Fjölmiðlamaðurinn og rithöfundurinn talar af biturri reynslu.
„Ekki halda framhjá. Og … Don’t go Danish,“ segir fjölmiðlamaðurinn og rithöfundurinn Börkur Gunnarsson, í nýjustu færslu sinni á Facebook.
Þar greinir Börkur frá því að hann hafi keypt sér danskar sardínur í dós og eftir að hafa borðað þær sé hann með eitt á hreinu: „Þær eru versti vibjóður sem ég hef smakkað.“
Hann tekur þó fram að sér finnist íslensku Ora sardínurnar líka viðbjóður en bragðið á þeim sé minningatengt. „Finnst ég vera kominn inn í stofu hjá ömmu og afa að hlusta á Síðasta lag fyrir fréttir þegar ég borða Ora sardínur. Ég ólst upp við að háma þetta í mig.“ Þar af leiðandi elski hann þær.
Segir Börkur þessi skelfilegu lífsreynslu hafa kennt honum eitt. „Maður á ekkert að vera að halda framhjá Ora og íslensku sardínunum.“