„Við Björn greiddum kr. 7.280.000 fyrir Volvo XC30 bifreið. Við höfum verið á Toyota Yaris árgerð 2012 síðustu árin en þar á undan áttum við Volvo í 12 ár,“ skrifar Halla Tómasdóttir, verðandi forseti Íslands, þar sem hún upplýsir um afsláttarkjör sín í viðskiptum við Brimborg.

Hún segist hafa fengið afslátt sem nemur 7,5 prósentum frá listaverði. Sá afsláttur er að sögn forstjóra Brimborgar vegna langtímaviðskipta. Í því ljósi vekur athygli að Halla hefur undanfarin ár ekið á Toyota Yaris en ekki bíl frá Brimborg.

„Nýja bifreiðin er hugsuð til persónulegra nota, sérstaklega fyrir maka forseta. Líkt og kemur fram á vefsíðu umboðsins er verð þessara rafbíla á bilinu 6-8 milljónir. Við keyptum minnstu týpuna. Við fengum kr. 549.127 afslátt frá listaverði vegna endurtekinna kaupa og staðgreiðslu, sem mér reiknast til að sé um 7.5% afsláttur frá ásettu verði. Eins og komið hefur fram frá umboði er það sambærilegt því sem öðrum kaupendum býðst sem uppfylla sömu skilyrði og það er í takt við þau kjör sem við höfum fengið við önnur bílakaup í þessu umboði, sem öðrum, hérlendis sem erlendis. Aldrei var um að ræða sérstök afsláttarkjör gegn því að auglýsa bílakaupin opinberlega. Það var gert án okkar vitundar og samþykkis eins og einnig hefur komið fram og var leiðrétt um leið og í ljós kom,“ skrifar Halla á Facebook.

Hún segir að ástæða þess að Egill Jóhannsson, forstjóri Brimborgar, er á gestalista í Smiðju sé ekki vegna bílakaupanna og hafi komið til löngu áður og sé tilkomið vegna stuðnings við framboðið.

„Hann studdi einnig önnur framboð eins og hefur komið fram í fjölmiðlum og lýsti okkur vitanlega yfir stuðningi við annað framboð en mitt. Auk þess tilkynnti hann mér þegar við keyptum bílinn að hann kæmist ekki í móttökuna,“ skrifar Halla.

Hún segist ekki hafa fengið sérstök afsláttarkjör gegn því að auglýsa bílakaupin opinberlega. Það hafi verið gert án hennar vitundar, eins og hún hefur áður greint frá.

Í dagbókinni góðu kemur fram að lögreglan á höfuðborgarsvæðinu handtók í dag mann sem er grunaður um alvarlega líkamsárás – eftir að árásarþoli leitaði á bráðamóttöku til aðhlynningar.

Segir í bókinni að lögreglumenn á vakt hafi þekkt til hins grunaða geranda; farið um leið á stúfana; náð honum eftir skamman tíma.

Var aðilinn vistaður í fangaklefa vegna málsins sem er nú í rannsókn.

Karl Gauti Hjaltason, lögreglustjórinn í Vestmannaeyjum, segir hnífaofbeldi á meðal ungmenna vera vaxandi áhyggjuefni; að lögreglan leiti nú leiða til þess að koma í veg fyrir slíkt á útihátíðum hér á landi sem eru fjölmargar yfir sumartímann.

Óhætt er að segja að öryggisgæsla á útihátíðum sem og öðrum stórum viðburðum hafi breyst með árunum; má rekja það til aukinnar vopnavæðingar í íslensku samfélagi.

Meira en eitt hundrað manns koma að öryggisgæslunni á Þjóðhátíð í Vestmannaeyjum og vill lögreglan bæta löggæsluna í það heila, en þetta kemur fram á RÚV.

Einnig að lögreglan hefur verið með starfsmenn í fíkniefnaleit árum saman sem og viðbrögð í tengslum við kynferðisofbeldi; er lögreglan með tiltæka rannsóknarlögreglumenn og móttöku í dalnum sjálfum.

Málmtæki hafa verið notuð við slíkar leitir; Karl Gauti segir það hins vegar nánast ómögulegt að nota slík tæki á alla gesti hátíðarinnar:

„Að öðru leyti er viðbragðið óbreytt á öllum öðrum sviðum. En þessi hnífaburður er bara nýtt og frekar nýlegt, og hefur verið vaxandi á landinu undanfarin ár og við ætlum bara að bregðast við því fyrir fram og reyna að koma í veg fyrir að það berist inn á þessa hátíð. Við höfum ekki orðið var við neitt nema ánægju gesta með það ef að löggæslan er sýnileg. Menn hafa þvert á móti verið að hrósa okkur fyrir það að vera mikið á staðnum og vera mikið á ferðinni inni í dal og í bænum,“ segir Karl Gauti og og bætir við að lögreglan haldi ótrauð áfram að tryggja öryggi gesta á Þjóðhátíð í Eyjum:

„Það er okkar markmið. Að allir komi heilir heim eftir góða skemmtun.“

Jarðskjálftafræðingurinn Reynir Böðvarsson fór fimum fingrum sínum um lyklaborðið og útkoman er grein sem ber yfirskriftina: Hvar var endar þetta? 

Hann byrjar á þessum nótum:

„Donald Trump notar lygina óspart sem áróðursvopn og virðist nánast ónæmur fyrir því þegar hún er rekin ofan í hann, hann endurtekur hana bara með enn meiri ákafa við húrrahróp fylgjenda. Enginn stjórnmálamaður hefur nokkurntíman komist með tærnar þar sem hann hefur hælana hvað varðar óheiðarleika og ósvífni í málfluttningi sínum. Hann er einfaldlega algjört viðundur sem enginn hefði trúað því fyrirfram að svona fígúra ætti möguleika á að ná kjöri í hæsta embætti í lýðræðisríki, hvað þá ríki sem oft hefur verið talið fyrirmynd annara vestrænna ríkja og á rætur í upplýsingunni.“

Hann bætir því við að „það ætti öllum sem fylgjast með að vera ljóst að eitthvað alvarlegt er að þeim lýðræðisferlum sem vaska fram leiðtoga eins og Donald Trump, Jair Bolsonaro, Boris Johnson, Viktor Orbán, Giorgia Meloni, Bjarna Benediktsson og marga fleiri og það bara nú á síðustu og verstu tímum. Ég held að enginn þessara leiðtoga kæmust til valda án lyginnar þótt fáir hafi hagað sér eins ruddalega og verið eins ósvífinir og Donald Trump. Hann lýgur að mestu sjálfur en hin eru ekki alveg eins óförskömmuð sjálf en öll hafa þau sér til aðstoðar stofnanavædda lygasögu sem kölluð er Nýfrjálshyggja.“

Reynir segir að „helstu alþjóðlegu stofnanir á fjármálasviði í heiminum, Alþjóðabankinn, WB, og Alþjóða gjaldeyrissjóðurinn, IMF, til dæmis, hafa keypt þessa lygasögu Síkagóskólans sem Milton Friedman básúneraði út og sem Ronald Reagan og Margaret Thatcher gleyptu hráa og lugu því að kjósendum sínum að ef þau kæmust til valda yrðu allir ríkari. Þau fullyrtu að sameiginlegu eignir þjóðarinnar, svo sem skólar og sjúkrahús, vegir og járnbrautir væri best að afhenda auðvaldinu til að eiga og reka. Gott væri að hafa ofurríkt fólk sem græddi á þessu, lækka síðan skatta á þá ríkustu, því það mundi leka síðan svolítið frá þeim til okkar hinna svipað og brauðmolar detta af borðinu til fuglana þegar við borðum úti í garði á sumrin.“

Reynir segir brauðmolakenninguna vera hluta af „lýgi nýfrjálshyggjunar sem fór síðan sem farsótt um allan heim með smitstuðul sem virðist hærri en nokkur önnur þekkt farsótt. Nýfrjálshyggjan er hættulegasta farsótt sem herjað hefur á mannkyn, hefur staðið yfir í bráðum hálfa öld og það er augljóslega langt í land með að ná hópónæmi ef það þá verður nokkurntíman hægt. Bóluefnið gegn lygum og rangindum eru staðreyndir og opin umræða en spurningin er hvernig bólusetningin fer fram þar sem smitið fer um þjóðfélög og stjórnmálaflokka en ekki einstaklinga. Það er ekki hægt að sprauta því inn í þjóðarlíkamann eða stjórnmálaflokkinn á sama hátt og hægt er með bóluefni gegn vírussjúkdómum í mönnum.“

Reynir bendir á að „Alþjóðaheilbrigðismálastofnunin, WHO, samræmdi aðgerðir með sóttvarnarlæknum um allan heim í baráttunni við Covid og er sá faraldur nú í böndum og er ekki lengur þjóðfélögum hættulegur. Alþjóðabankinn og Alþjóðagjaldeyrissjóðurinn eru líka undirstofnanir Sameinuðu þjóðanna, UN, en þar hefur engin samræmd aðgerðaráætlun gegn þessari farsótt verið smíðuð, þvert á móti. Þar á bæ er farsóttinn, þ.e.a.s. Nýfrjálshyggjunni bara viðhaldið og henni dreift eins og engin væri morgundagurinn og með hjálp hagfræðinga og stjórnmálafræðinga útum allan heim sem allir eru meira og minna menntaðir eins og guðfræðingar í guðfræðideild þar sem trúarbrögðin eru farsóttin sjálf þ.e.a.s. Nýfrjálshyggjan.“

Hann segir að við „þekkjum semsagt sjálfa veiruna, sem er lýgin og rangindi, við þekkjum bóluefnið, sem eru staðreyndir og opin umræða, en við vitum ekki hvernig við eigum að bólusetja þjóðfélagið sem er helsjúkt af faraldrinum. Hvernig á að gera sjúklinginn meðvitaðan um sjúkdóminn þegar flestir einstaklingar í þjóðfélaginu eru andstæðingar bólusetningar gagnvart ákkúrat þessum sjúkdómi. Fullyrða jafnvel að bóluefnið sé hættulegra en sjálfur sjúkdómurinn, sannleikurinn hættulegri lýginni. Hvernig á að fá almennan skilning í þjóðfélaginu á ástandinu þegar alþjóðastofnanir og helstu “sérfræðingar” þjóðanna vinna markvisst gegn því og fullyrða jafnvel að faraldurinn sé ekki til staðar og sé bara hugarburður? Ofan á allt saman er meðvirknin í þjóðfélaginu svo útbreidd að erfitt er að sjá hvaða brögðum eigi að beita til þess að koma okkur úr þessari sjálfheldu sem við sem þjóðfélög augljóslega erum komin í. Hvar endar þetta?“

Nú er á sölu hús þeirra hjóna í Pelsinum – Esterar og Kalla – en hann féll nýlega frá.

Þarna bjuggu þau búið í áratugi – og ásett verð er 470 milljónir króna, en þetta kom fyrst fram á vefmiðlinum eirikurjonsson.is.

Eins og Eiríki er einum lagið er pælt í hlutunum á skemmtilegan hátt – til dæmis svona:

„Ef kaupandi tekur 70% lán þá verða afborganir á því 2.859 þúsund á mánuði í fjörutíu ár en 141 milljón þarf að borga út og fást ekki lánaðar á húsið. Ef maður leggur þessa upphæð inn á bankareikning með 10% ávöxtun þá fær maður 47 milljónir í vexti á ári eða 3.9 milljónir á mánuði. Má því segja að það kosti mann a.m.k. fjórar milljónir á mánuði að búa í húsinu fyrir þetta verð! Gefur augaleið að sennilega eru ekki margir aðilar á Íslandi sem hafa ráð á húsinu enda boðið til sölu af alþjóðlegri fasteignasölu og fasteignasalinn er sonur þeirra Esterar og Kalla, Styrmir Bjartur.“

Þær Guðrún Nanna Egilsdóttir og Dögg Guðmundsdóttir – meistaranemar í næringarfræði – skrifa athyglisverða grein er ber yfirskriftina: Carnivore: Kransæðastífla og skínandi fínir kviðvöðvar?

Hefst svona:

„Carnivore mataræði hefur verið áberandi undanfarið og vinsældir þess aukist vegna áhrifaríkrar samfélagsmiðla herferðar og áhrifavalda. Mataræðið samanstendur eingöngu af kjöti og dýraafurðum líkt og hráum mjólkurvörum en einnig töluvert miklu salti og smjöri. Engin matvæli úr plönturíki eru leyfð svo þú mátt ekki neyta ávaxta, grænmetis, korns, hneta eða belgjurta og ekki einu sinni kryddjurta. Mataræðið er því eins og sést, verulega takmarkandi.“

Þær færa í tal að „stæðilegir karlmenn sjást gjarnan berir að ofan á samfélagsmiðlum að reyna sannfæra aðra um heilsueflingu mataræðisins með sýnilega kviðvöðva að vopni þar sem þeir hrópa sannfærandi gríðarlega flóknar staðhæfingar sem eiga oft ekki við nein rök að styðjast. Oftar en ekki með óáreiðanlegar, úreltar og/eða ‘cherry pick-aðar’ rannsóknir á dýrum sér til stuðnings.

Mikilvægt er að hafa í huga að þó að carnivore mataræðið geti mögulega gefið þér orkuefnin í þeim hlutföllum að þú komist í það líkamlega útlitslega form sem þú vilt þá er svo margt að gerast innra með sem þú sérð ekki.“

Þær benda á að „þeir lífsstílssjúkdómar sem að carnivore mataræðið eykur líkurnar á eru aldurstengdir og taka tíma að þróast og eru þetta aðallega ristilkrabbamein og hjarta- og æðasjúkdómar. Það er því ekki þannig að eftir 6 mánuði vaknirðu allt í einu með krabbamein og kransæðastíflu en alveg skínandi fína kviðvöðva.

Einnig eru þessir þættir allir ósýnilegir sem að þú finnur ekki fyrir á meðan að þeir gerast. Þú finnur ekki fyrir æðunum þínum stíflast hægt og rólega né krabbameini að myndast í ristli. Mikið magn af rauðu kjöti, unnu kjöti, salti og mettaðri fitu eykur líkurnar töluvert á hjarta- og æðasjúkdómum. Mikil neysla á rauðu kjöti ein og sér eykur líkur á ristilkrabbameini og þegar að kemur að unnu kjöti aukast líkur á ristilkrabbameini og magakrabbameini. Það er því góð ástæða fyrir því að næringarráðleggingar mæla ekki með neyslu á rauðu kjöti yfir 500 g á viku en það finnast ekki tengsl við verri heilsufarsútkomur við neyslu upp að því magni.“

Einnig:

„Svo eykst hættan á meltingarfærakrabbameinum og hjarta- og æðsjúkdómum þegar magnið er komið yfir 500 g á viku. Í carnivore mataræðinu eru svo einnig matvæli tekin út sem hafa verndandi áhrif gegn þessum sjúkdómum, eins og trefjaríkt korn, ávextir og grænmeti.“

Þær segja að „gallar mataræðisins einskorðast þó ekki aðeins við auknar líkur á ákveðnum krabbameinum og hjarta- og æðasjúkdómum heldur er einnig hætta á næringarefnaskorti. C vítamín finnst ekki í nægilegu magni í dýraafurðum og er því hætta á skyrbjúg.

Að útiloka öll matvæli úr jurtaríki útilokar svo líka trefjar og önnur æskileg plöntunæringarefni sem eru mikilvæg heilsunni. Skortur á trefjum getur leitt til hægðatregðu og annarra meltingarvandamála auk þess sem við þurfum trefjar fyrir heilbrigða þarmaflóru sem spilar gríðarlega stóran þátt í heilsu okkar.“

Guðrún og Dögg segja að „hinir háværu áhrifavaldar carnivore mataræðisins eru einnig gríðarlega öflugir talsmenn gegn næringarfræðingum, tala um næringarfræði sem ‘kaótíska’ og segja ráðleggingar næringarfræðinga og Embætti Landlæknis úreltar. Það er því mikilvægt að nefna að umrædd óreiða kemur ekki frá næringarfræðingum heldur frá hinum ómenntuðu ‘sérfræðingum’ sem skipta reglulega um skoðanir og fara úr einum öfgum í aðrar sem verður til þess að fólk heyrir stanslaust mismunandi hluti.“

Nefna einnig að „næringarfræðingar eru upp til hópa að reyna eftir fremsta megni að leiðrétta vitleysuna frá þeim sem valda ringulreiðinni og breytast ráðleggingar næringarfræðinga almennt lítið varðandi lýðheilsu. Hvað varðar ráðleggingar Embætti Landlæknis þá eru þær í reglulegri endurskoðun miðað við stöðu þekkingar og nýjar rannsóknir skoðaðar með tilliti til hvort einhverju mætti breyta. Breytingarnar eru sjaldnast stórtækar þar sem niðurstöður rannsókna eru hvorki jafn dramatískar né öfgafullar og næringarupplýsingar áhrifavalda.“

Næringarvísindin sem og ráðleggingar eru ekki að breytast mikið og „vitum við ansi margt af þó nokkuð mikilli vissu um hvaða mataræði er gott heilsunni. Hvernig við nærum okkur í dag getur haft mikið að segja um heilsu okkar seinna á lífsleiðinni. Fögur fyrirheit um betri heilsu, aukin afköst og lægri fituprósentu með mataræði sem gengur þvert gegn því sem vísindin gefa til kynna er að öllum líkindum ekki lausnin þó að það sé sett fram á mjög svo sannfærandi hátt. Þá er einnig hægt að öðlast alla þessa upptöldu kosti með næringarríku fjölbreyttu mataræði án öfga. Að lokum er gott að muna að næringarfræði er jú vísindi en ekki skoðun. Höfundar eru.“

Þau tíðindi bárust að austan að Jóhann Árni Ólafsson muni ekki taka við starfi Einars Árna Jóhannssonar sem annar tveggja þjálfara Hattar – með Viðari Erni Hafsteinssyni – á komandi tímabili í Bónusdeild karla.

Það er karfan.is sem sagði fyrst frá.

Snemma í sumar var tilkynnt um vistaskipti Jóhanns Árna – sem kom til Hattar á Egilsstöðum frá liði Grindavíkur.

Nú er ljóst að ekkert verður af þeim vistaskiptum vegna persónulegra ástæðna Jóhanns Árna; segir Höttur í fréttatilkynningu að þetta séu mikil vonbrigði, en hann átti einnig að taka við sem yfirþjálf­ari yngri flokka félagsins.

Einnig segir þar að undirbúningur vetrarins hafi tekið nokuð óvænta stefnu; leitar Höttur nú að þjálfara logandi ljósi til að fylla skarð Jóhanns Árna.

„Við Björn greiddum kr. 7.280.000 fyrir Volvo XC30 bifreið. Við höfum verið á Toyota Yaris árgerð 2012 síðustu árin en þar á undan áttum við Volvo í 12 ár,“ skrifar Halla Tómasdóttir, verðandi forseti Íslands, þar sem hún upplýsir um afsláttarkjör sín í viðskiptum við Brimborg.

Hún segist hafa fengið afslátt sem nemur 7,5 prósentum frá listaverði. Sá afsláttur er að sögn forstjóra Brimborgar vegna langtímaviðskipta. Í því ljósi vekur athygli að Halla hefur undanfarin ár ekið á Toyota Yaris en ekki bíl frá Brimborg.

„Nýja bifreiðin er hugsuð til persónulegra nota, sérstaklega fyrir maka forseta. Líkt og kemur fram á vefsíðu umboðsins er verð þessara rafbíla á bilinu 6-8 milljónir. Við keyptum minnstu týpuna. Við fengum kr. 549.127 afslátt frá listaverði vegna endurtekinna kaupa og staðgreiðslu, sem mér reiknast til að sé um 7.5% afsláttur frá ásettu verði. Eins og komið hefur fram frá umboði er það sambærilegt því sem öðrum kaupendum býðst sem uppfylla sömu skilyrði og það er í takt við þau kjör sem við höfum fengið við önnur bílakaup í þessu umboði, sem öðrum, hérlendis sem erlendis. Aldrei var um að ræða sérstök afsláttarkjör gegn því að auglýsa bílakaupin opinberlega. Það var gert án okkar vitundar og samþykkis eins og einnig hefur komið fram og var leiðrétt um leið og í ljós kom,“ skrifar Halla á Facebook.

Hún segir að ástæða þess að Egill Jóhannsson, forstjóri Brimborgar, er á gestalista í Smiðju sé ekki vegna bílakaupanna og hafi komið til löngu áður og sé tilkomið vegna stuðnings við framboðið.

„Hann studdi einnig önnur framboð eins og hefur komið fram í fjölmiðlum og lýsti okkur vitanlega yfir stuðningi við annað framboð en mitt. Auk þess tilkynnti hann mér þegar við keyptum bílinn að hann kæmist ekki í móttökuna,“ skrifar Halla.

Hún segist ekki hafa fengið sérstök afsláttarkjör gegn því að auglýsa bílakaupin opinberlega. Það hafi verið gert án hennar vitundar, eins og hún hefur áður greint frá.

Í dagbókinni góðu kemur fram að lögreglan á höfuðborgarsvæðinu handtók í dag mann sem er grunaður um alvarlega líkamsárás – eftir að árásarþoli leitaði á bráðamóttöku til aðhlynningar.

Segir í bókinni að lögreglumenn á vakt hafi þekkt til hins grunaða geranda; farið um leið á stúfana; náð honum eftir skamman tíma.

Var aðilinn vistaður í fangaklefa vegna málsins sem er nú í rannsókn.

Karl Gauti Hjaltason, lögreglustjórinn í Vestmannaeyjum, segir hnífaofbeldi á meðal ungmenna vera vaxandi áhyggjuefni; að lögreglan leiti nú leiða til þess að koma í veg fyrir slíkt á útihátíðum hér á landi sem eru fjölmargar yfir sumartímann.

Óhætt er að segja að öryggisgæsla á útihátíðum sem og öðrum stórum viðburðum hafi breyst með árunum; má rekja það til aukinnar vopnavæðingar í íslensku samfélagi.

Meira en eitt hundrað manns koma að öryggisgæslunni á Þjóðhátíð í Vestmannaeyjum og vill lögreglan bæta löggæsluna í það heila, en þetta kemur fram á RÚV.

Einnig að lögreglan hefur verið með starfsmenn í fíkniefnaleit árum saman sem og viðbrögð í tengslum við kynferðisofbeldi; er lögreglan með tiltæka rannsóknarlögreglumenn og móttöku í dalnum sjálfum.

Málmtæki hafa verið notuð við slíkar leitir; Karl Gauti segir það hins vegar nánast ómögulegt að nota slík tæki á alla gesti hátíðarinnar:

„Að öðru leyti er viðbragðið óbreytt á öllum öðrum sviðum. En þessi hnífaburður er bara nýtt og frekar nýlegt, og hefur verið vaxandi á landinu undanfarin ár og við ætlum bara að bregðast við því fyrir fram og reyna að koma í veg fyrir að það berist inn á þessa hátíð. Við höfum ekki orðið var við neitt nema ánægju gesta með það ef að löggæslan er sýnileg. Menn hafa þvert á móti verið að hrósa okkur fyrir það að vera mikið á staðnum og vera mikið á ferðinni inni í dal og í bænum,“ segir Karl Gauti og og bætir við að lögreglan haldi ótrauð áfram að tryggja öryggi gesta á Þjóðhátíð í Eyjum:

„Það er okkar markmið. Að allir komi heilir heim eftir góða skemmtun.“

Jarðskjálftafræðingurinn Reynir Böðvarsson fór fimum fingrum sínum um lyklaborðið og útkoman er grein sem ber yfirskriftina: Hvar var endar þetta? 

Hann byrjar á þessum nótum:

„Donald Trump notar lygina óspart sem áróðursvopn og virðist nánast ónæmur fyrir því þegar hún er rekin ofan í hann, hann endurtekur hana bara með enn meiri ákafa við húrrahróp fylgjenda. Enginn stjórnmálamaður hefur nokkurntíman komist með tærnar þar sem hann hefur hælana hvað varðar óheiðarleika og ósvífni í málfluttningi sínum. Hann er einfaldlega algjört viðundur sem enginn hefði trúað því fyrirfram að svona fígúra ætti möguleika á að ná kjöri í hæsta embætti í lýðræðisríki, hvað þá ríki sem oft hefur verið talið fyrirmynd annara vestrænna ríkja og á rætur í upplýsingunni.“

Hann bætir því við að „það ætti öllum sem fylgjast með að vera ljóst að eitthvað alvarlegt er að þeim lýðræðisferlum sem vaska fram leiðtoga eins og Donald Trump, Jair Bolsonaro, Boris Johnson, Viktor Orbán, Giorgia Meloni, Bjarna Benediktsson og marga fleiri og það bara nú á síðustu og verstu tímum. Ég held að enginn þessara leiðtoga kæmust til valda án lyginnar þótt fáir hafi hagað sér eins ruddalega og verið eins ósvífinir og Donald Trump. Hann lýgur að mestu sjálfur en hin eru ekki alveg eins óförskömmuð sjálf en öll hafa þau sér til aðstoðar stofnanavædda lygasögu sem kölluð er Nýfrjálshyggja.“

Reynir segir að „helstu alþjóðlegu stofnanir á fjármálasviði í heiminum, Alþjóðabankinn, WB, og Alþjóða gjaldeyrissjóðurinn, IMF, til dæmis, hafa keypt þessa lygasögu Síkagóskólans sem Milton Friedman básúneraði út og sem Ronald Reagan og Margaret Thatcher gleyptu hráa og lugu því að kjósendum sínum að ef þau kæmust til valda yrðu allir ríkari. Þau fullyrtu að sameiginlegu eignir þjóðarinnar, svo sem skólar og sjúkrahús, vegir og járnbrautir væri best að afhenda auðvaldinu til að eiga og reka. Gott væri að hafa ofurríkt fólk sem græddi á þessu, lækka síðan skatta á þá ríkustu, því það mundi leka síðan svolítið frá þeim til okkar hinna svipað og brauðmolar detta af borðinu til fuglana þegar við borðum úti í garði á sumrin.“

Reynir segir brauðmolakenninguna vera hluta af „lýgi nýfrjálshyggjunar sem fór síðan sem farsótt um allan heim með smitstuðul sem virðist hærri en nokkur önnur þekkt farsótt. Nýfrjálshyggjan er hættulegasta farsótt sem herjað hefur á mannkyn, hefur staðið yfir í bráðum hálfa öld og það er augljóslega langt í land með að ná hópónæmi ef það þá verður nokkurntíman hægt. Bóluefnið gegn lygum og rangindum eru staðreyndir og opin umræða en spurningin er hvernig bólusetningin fer fram þar sem smitið fer um þjóðfélög og stjórnmálaflokka en ekki einstaklinga. Það er ekki hægt að sprauta því inn í þjóðarlíkamann eða stjórnmálaflokkinn á sama hátt og hægt er með bóluefni gegn vírussjúkdómum í mönnum.“

Reynir bendir á að „Alþjóðaheilbrigðismálastofnunin, WHO, samræmdi aðgerðir með sóttvarnarlæknum um allan heim í baráttunni við Covid og er sá faraldur nú í böndum og er ekki lengur þjóðfélögum hættulegur. Alþjóðabankinn og Alþjóðagjaldeyrissjóðurinn eru líka undirstofnanir Sameinuðu þjóðanna, UN, en þar hefur engin samræmd aðgerðaráætlun gegn þessari farsótt verið smíðuð, þvert á móti. Þar á bæ er farsóttinn, þ.e.a.s. Nýfrjálshyggjunni bara viðhaldið og henni dreift eins og engin væri morgundagurinn og með hjálp hagfræðinga og stjórnmálafræðinga útum allan heim sem allir eru meira og minna menntaðir eins og guðfræðingar í guðfræðideild þar sem trúarbrögðin eru farsóttin sjálf þ.e.a.s. Nýfrjálshyggjan.“

Hann segir að við „þekkjum semsagt sjálfa veiruna, sem er lýgin og rangindi, við þekkjum bóluefnið, sem eru staðreyndir og opin umræða, en við vitum ekki hvernig við eigum að bólusetja þjóðfélagið sem er helsjúkt af faraldrinum. Hvernig á að gera sjúklinginn meðvitaðan um sjúkdóminn þegar flestir einstaklingar í þjóðfélaginu eru andstæðingar bólusetningar gagnvart ákkúrat þessum sjúkdómi. Fullyrða jafnvel að bóluefnið sé hættulegra en sjálfur sjúkdómurinn, sannleikurinn hættulegri lýginni. Hvernig á að fá almennan skilning í þjóðfélaginu á ástandinu þegar alþjóðastofnanir og helstu “sérfræðingar” þjóðanna vinna markvisst gegn því og fullyrða jafnvel að faraldurinn sé ekki til staðar og sé bara hugarburður? Ofan á allt saman er meðvirknin í þjóðfélaginu svo útbreidd að erfitt er að sjá hvaða brögðum eigi að beita til þess að koma okkur úr þessari sjálfheldu sem við sem þjóðfélög augljóslega erum komin í. Hvar endar þetta?“

Nú er á sölu hús þeirra hjóna í Pelsinum – Esterar og Kalla – en hann féll nýlega frá.

Þarna bjuggu þau búið í áratugi – og ásett verð er 470 milljónir króna, en þetta kom fyrst fram á vefmiðlinum eirikurjonsson.is.

Eins og Eiríki er einum lagið er pælt í hlutunum á skemmtilegan hátt – til dæmis svona:

„Ef kaupandi tekur 70% lán þá verða afborganir á því 2.859 þúsund á mánuði í fjörutíu ár en 141 milljón þarf að borga út og fást ekki lánaðar á húsið. Ef maður leggur þessa upphæð inn á bankareikning með 10% ávöxtun þá fær maður 47 milljónir í vexti á ári eða 3.9 milljónir á mánuði. Má því segja að það kosti mann a.m.k. fjórar milljónir á mánuði að búa í húsinu fyrir þetta verð! Gefur augaleið að sennilega eru ekki margir aðilar á Íslandi sem hafa ráð á húsinu enda boðið til sölu af alþjóðlegri fasteignasölu og fasteignasalinn er sonur þeirra Esterar og Kalla, Styrmir Bjartur.“

Þær Guðrún Nanna Egilsdóttir og Dögg Guðmundsdóttir – meistaranemar í næringarfræði – skrifa athyglisverða grein er ber yfirskriftina: Carnivore: Kransæðastífla og skínandi fínir kviðvöðvar?

Hefst svona:

„Carnivore mataræði hefur verið áberandi undanfarið og vinsældir þess aukist vegna áhrifaríkrar samfélagsmiðla herferðar og áhrifavalda. Mataræðið samanstendur eingöngu af kjöti og dýraafurðum líkt og hráum mjólkurvörum en einnig töluvert miklu salti og smjöri. Engin matvæli úr plönturíki eru leyfð svo þú mátt ekki neyta ávaxta, grænmetis, korns, hneta eða belgjurta og ekki einu sinni kryddjurta. Mataræðið er því eins og sést, verulega takmarkandi.“

Þær færa í tal að „stæðilegir karlmenn sjást gjarnan berir að ofan á samfélagsmiðlum að reyna sannfæra aðra um heilsueflingu mataræðisins með sýnilega kviðvöðva að vopni þar sem þeir hrópa sannfærandi gríðarlega flóknar staðhæfingar sem eiga oft ekki við nein rök að styðjast. Oftar en ekki með óáreiðanlegar, úreltar og/eða ‘cherry pick-aðar’ rannsóknir á dýrum sér til stuðnings.

Mikilvægt er að hafa í huga að þó að carnivore mataræðið geti mögulega gefið þér orkuefnin í þeim hlutföllum að þú komist í það líkamlega útlitslega form sem þú vilt þá er svo margt að gerast innra með sem þú sérð ekki.“

Þær benda á að „þeir lífsstílssjúkdómar sem að carnivore mataræðið eykur líkurnar á eru aldurstengdir og taka tíma að þróast og eru þetta aðallega ristilkrabbamein og hjarta- og æðasjúkdómar. Það er því ekki þannig að eftir 6 mánuði vaknirðu allt í einu með krabbamein og kransæðastíflu en alveg skínandi fína kviðvöðva.

Einnig eru þessir þættir allir ósýnilegir sem að þú finnur ekki fyrir á meðan að þeir gerast. Þú finnur ekki fyrir æðunum þínum stíflast hægt og rólega né krabbameini að myndast í ristli. Mikið magn af rauðu kjöti, unnu kjöti, salti og mettaðri fitu eykur líkurnar töluvert á hjarta- og æðasjúkdómum. Mikil neysla á rauðu kjöti ein og sér eykur líkur á ristilkrabbameini og þegar að kemur að unnu kjöti aukast líkur á ristilkrabbameini og magakrabbameini. Það er því góð ástæða fyrir því að næringarráðleggingar mæla ekki með neyslu á rauðu kjöti yfir 500 g á viku en það finnast ekki tengsl við verri heilsufarsútkomur við neyslu upp að því magni.“

Einnig:

„Svo eykst hættan á meltingarfærakrabbameinum og hjarta- og æðsjúkdómum þegar magnið er komið yfir 500 g á viku. Í carnivore mataræðinu eru svo einnig matvæli tekin út sem hafa verndandi áhrif gegn þessum sjúkdómum, eins og trefjaríkt korn, ávextir og grænmeti.“

Þær segja að „gallar mataræðisins einskorðast þó ekki aðeins við auknar líkur á ákveðnum krabbameinum og hjarta- og æðasjúkdómum heldur er einnig hætta á næringarefnaskorti. C vítamín finnst ekki í nægilegu magni í dýraafurðum og er því hætta á skyrbjúg.

Að útiloka öll matvæli úr jurtaríki útilokar svo líka trefjar og önnur æskileg plöntunæringarefni sem eru mikilvæg heilsunni. Skortur á trefjum getur leitt til hægðatregðu og annarra meltingarvandamála auk þess sem við þurfum trefjar fyrir heilbrigða þarmaflóru sem spilar gríðarlega stóran þátt í heilsu okkar.“

Guðrún og Dögg segja að „hinir háværu áhrifavaldar carnivore mataræðisins eru einnig gríðarlega öflugir talsmenn gegn næringarfræðingum, tala um næringarfræði sem ‘kaótíska’ og segja ráðleggingar næringarfræðinga og Embætti Landlæknis úreltar. Það er því mikilvægt að nefna að umrædd óreiða kemur ekki frá næringarfræðingum heldur frá hinum ómenntuðu ‘sérfræðingum’ sem skipta reglulega um skoðanir og fara úr einum öfgum í aðrar sem verður til þess að fólk heyrir stanslaust mismunandi hluti.“

Nefna einnig að „næringarfræðingar eru upp til hópa að reyna eftir fremsta megni að leiðrétta vitleysuna frá þeim sem valda ringulreiðinni og breytast ráðleggingar næringarfræðinga almennt lítið varðandi lýðheilsu. Hvað varðar ráðleggingar Embætti Landlæknis þá eru þær í reglulegri endurskoðun miðað við stöðu þekkingar og nýjar rannsóknir skoðaðar með tilliti til hvort einhverju mætti breyta. Breytingarnar eru sjaldnast stórtækar þar sem niðurstöður rannsókna eru hvorki jafn dramatískar né öfgafullar og næringarupplýsingar áhrifavalda.“

Næringarvísindin sem og ráðleggingar eru ekki að breytast mikið og „vitum við ansi margt af þó nokkuð mikilli vissu um hvaða mataræði er gott heilsunni. Hvernig við nærum okkur í dag getur haft mikið að segja um heilsu okkar seinna á lífsleiðinni. Fögur fyrirheit um betri heilsu, aukin afköst og lægri fituprósentu með mataræði sem gengur þvert gegn því sem vísindin gefa til kynna er að öllum líkindum ekki lausnin þó að það sé sett fram á mjög svo sannfærandi hátt. Þá er einnig hægt að öðlast alla þessa upptöldu kosti með næringarríku fjölbreyttu mataræði án öfga. Að lokum er gott að muna að næringarfræði er jú vísindi en ekki skoðun. Höfundar eru.“

Þau tíðindi bárust að austan að Jóhann Árni Ólafsson muni ekki taka við starfi Einars Árna Jóhannssonar sem annar tveggja þjálfara Hattar – með Viðari Erni Hafsteinssyni – á komandi tímabili í Bónusdeild karla.

Það er karfan.is sem sagði fyrst frá.

Snemma í sumar var tilkynnt um vistaskipti Jóhanns Árna – sem kom til Hattar á Egilsstöðum frá liði Grindavíkur.

Nú er ljóst að ekkert verður af þeim vistaskiptum vegna persónulegra ástæðna Jóhanns Árna; segir Höttur í fréttatilkynningu að þetta séu mikil vonbrigði, en hann átti einnig að taka við sem yfirþjálf­ari yngri flokka félagsins.

Einnig segir þar að undirbúningur vetrarins hafi tekið nokuð óvænta stefnu; leitar Höttur nú að þjálfara logandi ljósi til að fylla skarð Jóhanns Árna.