Benedikt Gunnar Ófeigsson, fagstjóri aflögunarmælinga á Veðurstofu Íslands, biðlar til Grindvíkinga um að vera ekki að sofa í bænum en talið er að gosið gæti á hverri stundu.

„Það hefur verið talsverð skjálftavirkni síðasta sólarhringinn en það gengur nú stundum í hviðum. En frá viku til viku er hún vaxandi,“ sagði Benedikt við Vísi um málið en taldar eru líkur á hraunflæði og sprunguhreyfingum innan bæjarins.

Sammála lögreglustjóranum

Úlfur Lúðvíksson, lögreglustjóri á Suðurnesjum, ítrekaði í fjölmiðlum í gær að fólk væri á eigin ábyrgð á svæðinu og bað fólk ekki að sofa í húsum sínum í Grindavík en gist var í um 20 húsum í gærnótt. „Það er ekki sniðugt að vera með fólk sofandi þarna inni ef það gerist í fyrsta hluta þegar þetta er að opnast og við náum ekki að rýma. Þetta er spurning um öryggi,“ sagði Benedikt.

Hann sagði sömuleiðis að það sé sérstaklega vafasamt að gista í norðurhluta bæjarins en ekki er útilokað sprunga opnist mjög nálægt bænum og mögulegt sé að næsta sprunga opnist í bænum sjálfum.

Sagnfræðingurinn Stefán Pálsson birti fyrr í dag nokkuð áhugaverðar vangaveltur á samfélagsmiðlinum Facebook um íslenskan húmor en kveikjan að hugleiðingum Stefáns er bókin Spegill íslenskrar fyndni sem hún Þórunn Valdimarsdóttir skrifaði.

„Ótrúlega mikið af íslenskum gamanmálum í gömlum blöðum gengur út á skæting, þar sem ungir strákar, venjulegir bændur eða ótíndir skrítlingar svara kennurum, prestum eða pólitíinu fullum hálsi – segja þeim að „ét´ann sjálfir“. Ég hef aldrei hugsað sérstaklega út í það, en þessi tegund af húmor er líklega fyrst og fremst birtingarmynd af samfélagi sem er með mjög skýra goggunarröð, stétta- og mannamun,“ skrifaði sagnfræðingurinn síkáti.

Út frá hugleiðingum Stefáns um hófst svo mikið umræða um íslenska fyndni og varð svo til að Stefán skrifaði annan pistil um málið.

„Fyrri færsla um Íslenska fyndni og bók Þórunnar Valdimarsdóttur leiddist út í miklar umræður um hvort og hversu ófyndnir Íslendingar fyrri tíma hafi verið. Það er ekki einfalt mál og almennt séð fer tíminn ekki mjúkum höndum um fyndni og líklega mikil bjartsýni að reikna með því að gamanmál okkar tíma muni eldast neitt betur,“ skrifaði Stefán.

Danir fyndnari

En Stefán segir að áhugaverðara sé að komast því hvenær Íslendingar komust að þeirri niðurstöðu að þeir væru sjálfir fyndnir.

„Mín tilfinning er sú að landsmenn hafi ekki átt í neinum vandræðum með að viðurkenna alveg fram í lok sjöunda áratugarins amk að Danir væru fyndnari en þeir sjálfir og byggju yfir húmor sem væri öfundsverður og ekki á okkar færi. Fáeinum árum síðar erum við farin að setja okkur á háan hest gagnvart ýmsum öðrum þjóðum, sem við teljum sérstaklega ófyndnar – s.s. Norðmenn og Svía. Fljótlega komumst við svo að þeirri niðurstöðu að okkar kímnigáfa sé frábær og í raun sé það helst til marks um okkar eigin þroska ef aðrir ná ekki upp í hana,“ skrifar Stefán í lokin.

Það stefnir í harða baráttu um embætti umboðsmanns Alþings en fjórir reyndir einstaklingar gefa kost á sér til embættisins.

Hér fyrir neðan má sjá lista af þeim sem gáfu kost á sér:

Anna Tryggvadóttir – skrifstofustjóri,
Hafsteinn Þór Hauksson – dósent við lagadeild Háskóla Íslands,
Kristín Benediktsdóttir – prófessor við lagadeild Háskóla Íslands
Reimar Pétursson – lögmaður.

Ráðgjafanefnd hefur verið skipuð af undirnefnd forsætisnefndar en hún mun aðstoða við að gera tillögu til forsætisnefndar um þá sem gáfu kost á sér en umboðsmaður Alþingis er kjörinn á þingfundi.

Ráðgjafanefndin er skipuð af Ragnhildi Helgadóttur, rektor Háskólans í Reykjavík, sem er formaður nefndarinnar, Ásmundi Helgasyni landsréttardómara og Guðrúnu Jóhönnu Guðmundsdóttur mannauðsráðgjafa.

Í kjölfar breytinga á stofnunum umhverfis-, orku- og loftslagsráðuneytisins auglýsti ráðuneytið embætti forstjóra Umhverfis- og orkustofnunar laust til umsóknar í byrjun júlí sl. Athygli vekur að Halla Hrund Logadóttir, fyrrum forsetaframbjóðandi og Orkumálastjóri Orkustofnunnar, ákvað að sækja ekki um embættið.

Sex umsækjendur eru um embætti forstjóra Umhverfis- og orkustofnunar:

Björn Arnar Hauksson, deildarstjóri hjá Orkustofnun
Gestur Pétursson, M.Sc. iðnaðar- og rekstrarverkfræði
Halla María Sveinbjörnsdóttir, lögfræðingur og mannauðsstjóri
Markús Ingólfur Eiríksson, doktor í endurskoðun
Rakel Rún Karlsdóttir, jarðfræðingur
Soffía Björk Guðmundsdóttir, framkvæmdastjóri

Hæfnisnefnd sem skipuð hefur verið af Guðlaugi Þór Þórðarsyni, umhverfis-, orku- og loftslagsráðherra, mun meta hæfni og hæfi umsækjenda og skila greinargerð til ráðherra.

Menntamálaráðuneyti Ásmundar Daða Einarssonar hefur ekki svarað ítrekuðum fyrirspurnum Mannlífs um heimakennslu barna á grunnskólaaldri á Íslandi. Mannlíf hefur reynt síðan í apríl að fá upplýsingar um fjölda barna, og aðrar tölfræðiupplýsingar, sem stunda nám í heimakennslu en reglugerð um slíkt nám var fyrst sett árið 2009 af Alþingi.

Tölfræðiupplýsingarnar sem ekki hafa fengist afhentar frá ráðuneytinu hafa sett umfjöllun Mannlífs um heimakennslu í uppnám en áhugi á slíkri kennslu hefur verið að gerjast í samfélaginu undanfarin ár.

Mannlíf er þó ekki eitt sem stendur í álíka stappi við menntamálaráðuneytið en Persónuvernd hefur ítrekað óskað ráðuneytið um upplýsingar sem varða Innu, upplýsingakerfi framhaldsskóla, en ekki fengið nein svör um málið en upplýsinga var fyrst óskað af hálfu Persónuverndar í júní 2022.

Gústaf Björnsson varð fyrir þjófnaði fyrr í sumar en atvikið náðist á upptöku. Sýnir upptakan mann með Wolt poka stela gaskúti úr garði Gústafs.

Gústaf hafði samband við fyrirtækið en hann segir viðbrögð þess hafa valdið sér miklum vonbrigðum. Wolt hafi borið fyrir sig að þarna væri um verktaka að ræða og ekkert sem þeir gætu gert í málinu. Fyrirtækið hafi bent Gústafi á að hafa sambandi við lögregluna en Gústaf hefur ekki gert það hingað til en reiknar að því að gera það.

Christian Kambaug, upplýsingafulltrúi Wolt á Ísland, hafnar því alfarið að málið sé ábyrgð Wolt. Þarna hafi verið um að ræða mann sem var með sendli þeirra í bíl en ekki verktaka á þeirra vegum. „Við munum að sjálfsögðu láta aðilann vita að þetta sé ekki ásættanlegt. Ef við fáum frekari kvartanir af þessu tagi gætum við þurft að loka á reikninginn. Okkur þykir leitt að þetta hafi gerst,“ sagði Christan við Vísi um málið. Bent hefur verið á að þó að sendillinn hafi ekki verið sá sem stal gaskútnum þá sé hann þátttakandi í þjófnaðinum.

Þá ber að nefna að Wolt hefur verið harðlega gagnrýnt af stéttarfélögum og ASÍ fyrir koma illa fram við verktaka á sínum snærum og var fyrirtækið undir rannsókn lögreglu í byrjun sumars.

Smári Tarfur Jósepsson, einn færasti gítarleikarinn í sögu Íslands, vandar aðstandanum Danskra daga í Stykkishólmi ekki kveðjurnar í pistli sem hann birtir á samfélagsmiðlinum Facebook. Þar greinir hann frá því að hann hafi verið beðinn um að koma fram á hátíðinni sem hefst á morgun. Honum brá heldur betur þegar sá hvað hátíðin var tilbúin að borga honum fyrir framlag sitt.

„Ég var því miður bókaður þennan tiltekna dag en þakkaði pent fyrir mig. Notaði tækifærið í leiðinni og benti á að umrædd upphæð væri allt of lág. Reyndar hafði fulltrúi hátíðarinnar nefnt að „bara lágmark” yrði greitt fyrir framkomuna. Upphæðin getur reyndar ekki talist „lágmark“ þar sem hún dygði ekki fyrir kostnaði.

Eftir að hafa bent á það, var stiginn smá darraðadans. Það átti að láta listamanninn finna til samviskubits fyrir að hafa minnst á fjármálin og fyrir það að hann væri nú ekki til í að taka þátt í „samfélags- og sjálfboðavinnu“ sem að allir aðrir voru svo „hrikalega ánægðir að fá að vera með [í] og gefa til samfélagsins“.“

Aðkomufólk stendur sig betur en íbúar

Smári benti í framhaldinu á að þetta væri langt undir opinberum taxta FÍH og fékk þau svör að enginn væri að vinna samkvæmt taxta á hátíðinni. Það þykir Smára nokkuð sérstakt en hann bjó sjálfur í Stykkishólmi sem unglingur.

„Fyrr í sumar stóð hópur aðkomufólks fyrir annarri tónlistarhátíð sem nefnist Sátan. Höfðu hljómsveitir orð á því að öll umgjörð tengd þeirri hátíð var með miklum sóma. Þar fékk hver og einn einasti listamaður greitt fyrir sína vinnu. Því jú….þetta er — sannarlega — vinna.“

Smári telur að gildi Danskra daga vera skökk.

„Í Stykkishólmi er starfræktur prýðis tónlistarskóli. Ég þykist nokkuð viss um að stefnan þar á bæ sé ekki að fólk, sem þangað sækir nám, eigi síðar meir að gefa vinnuna sína. Nógu mikið er um það fyrir á tímunum sem við lifum, samanber öll tónlistin sem streymist úti um alla veröld fyrir hlægilega lágar upphæðir eða jafnvel að kostnaðarlausu.

Ég og félagar mínir erum allir af vilja gerðir þegar kemur að góðgerðarmálum og tónleikum sem tengjast þeim. Þar á mjög vel við að gefa vinnuna sína og er sjálfsagt mál. Þessi tiltekna hátíð fellur ekki undir þann hatt.“

Dönsk kúgun

Gítarleikarinn heldur áfram og segir að kannski ætti þetta ekki að koma á óvart þar sem Danir drottnuðu lengi yfir Íslendingum og nefnir einokun Dana með verslun sem dæmi.

„Danskir dagar eru máski bara í takt við það — að halda gömlu, góðu dönsku kúguninni áfram.“

Í kjölfar breytinga á stofnunum umhverfis-, orku- og loftslagsráðuneytisins auglýsti ráðuneytið embætti forstjóra Náttúruverndarstofnunar laust til umsóknar í byrjun júlí sl. Þetta kemur fram í tilkynningu frá Stjórnarráði Íslands.

Átta umsækjendur eru um embætti forstjóra Náttúruverndarstofnunar og eru þeir hér fyrir neðan:

Álfheiður Eymarsdóttir, stjórnmálafræðingur
Hallur Helgason, verkefnisstjóri
Hildur Guðbjörg Kristjánsdóttir, skrifstofu- og mannauðsstjóri
Ingibjörg Halldórsdóttir, framkvæmdastjóri Vatnajökulsþjóðgarðs
Kristófer S. Arnar P. Júlíusson, líftæknir
María Ester Guðjónsdóttir, ferðamála- og viðskiptafræðingur
Olumide Temitope Araoyinbo, umsjónarmaður
Sigrún Ágústsdóttir, forstjóri Umhverfisstofnunar

Hæfnisnefnd sem skipuð hefur verið af Guðlaugi Þór Þórðarsyni, umhverfis-, orku- og loftslagsráðherra, mun meta hæfni og hæfi umsækjenda og skila greinargerð til ráðherra.

Benedikt Gunnar Ófeigsson, fagstjóri aflögunarmælinga á Veðurstofu Íslands, biðlar til Grindvíkinga um að vera ekki að sofa í bænum en talið er að gosið gæti á hverri stundu.

„Það hefur verið talsverð skjálftavirkni síðasta sólarhringinn en það gengur nú stundum í hviðum. En frá viku til viku er hún vaxandi,“ sagði Benedikt við Vísi um málið en taldar eru líkur á hraunflæði og sprunguhreyfingum innan bæjarins.

Sammála lögreglustjóranum

Úlfur Lúðvíksson, lögreglustjóri á Suðurnesjum, ítrekaði í fjölmiðlum í gær að fólk væri á eigin ábyrgð á svæðinu og bað fólk ekki að sofa í húsum sínum í Grindavík en gist var í um 20 húsum í gærnótt. „Það er ekki sniðugt að vera með fólk sofandi þarna inni ef það gerist í fyrsta hluta þegar þetta er að opnast og við náum ekki að rýma. Þetta er spurning um öryggi,“ sagði Benedikt.

Hann sagði sömuleiðis að það sé sérstaklega vafasamt að gista í norðurhluta bæjarins en ekki er útilokað sprunga opnist mjög nálægt bænum og mögulegt sé að næsta sprunga opnist í bænum sjálfum.

Sagnfræðingurinn Stefán Pálsson birti fyrr í dag nokkuð áhugaverðar vangaveltur á samfélagsmiðlinum Facebook um íslenskan húmor en kveikjan að hugleiðingum Stefáns er bókin Spegill íslenskrar fyndni sem hún Þórunn Valdimarsdóttir skrifaði.

„Ótrúlega mikið af íslenskum gamanmálum í gömlum blöðum gengur út á skæting, þar sem ungir strákar, venjulegir bændur eða ótíndir skrítlingar svara kennurum, prestum eða pólitíinu fullum hálsi – segja þeim að „ét´ann sjálfir“. Ég hef aldrei hugsað sérstaklega út í það, en þessi tegund af húmor er líklega fyrst og fremst birtingarmynd af samfélagi sem er með mjög skýra goggunarröð, stétta- og mannamun,“ skrifaði sagnfræðingurinn síkáti.

Út frá hugleiðingum Stefáns um hófst svo mikið umræða um íslenska fyndni og varð svo til að Stefán skrifaði annan pistil um málið.

„Fyrri færsla um Íslenska fyndni og bók Þórunnar Valdimarsdóttur leiddist út í miklar umræður um hvort og hversu ófyndnir Íslendingar fyrri tíma hafi verið. Það er ekki einfalt mál og almennt séð fer tíminn ekki mjúkum höndum um fyndni og líklega mikil bjartsýni að reikna með því að gamanmál okkar tíma muni eldast neitt betur,“ skrifaði Stefán.

Danir fyndnari

En Stefán segir að áhugaverðara sé að komast því hvenær Íslendingar komust að þeirri niðurstöðu að þeir væru sjálfir fyndnir.

„Mín tilfinning er sú að landsmenn hafi ekki átt í neinum vandræðum með að viðurkenna alveg fram í lok sjöunda áratugarins amk að Danir væru fyndnari en þeir sjálfir og byggju yfir húmor sem væri öfundsverður og ekki á okkar færi. Fáeinum árum síðar erum við farin að setja okkur á háan hest gagnvart ýmsum öðrum þjóðum, sem við teljum sérstaklega ófyndnar – s.s. Norðmenn og Svía. Fljótlega komumst við svo að þeirri niðurstöðu að okkar kímnigáfa sé frábær og í raun sé það helst til marks um okkar eigin þroska ef aðrir ná ekki upp í hana,“ skrifar Stefán í lokin.

Það stefnir í harða baráttu um embætti umboðsmanns Alþings en fjórir reyndir einstaklingar gefa kost á sér til embættisins.

Hér fyrir neðan má sjá lista af þeim sem gáfu kost á sér:

Anna Tryggvadóttir – skrifstofustjóri,
Hafsteinn Þór Hauksson – dósent við lagadeild Háskóla Íslands,
Kristín Benediktsdóttir – prófessor við lagadeild Háskóla Íslands
Reimar Pétursson – lögmaður.

Ráðgjafanefnd hefur verið skipuð af undirnefnd forsætisnefndar en hún mun aðstoða við að gera tillögu til forsætisnefndar um þá sem gáfu kost á sér en umboðsmaður Alþingis er kjörinn á þingfundi.

Ráðgjafanefndin er skipuð af Ragnhildi Helgadóttur, rektor Háskólans í Reykjavík, sem er formaður nefndarinnar, Ásmundi Helgasyni landsréttardómara og Guðrúnu Jóhönnu Guðmundsdóttur mannauðsráðgjafa.

Í kjölfar breytinga á stofnunum umhverfis-, orku- og loftslagsráðuneytisins auglýsti ráðuneytið embætti forstjóra Umhverfis- og orkustofnunar laust til umsóknar í byrjun júlí sl. Athygli vekur að Halla Hrund Logadóttir, fyrrum forsetaframbjóðandi og Orkumálastjóri Orkustofnunnar, ákvað að sækja ekki um embættið.

Sex umsækjendur eru um embætti forstjóra Umhverfis- og orkustofnunar:

Björn Arnar Hauksson, deildarstjóri hjá Orkustofnun
Gestur Pétursson, M.Sc. iðnaðar- og rekstrarverkfræði
Halla María Sveinbjörnsdóttir, lögfræðingur og mannauðsstjóri
Markús Ingólfur Eiríksson, doktor í endurskoðun
Rakel Rún Karlsdóttir, jarðfræðingur
Soffía Björk Guðmundsdóttir, framkvæmdastjóri

Hæfnisnefnd sem skipuð hefur verið af Guðlaugi Þór Þórðarsyni, umhverfis-, orku- og loftslagsráðherra, mun meta hæfni og hæfi umsækjenda og skila greinargerð til ráðherra.

Menntamálaráðuneyti Ásmundar Daða Einarssonar hefur ekki svarað ítrekuðum fyrirspurnum Mannlífs um heimakennslu barna á grunnskólaaldri á Íslandi. Mannlíf hefur reynt síðan í apríl að fá upplýsingar um fjölda barna, og aðrar tölfræðiupplýsingar, sem stunda nám í heimakennslu en reglugerð um slíkt nám var fyrst sett árið 2009 af Alþingi.

Tölfræðiupplýsingarnar sem ekki hafa fengist afhentar frá ráðuneytinu hafa sett umfjöllun Mannlífs um heimakennslu í uppnám en áhugi á slíkri kennslu hefur verið að gerjast í samfélaginu undanfarin ár.

Mannlíf er þó ekki eitt sem stendur í álíka stappi við menntamálaráðuneytið en Persónuvernd hefur ítrekað óskað ráðuneytið um upplýsingar sem varða Innu, upplýsingakerfi framhaldsskóla, en ekki fengið nein svör um málið en upplýsinga var fyrst óskað af hálfu Persónuverndar í júní 2022.

Gústaf Björnsson varð fyrir þjófnaði fyrr í sumar en atvikið náðist á upptöku. Sýnir upptakan mann með Wolt poka stela gaskúti úr garði Gústafs.

Gústaf hafði samband við fyrirtækið en hann segir viðbrögð þess hafa valdið sér miklum vonbrigðum. Wolt hafi borið fyrir sig að þarna væri um verktaka að ræða og ekkert sem þeir gætu gert í málinu. Fyrirtækið hafi bent Gústafi á að hafa sambandi við lögregluna en Gústaf hefur ekki gert það hingað til en reiknar að því að gera það.

Christian Kambaug, upplýsingafulltrúi Wolt á Ísland, hafnar því alfarið að málið sé ábyrgð Wolt. Þarna hafi verið um að ræða mann sem var með sendli þeirra í bíl en ekki verktaka á þeirra vegum. „Við munum að sjálfsögðu láta aðilann vita að þetta sé ekki ásættanlegt. Ef við fáum frekari kvartanir af þessu tagi gætum við þurft að loka á reikninginn. Okkur þykir leitt að þetta hafi gerst,“ sagði Christan við Vísi um málið. Bent hefur verið á að þó að sendillinn hafi ekki verið sá sem stal gaskútnum þá sé hann þátttakandi í þjófnaðinum.

Þá ber að nefna að Wolt hefur verið harðlega gagnrýnt af stéttarfélögum og ASÍ fyrir koma illa fram við verktaka á sínum snærum og var fyrirtækið undir rannsókn lögreglu í byrjun sumars.

Smári Tarfur Jósepsson, einn færasti gítarleikarinn í sögu Íslands, vandar aðstandanum Danskra daga í Stykkishólmi ekki kveðjurnar í pistli sem hann birtir á samfélagsmiðlinum Facebook. Þar greinir hann frá því að hann hafi verið beðinn um að koma fram á hátíðinni sem hefst á morgun. Honum brá heldur betur þegar sá hvað hátíðin var tilbúin að borga honum fyrir framlag sitt.

„Ég var því miður bókaður þennan tiltekna dag en þakkaði pent fyrir mig. Notaði tækifærið í leiðinni og benti á að umrædd upphæð væri allt of lág. Reyndar hafði fulltrúi hátíðarinnar nefnt að „bara lágmark” yrði greitt fyrir framkomuna. Upphæðin getur reyndar ekki talist „lágmark“ þar sem hún dygði ekki fyrir kostnaði.

Eftir að hafa bent á það, var stiginn smá darraðadans. Það átti að láta listamanninn finna til samviskubits fyrir að hafa minnst á fjármálin og fyrir það að hann væri nú ekki til í að taka þátt í „samfélags- og sjálfboðavinnu“ sem að allir aðrir voru svo „hrikalega ánægðir að fá að vera með [í] og gefa til samfélagsins“.“

Aðkomufólk stendur sig betur en íbúar

Smári benti í framhaldinu á að þetta væri langt undir opinberum taxta FÍH og fékk þau svör að enginn væri að vinna samkvæmt taxta á hátíðinni. Það þykir Smára nokkuð sérstakt en hann bjó sjálfur í Stykkishólmi sem unglingur.

„Fyrr í sumar stóð hópur aðkomufólks fyrir annarri tónlistarhátíð sem nefnist Sátan. Höfðu hljómsveitir orð á því að öll umgjörð tengd þeirri hátíð var með miklum sóma. Þar fékk hver og einn einasti listamaður greitt fyrir sína vinnu. Því jú….þetta er — sannarlega — vinna.“

Smári telur að gildi Danskra daga vera skökk.

„Í Stykkishólmi er starfræktur prýðis tónlistarskóli. Ég þykist nokkuð viss um að stefnan þar á bæ sé ekki að fólk, sem þangað sækir nám, eigi síðar meir að gefa vinnuna sína. Nógu mikið er um það fyrir á tímunum sem við lifum, samanber öll tónlistin sem streymist úti um alla veröld fyrir hlægilega lágar upphæðir eða jafnvel að kostnaðarlausu.

Ég og félagar mínir erum allir af vilja gerðir þegar kemur að góðgerðarmálum og tónleikum sem tengjast þeim. Þar á mjög vel við að gefa vinnuna sína og er sjálfsagt mál. Þessi tiltekna hátíð fellur ekki undir þann hatt.“

Dönsk kúgun

Gítarleikarinn heldur áfram og segir að kannski ætti þetta ekki að koma á óvart þar sem Danir drottnuðu lengi yfir Íslendingum og nefnir einokun Dana með verslun sem dæmi.

„Danskir dagar eru máski bara í takt við það — að halda gömlu, góðu dönsku kúguninni áfram.“

Í kjölfar breytinga á stofnunum umhverfis-, orku- og loftslagsráðuneytisins auglýsti ráðuneytið embætti forstjóra Náttúruverndarstofnunar laust til umsóknar í byrjun júlí sl. Þetta kemur fram í tilkynningu frá Stjórnarráði Íslands.

Átta umsækjendur eru um embætti forstjóra Náttúruverndarstofnunar og eru þeir hér fyrir neðan:

Álfheiður Eymarsdóttir, stjórnmálafræðingur
Hallur Helgason, verkefnisstjóri
Hildur Guðbjörg Kristjánsdóttir, skrifstofu- og mannauðsstjóri
Ingibjörg Halldórsdóttir, framkvæmdastjóri Vatnajökulsþjóðgarðs
Kristófer S. Arnar P. Júlíusson, líftæknir
María Ester Guðjónsdóttir, ferðamála- og viðskiptafræðingur
Olumide Temitope Araoyinbo, umsjónarmaður
Sigrún Ágústsdóttir, forstjóri Umhverfisstofnunar

Hæfnisnefnd sem skipuð hefur verið af Guðlaugi Þór Þórðarsyni, umhverfis-, orku- og loftslagsráðherra, mun meta hæfni og hæfi umsækjenda og skila greinargerð til ráðherra.