti vorkenndu flestir fólkinu að sitja uppi með slíkan granna og spurðu varfærnislega út í sambúðina. Svörin komu örlítið á óvart: ofbeldishrottinn var víst fyrirmyndar nágranni. Hann hélt aldrei partí heima hjá sér, greiddi samviskusamlega sinn hlut í framkvæmdum, iðnaðarmenn mættu stundvíslega í öll verk í húsinu og innbrot og smáskemmdarverk heyrðu sögunni til í götunni. Enginn þjófur var svo bíræfinn að láta til sín taka á þessum slóðum.

Sagan um glæpagrannann fræga kemur upp í hugann þessa dagana í tengslum við 70 ára afmæli Atlantshafsbandalagsins. Innganga Íslands í Nató var samþykkt í skjóli ofbeldis gegn saklausum mótmælendum þann 30. mars árið 1949 og upp frá því hefur landið verið aðili að hernaðarbandalaginu.

Stuðningsmenn Nató halda því mjög á lofti að á starfstíma þess hafi ríkt friður í Evrópu. Sá friður er þó sömu gerðar og hlaust af sambýlinu við handrukkarann. Meðal aðildarþjóða Nató eru mörg helstu vopnaframleiðsluríki í heimi, sem ala á styrjöldum um víða veröld. Blóðsúthellingar kalda stríðsins áttu sér ekki stað í Evrópu, heldur í þriðja heiminum þar sem risaveldin öttu saman leppum sínum og kostuðu milljónir mannslífa. Nató ber höfuðábyrgð á stríðum í Afganistan, Líbíu og víðar. Og kjarnorkuvopn eru hornsteinn í hernaðarstefnu Nató, sem áskilur sér réttinn til að nota þau að fyrra bragði.

Atlantshafsbandalagið ber beina og óbeina ábyrgð á dauða milljóna og ógnar tilvist mannkyns með háskalegustu vopnum sem smíðuð hafa verið. Að kalla það friðbera er jafnfráleitt og að kætast yfir að búa við hliðina á siðblindum glæpamanni.

 

Meiri tíma þarf til að gera við Boeing 737 Max vélar

Uppfærsla á hugbúnaði vélanna ekki tilbúin á áætluðum tíma.

Meiri tíma þarf til að klára hugbúnaðaruppfærslu fyrir Boeing 737 Max vélarnar en áætlað var, að því er fram kemur í frétt á Bloomberg.

Eins og kunnugt er kyrrsetti Boeing allar slíkar vélar þann 13. mars vegna galla í hugbúnaði þeirra, sem er talinn vera orsök tveggja mannskæðra flugslysa, annars vegar í Eþíópíu og hins vegar í Indónesíu.

Í síðustu viku hugðist Boeing skila inn lokaskýrslum um uppfærsluna til loftferðayfirvalda í Bandaríkjunum, en nú telur félagið að umrædd uppfærsla verði ekki reiðubúin fyrr en á komandi vikum.

Óljóst er hvaða áhrif þetta mun hafa á Icelandair sem er með þrjár Boeing 737 Max flugvélar í sínum flugflota og á von á sex vélum af sömu gerð í flotann fyrir sumarið.

Nýkrýndi Kokkur ársins verður gestakokkur á Mathúsi Garðabæjar

Nýkrýndi Kokkur ársins, Sigurjón Bragi Geirsson, matreiðslumeistari hjá Garra heildverslun og þjálfari kokkalandliðsins, verður gestakokkur á Mathúsi Garðabæjar á laugardaginn.

Hann mun galdra fram dýrindis fjögurra rétta matseðil ásamt matreiðsluteymi Mathúss Garðabæjar. Matseðilinn má sjá hér fyrir neðan.

Bleikja
Léttelduð bleikja, íslenskt wasabi, þari, hrogn, fennel

Rauðspretta
Pönnusteikt rauðspretta, blómkál, léttsýrð epli, eggjafroða

Lamb
Lambafille og brasseruð öxl, kartöflumús, shiitake sveppir, sultaður laukur,rósmaríngljái

Súkkulaði og blóðappelsínur
Yuzu-hvítsúkkulaðimús og brownie, heit karamella, blóðappelsínusorbet

Verð er 7.990 krónur.

Sjá einnig: Mikil stemmning á Kokki ársins 2019

Mynd / Sigurjón Ragnar

 

DJ Bricks Hipp-Hopp Jam Session #1

Næsta föstudag verður fyrsta kvöldið í syrpu af Hipp-Hopp Jam Sessions undir stjórn DJ Bricks/Bróður BIG.

Þetta verða óformlegir tónleikar þar sem a.m.k. 3 atriði koma fram á hverju kvöldi og „jamma“ saman. Einnig verður alltaf open mic svo hver sem vill getur tekið þátt og hvetjum við alla rappara, söngvara, hljóðfæraleikara og annað tónlistarfólk sem hefur áhuga á Hipp-Hoppi að vera með.

Á þessu fyrsta kvöldi 5. apríl á Boston verða atriðin þrjú:

Kilo
M.V. Elyahsyn (úr Regn)
Sdóri & Helgi A (úr Landabois)

Við byrjum kl 22:00 og það er frítt inn að sjálfsögðu!

Hamingjuóskir ekki tímabærar

|
Ragnar Þór Ingólfsson, formaður VR.

Formaður VR segir undir stjórnvöldum komið hvort samkomulag gangi upp á milli félaga verslunarmanna og félaga Starfsgreinasambandsins annars vegar og Samtaka atvinnulífsins hins vegar.

„Við náðum, eins og segir í tilkynningunni, saman um ramma að mögulegum samningi og í því felst að stjórnvöld komi að þessari lausn. Við munum væntanlega funda með fulltrúum stjórnvalda strax upp úr klukkan níu.“ Þetta kom fram í máli Ragnars Þórs Ingólfssonar, formanns VR, á Morgunvaktinni á Rás 1.

Um eitt í nótt var gengið frá yfirlýsingu um meginlínur kjarasamninga á milli félaga verslunarmanna og félaga Starfsgreinasambandsins annars vegar og Samtaka atvinnulífsins hins vegar, eins og fram kemur í tilkynningu sem ríkissáttasemjari sendi á fjölmiðla. Samningunum er ætlað að standa til 1. nóvember 2022, en frá þessu eru greint á fréttavef RÚV.

Ragnar segir að ef allt gangi upp geti samningurinn verið ásættanlegur fyrir verkalýðsfélögin, atvinnulífið og stjórnvöld. Nú sé það undir stjórnvöldum komið hvort samkomulagið gangi upp. Hamingjuóskir séu því ekki tímabærar á þessari stundu. „Ekki alveg strax. Ég myndi allavega bíða eitthvað fram eftir degi. Við náðum, eins og segir í tilkynningunni, saman um ramma að mögulegum samningi og í því felst að stjórnvöld komi að þessari lausn.“

Krabba Mane, Birgir Hákon og Herra Hnetusmjör dæmdir í fangelsi

Í nýju myndbandi eru þeir Krabba Mane, Birgir Hákon og Herra Hnetusmjör dæmdir í fangelsi fyrir hljóðmengun og glæpi gegn menningu.

Krabba Mane, Birgir Hákon og Herra Hnetusmjör voru að senda frá sér nýtt lag og myndband sem ber heitið „Rútína”. Hér er á ferðinni lag sem á án efa eftir að hljóma í eyrum landsmanna á næstu misserum. Myndbandið er hreint út sagt stórkostlegt en það var Ingimar Elíasson sá um leikstjórn og handrit.

Mörg þekkt andlit sjást í myndbandinu og söguþráðurinn er ansi skemmtilegur og vel útfærður.

Gátlisti fyrir tilvonandi brúðhjón

Brúðkaup krefst alltaf mikils undirbúnings, sérstaklega þegar um stórt brúðkaup er að ræða. Hér kemur gátlisti sem kemur sér vel fyrir tilvonandi brúðhjón.

12 mánuðir til stefnu

  • Gerið fjárhagsáætlun og standið við hana.
  • Ákveðið gestafjölda og skrifið gestalista.
  • Bókið vígslustað og vígsluaðila.
  • Bókið veislusal.

8-10 mánaður til stefnu

  • Ákveðið stíl eða þema brúðkaupsins.
  • Byrjið að safna hugmyndum að skreytingum.
  • Bókið ljósmyndara og myndatökumann.
  • Bókið tónlistarmenn og/eða DJ fyrir bæði athöfn og veislu.
  • Pantið veisluþjónustu, ef hún fylgir ekki með salnum.

6-8 mánuðir til stefnu

  • Veljið veislustjóra.
  • Hefjið leitina að brúðarkjólnum.
  • Ákveðið hvar þið viljið verja brúðkaupsnóttinni og bókið.

4-6 mánuðir til stefnu

  • Bókið brúðkaupsferðina og endurnýjið vegabréfið ef þörf er á.
  • Bókið hárgreiðslu og förðun.
  • Festið kaup á brúðarkjól og fylgihlutum.
  • Pantið hringana.
  • Byrjið að safna á gjafalista í verslunum.
  • Fá vottorð um hjúskaparstöðu hjá Hagstofunni.

3 mánuðir til stefnu

  • Pantið blómvönd og aðrar blómaskreytingar.
  • Hannið og pantið boðskort.
  • Pantið brúðartertu.
  • Byrjið að föndra skreytingar ef þið ætlið að gera það sjálf.
  • Bókið brúðarbíl eða annan fararskjóta.
  • Kaupið föt og skó fyrir brúðguma.
  • Fundið með veislustjóra um veisludagskrá.
Það borgar sig að panta tertuna snemma.

2 mánuðir til stefnu

  • Pantið photobooth.
  • Setjið boðskort í póst.
  • Farið í prufugreiðslu og -förðun.
  • Byrjið að huga að mátun og breytingum á kjólnum.
  • Kaupið nærföt, sokkabuxur og slíkt.
  • Veljið lög fyrir athöfnina og fyrsta dansinn.

1 mánuður til stefnu

  • Síðasta kjólamátun með réttum nærfötum og skóm.
  • Byrjið að ganga til skónna.
  • Mátið og sækið hringana.
  • Sendið óskalagalista á DJ eða hljómsveit sem spilar fyrir dansi.
  • Raðið gestum á borð.
  • Staðfestið endanlegan gestalista og önnur smáatriði við veisluþjónustu og sal.

1-2 vikur til stefnu

  • Farið í klippingu, plokkun og litun, vax, brúnku o.s.frv.
  • Pakkið ofan í tösku fyrir brúðkaupsnóttina.
  • Safnið liði til að skreyta salinn.
  • Reynið að fara saman í dekur og njóta.

Daginn fyrir brúðkaupið

  • Gerið prufu með vígsluaðila og tónlistarmönnum í athöfninni.
  • Sjáið til þess að lagt verði á borð í salnum og hann skreyttur.+
  • Látið setja upp photobooth og gestabók.
  • Sjáið til þess að brúðarbíllinn verði skreyttur.

Brúðkaupsdagurinn

  • Sjáið til þess að þess að brúðarvöndurinn og blóm fyrir hnappagöt verði sótt.
  • Útnefnið aðila sem ber ábyrgð á að pakka niður gjöfunum og gestabókinni að veislunni lokinni og komi því til ykkar.
  • Slakið á, njótið og gleðjist!

Myndir / Unsplash

Flugfélagið Transavia bregst við gjaldþroti WOW

Hollenska flugfélagið Transavia bregst við gjaldþroti WOW air og byrjar að fljúga frá Schiphol til Keflavíkur í sumar.

Hollenska flugfélagið Transavia mun fljúga á frá Schiphol til Keflavíkur þrisvar sinnum í viku, frá og með 5. júlí. Þetta kemur fram á vef Transavia. Þar kemur fram að þetta séu viðbrögð þeirra vegna gjaldþrots WOW air. Eins gefi þetta Transavia tækifæri til þess að stækka leiðakerfi sitt til norðurs.

Í frétt Vísis segir að flugmiðarnir verði ódýrir en miði aðra leið mun kosta því sem nemur 5.300 krónum.

Í tillynningu frá Isavia segir að flogið verði frá Schiphol til Keflavíkur þrisvar sinnum í viku, það er á mánudögum, klukkan korter í sjö að morgni og á miðvikudögum og föstudögum klukkan korter yfir fjögur síðdegis.

Eltihrellar konungsfjölsyldunnar aldrei verið fleiri

Eltihrellum bresku konungsfjölskyldunnar hefur fjölgað töluvert eftir að Meghan Markle giftist inn í fjölskylduna.

Síðan Harry Bretaprins og Meghan Markle gegnu í hjónaband í maí á síðasta ári hafa eltihrellum konungsfjölskyldunnar fjölgað til muna og hafa þeir aldrei verið fleiri heldur en núna.

Þessu er greint frá á vef The Sun. Þar er talað um að 25% aukning hafi orðið á eltihrellum sem ofsækja bresku konungsfjölskylduna síðan Harry og Meghan giftu sig.

Núna munu eltihrellarnir vera 160 talsins en talið er að konungsfjölskyldunni gæti staðið veruleg ógn af fimm þeirra.

Dai Davies, fyrrverandi öryggisvörður úr teymi konungsfjölskyldunnar, segir að að sú staðreynd að Meghan sé dökk á hörund og fædd og uppalin í Bandaríkjunum trufli allra íhaldssömustu eltihrellana sem öryggisverðir konungsfjölskyldunnar fylgjast með.

Þess má geta að þúsundir bréfa berast í konungshöllina á ári og inniheldur ákveðinn hluti af þeim hótanir af ýmsum toga. Fyrir rúmu ári barst Meghan og Harry þá til að mynda bréf í Kens­ingt­on-höll sem innihélt hvítt duft og skilaboð sem einkenndust af kynþáttahatri. Í ljós kom að duftið var ekki skaðlegt.

Mávagarg í stað iðandi bæjarlífs

Nýverið opnaði ljósmyndasýning Braga Þórs Jósefssonar KRUMMASKUÐ.

Bragi hefur verið lengi í ljósmyndabransanum og það er gaman að geta þess að hann var eiginlega hirðljósmyndari Húsa og híbýla hér á árum áður. Bragi útskrifaðist frá Rochester Institute of Technology í New York árið 1986.

Hvað segir Bragi sjálfur um sýninguna KRUMMASKUÐ: „Ég hef alltaf heillast af þorpum á landsbyggðinni, sérstaklega stöðum þar sem hrikaleg náttúran rammar inn drauma genginna kynslóða: Stöðum sem við borgarbúar köllum stundum krummaskuð í hroka okkar og þröngsýni – en þorpin okkar eru þjóðargersemi. Steinn Steinarr orti: „Í draumi sérhvers manns er fall hans falið“ og það má oft heimfæra við mannvirki í krummaskuðum nútímans, mannvirki sem stórhuga menn byggðu þegar vel áraði og framtíðin var björt. Nú standa mörg þeirra auð og yfirgefin, fáir sjást á ferli og mávagarg hefur komið í stað iðandi bæjarlífs.“

Við eigum öll uppruna okkar í krummaskuðum.

Bragi segir að fyrir ljósmyndara séu öll þessi þorp, kaupstaðirnir og litlu þorpin, myndrænn fjársjóður sem tengir saman nútíð og fortíð.

„Hvert sem litið er birtist vitnisburður um stórhuga framtíðarsýn eða listræna þörf. Við sjáum minnisvarða mælda í húsakosti með persónuleika og í atvinnutækjum sem sum hver gegna öðru hlutverki í dag en þeim var ætlað í upphafi. Í þeim birtast persónuleg sérkenni sem við höfuðborgarbúar fáum ekki að tjá í okkar kassalaga húsum í kassalaga skipulagi. Við eigum öll uppruna okkar í krummaskuðum, við höfum bara gleymt því,“ segir Bragi.

Myndirnar á sýningunni eru svipmyndir frá nokkrum kaupstöðum og þorpum sem Bragi hefur átt leið um á undanförnum árum og hluti af stærra verkefni sem hann hefur verið að vinna að um skeið.

„Tíminn einn mun leiða í ljós hvort þetta verkefni verður stærra eða viðameira eða hvert það leiðir mig,“ segir hann að endingu og við hvetjum alla til að kíkja á sýninguna KRUMMASKUÐ sem mun standa til 14. apríl og er í Ramskram, Njálsgötu 49. Þar er opið er um helgar, milli klukkan 14 og 17.

1...1.4741.4751.476...1.599Síðu 1.475 af 1.599

Raddir

© 2023 Mannlíf.is. Allur réttur áskilinn. Notkun á efni miðilsins er óheimil án samþykkis.