Föstudagur 29. mars, 2024
-2.2 C
Reykjavik

Áhyggjulaust ævikvöld á heillandi stað í Þingunum

VefTv

- Auglýsing -

Hlaðvörp

- Auglýsing -

Boðaþing 14-16 er vandað sex hæða fjölbýli á fallegum stað og er hugsað fyrir íbúa á aldrinum fimmtíu plús. Boðaþing tilheyrir Þingunum sem eru næst Kórum í beinu framhaldi af Salahverfinu og stendur að stærstum hluta á svæði milli Rjúpnahæðar og Vatnsendahvarfs.

Hverfið er blönduð byggð sem nýtur sín afar vel í þessu fagra umhverfi. Stutt er í ósnortna náttúruna og má segja að Þingin séu hverfi í sveit og hægt er að stunda þar fjölbreytta útivist og hreyfingu í náttúrunni. Í næsta nágrenni eru Elliðavatn og Heiðmörk en þar eru fjölbreyttar gönguleiðir. Húsið stendur á reit þar sem eru almennar íbúðir, þjónustuíbúðir, hjúkrunarheimili og þjónustumiðstöð aldraða. Skipulag hverfisins myndar þannig kjarna í kringum hjúkrunaríbúðir og þjónustumiðstöð aldraða, Boðann, á vegum Kópavogsbæjar og Hrafnistu DAS.

Náttúruparadís í sveit

Þingin eru fjölskylduparadís fyrir alla aldurshópa en á svæðinu eru leikskólar, heildstæður grunnskóli með góðri tengingu við íþróttasvæði og íþróttahús. Góðir þjónustukjarnar eru á svæðinu og næsta nágrenni. Byggðin í hverfinu er vel skipulögð og afar fjölbreytt. Landið stendur þarna hátt og hallar til vesturs og suðurs. Víðsýnt er á svæðinu en frá hluta hverfisins er fallegt útsýni að Bláfjöllum og Elliðavatni. Fyrir kylfinga eru þrír öflugir golfvellir í 5-10 mín. akstursfjarlægð. Jafnframt er hesthúsabyggð í næsta nágrenni ásamt fjölbreyttum reiðleiðum.

Vandaðar og stílhreinar íbúðir

- Auglýsing -

Mjög er vandað til íbúðanna og hugsað fyrir aðbúnaði. Yfirbragð íbúðanna er létt og hvítir og ljósir litir í forgrunni. Hurðirnar eru frá Birgisson og innréttingarnar frá GKS eru í ljósum við eða sprautulakkaðar hvítar. Fallegt  og sterkt parket frá Birgisson prýðir gólfin. Eldhúsin eru vönduð og stílhrein, búin tækjum og búnaði af viðurkenndri gerð og gæðum. Innréttingarnar eru með helluborðum og blástursofnum sem innihalda kjöthitamæli. Öllum eldhúsum fylgja uppþvottavél og ísskápur.

Björt og rúmgóð baðherbergi

- Auglýsing -

Hvíti liturinn er allsráðandi á baðherbergjum, innréttingin er í ljósum lit með hvítu innvolsi og vönduð hreinlætistæki frá Tengi ásamt handklæðaofni fylgja. Hugsað er fyrir lýsingu á réttum stöðum og blöndunartækin eru hitastýrð. Fallegar og stílhreinar flísar prýða baðherbergin og þvottaherbergin.

Aðstaðan til fyrirmyndar og geymslurými gott

Með hverri íbúð fylgir rúmgóð geymsla og flestum íbúðum, eða tuttugu og fjórum talsins, fylgir jafnframt stæði í bílageymslu. Þá eru svalir á hverri íbúð en íbúðir á jarðhæð hafa aðgang að útipalli. Í húsinu eru tvö stigahús með lyftu sem gengur niður í bílageymslu og inngangur og aðkeyrsla í bílageymslu eru upphituð með snjóbræðslulögnum. Bílastæði fatlaðra er staðsett ofanjarðar. Lyfta er til staðar fyrir allar hæðir og niður í bílageymslu.

Ál- og timburklæðning prýða húsið að utan
Húsið er byggt af Húsvirkja en alls eru þrjátíu sex íbúðir í húsinu. Tveir stigagangar og lyftur í þeim báðum. Húsið er byggt úr steinsteypu, einangrað og klætt að utan með ál- og timburklæðningu. Þak er viðsnúið, slétt með þakdúk og einangrað ofan á plötu með þéttri rakaheldri plasteinangrun að minnsta kosti 250 mm, fergt með perlumöl og hellum. Allir gluggar eru álklæddir trégluggar með tvöföldu einangrunargleri (K-gleri). Útihurðir ásamt innri hurðum í anddyri eru með rafrænum opnunarbúnaði sem er mikill kostur. Á gólfum stigahúsa og í sameign, að undanskildum anddyrum, sorpi, hjóla- og vagnageymslum, geymslugöngum og brunastúkum í bílageymslu, eru teppi, en flísar á anddyri. Útveggir eru ýmist múrhúðaðir að innan eða sandspartlaðir og innveggir eru ýmist hlaðnir og múrhúðaðir eða léttir gipsveggir og koma vel út.

Sjón er sögu ríkari

Í húsinu eru 2ja herbergja íbúðir, 79-100 fermetrar að stærð, og 3ja herbergja íbúðir sem eru 115-145 fermetrar að stærð. Þessar glæsilegu íbúðir eru til sölu hjá Garðatorgi í síma 898 3708 og Trausta fasteignasala í síma 899 8811. Sjón er svo sannarlega sögu ríkari.

Myndir/  Vignir Már Garðarsson

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -