Föstudagur 29. mars, 2024
-2.2 C
Reykjavik

Dreymdi alltaf um að fá Rut Kára til að hanna heimilið sitt

VefTv

- Auglýsing -

Hlaðvörp

- Auglýsing -

Hannes Steindórsson er löggiltur fasteignasali hjá Lind fasteignasölu. Hannes er einn af eigendum fasteignasölunnar. Hann býr með Lísu Maríu Markúsdóttur viðskiptafræðingi og á þrjú dásamleg börn, Evu Nadíu, þriggja ára frekjudós að hans eigin sögn, Steindór Örn, tíu ára fótbolta- og fimleikastrák og Söru Nadíu, tólf ára „going on 16“ fótboltastelpu. Hannes er Kópavogsbúi og býr í Þrymsölum 16 Kópavogi.

Hvað heillar þig mest við starfið?  „Fjölbreytileikinn og fólkið, er á tuttugu og þriggja manna vinnustað og vinn með frábæru fólki, hef unnið með sama fólkinu í tíu ár eða meira, vinn með vinum mínum, hitti nýtt fólk alla daga ársins og alltaf ný og ný verkefni. Fasteignasalar hitta eitt til tvö þúsund manns á ári hverju sem tengist vinnu þeirra. Svo er alltaf rosalega gaman að selja fyrstu kaupendum, alltaf svo mikil spenna að fá sitt fyrsta heimili.“

Getur þú lýst hefðbundnum vinnudegi hjá þér? „Vakna kl 07:00, keyri yngstu dóttur mína í leikskóla og stóru börnin í skóla, mæti í vinnu vanalega um 08.30. Byrja alla daga á að svara póstum gærkvöldsins og fer yfir plan dagsins, vanalega er ég á skrifstofunni fyrir hádegi og svo sýni ég eignir og skoða eignir ásamt að fara á fundi eftir hádegi. Vinnudagurinn er oftast til 18:00, þá reyni ég að fara út að hjóla eða í ræktina.“

Hannes Steindórsson er löggiltur fasteignasali

Hvað er það sem þér finnst gera heimili að heimili? „Það er fjölskyldan, fólkið, minningarnar, sagan, gömul húsgögn með sögu og svo margt, margt fleira.“

Geturðu líst þínum stíl?  „Minn stíll er frekar einfaldur, fáir hlutir, lítið dót, stílhreint, hlýlegt.“

Áttu þinn uppáhalds arkitekt? ,,Í raun ekki er mjög hrifinn af mörgum, Sigvaldi var rosalega flottur og margir góðir á Íslandi, ég er hrifinn af einfaldri hönnun og góðu skipulagi, mér finnst til dæmis nýjar íbúðir í dag margar hverjar mjög vel nýttar.“

Áttu þinn uppáhaldshönnuð? „Í dag er ég mjög hrifinn af Berglindi Berndsen og Hönnu Stínu Ólafsdóttur, mig dreymdi alltaf líka um að fá Rut Kára til að hanna heimilið mitt en það eru svo margir góðir á Íslandi.“

- Auglýsing -

Hvað hefur þig alltaf dreymt um að eignast en ekki eignast hingað til? „Mig dreymir um að eiga gufubað og heitan pott á heimilið, sé fyrir mér að koma heim eftir langan vinnudag og fara í gufu.“

Uppáhaldsliturinn þinn? „Ég held að uppáhaldsliturinn minn sé rauður.“

Að leggjast í sófann hjá mömmu er best

- Auglýsing -

 Hvar líður þér best? „Heima hjá mér með fólkinu mínu (klassískt svar). Mér líður alltaf vel hjá mömmu og pabba, að fara í heimsókn og leggjast í sófann hjá mömmu er best. Mér líður líka mjög vel í vinnunni og á fjallahjóli einn í miðjum skógi eða á skíðum.“

Nú er sumarið komið og margir huga að garðinum, er eitthvað sem þig langar að eignast í garðinn?  „Er mjög lítill garðyrkjumaður, slæ garðinn það er allt sem ég geri þar, ef ég fengi mér blóm sem þyrfti að hugsa um þá myndu þau visna fljótt.“

Svalasti veitingastaðurinn á Íslandi í dag? „Margir svo góðir í dag.

Grillmarkaðurinn er alltaf svalur, Ghandi er einn af mínum uppáhalds. Besti matur sem ég hef fengið nýlega var á Bastard (gamla Vegamót).“

Er einhver byggingarstíll sem heillar þig meira enn annar?  „Stílhreint og einfalt finnst mér alltaf fallegast.“

Að lifa lífinu lifandi er að … „vera allskonar, gera allskonar og njóta.“

Myndir / Aldís Pálsdóttir

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -