Föstudagur 29. mars, 2024
2.8 C
Reykjavik

Bandarískur verðlaunahafi við stjórnvölinn

VefTv

- Auglýsing -

Hlaðvörp

- Auglýsing -

Reykjavík Meat er steikarstaður sem býður þó einnig upp á fisk-, grænmetis- og Veganrétti. Á hátíðinni Food & Fun verður í boði glæsilegur matseðill bandaríska matreiðslumeistarans Hamiltons Johnson þar sem túnfiski, leturhumri, nautalund og súkkulaði er gert hátt undir höfði á listilegan hátt.

Veitingastaðurinn Reykjavík Meat sem er til húsa við Frakkastíg 8b, var opnaður í fyrrahaust og er um að ræða steikarstað þar sem jafnframt er boðið upp á fisk-, grænmetis- og veganrétti og allir ættu að finna eitthvað við sitt hæfi. Reykjavík Meat tekur þátt í Food & Fun í ár og er það bandaríski matreiðslumeistarinn Hamilton Johnson sem galdrar fram girnilegan matseðil þar sem túnfiski, leturhumri, nautalund og súkkulaði er gert hátt undir höfði á listilegan hátt.

„Hamilton er með margar góðar pælingar,“ segir Almar Yngvi Garðarsson, veitingarstjóri og einn eigenda veitingastaðarins. „Það verður til dæmis reykt beikon með leturhumrinum sem maður er ekki vanur að fá og svo verður kálfatunga með aðalréttinum,“segir Almar en fyrst fá gestir smárétti til að hita upp bragðlaukana, síðan er túnfiskur í forrétt, leturhumar í millirétt, nautalund í aðalrétt og vindlareykt súkkulaði í eftirrétt. „Ég hlakka mikið til að vinna með Hamilton. Þetta er í áttunda skipti sem ég tek þátt í Food & Fun og er með góða reynslu af þessu og ég held að Hamilton hafi tekið þrisvar áður þátt í Food & Fun hér á landi.“

Notaleg stemmning einkennir Reykjavík Meat. Mynd / Hallur Karlsson

Hamilton er þekktur fyrir að blanda einstökum sem og þekktum hráefnum saman á óhefðbundinn hátt. Hann keppir reglulega í alþjóðlegum matreiðslukeppnum og árið 2016 var hann annar tveggja matreiðslumeistara í efstu sætum í alheimskeppni Food & Fun sem haldin var í Finnlandi. Þess má geta að norski barþjónninn Jörgen Jørgen Dons er gestabarþjónn á Reykjavík Meat á meðan á Food & Fun stendur en hann býr til sinn eigin kokteilaseðil af þessu tilefni.

Almar segir að þátttaka í Food & Fun skipti máli fyrir Reykjavík Meat upp á að fá tengsl út í heim með þátttöku Hamiltons. „Mér finnst Food & Fun vera mjög skemmtileg hugmynd. Þetta er hátíð þar sem fólk fær að prófa eitthvað nýtt og það er alltaf gaman að fá að gleðja bragðlaukana hjá fólki. Það er líka gaman að fá kúnnahóp sem maður er ekki vanur að fá en sem stundar að fara á Food & Fun og finnur okkur í raun í gegnum þessa hátíð.“

Matseðillinn

TÚNFISKUR
Hnúðkál, „vodouvan“,  radísur, rúgbrauð, andalifur

- Auglýsing -

GRILLAÐUR HUMAR
Svín, fennel, jarðskokkar, svört truffla

NAUTALUND
Hvítkál, smælki-kartöflur, sellerírót, nautatunga, bláber

KAFFI & VINDLAR
Malt, súkkulaði, vindill, karamella, heslihnetur, espressó, marens

- Auglýsing -

Stúdíó Birtíngur í samstarfi við Reykjavík Meat

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -