Uppskriftahöfundurinn og áhrifavaldurinn Linda Ben segir náttúrulegu safana frá innocent fjölbreytta og einstaklega bragðgóða. Öllu máli skipti hvernig safarnir eru framleiddir.
„Safarnir eru mjög bragðgóðir, þeir eru framleiddir þannig að ávextirnir eru varðveittir í gegnum allt ferlið og ekki gerðir úr þykkni en það er einmitt það sem ég vil,“ segir Linda um safana frá innocent.
Innocent-safarnir njóta vaxandi vinælda á Íslandi einmitt meðal annars vegna þess að fyrirtækið leitast við að framleiða vörur sínar á sem náttúrulegastan hátt. Af þeim sökum notar innocent sem dæmi aldrei þykkni, rotvarnarefni eða viðbættan sykur í sína framleiðslu. Varan heldur þar af leiðandi bragðgæðum sínum og er eins lítið unnin og hægt er. Hugmyndafræðin er að eiga sem minnst við hráefnið og leyfa náttúrulegu bragði að njóta sín.
Linda segir þetta vera stóran kost. „Þannig fæ ég í raun mjög svipaða vöru og ef ég hefði búið mér til hreinan ávaxtasafa heima,“ bendir hún á.
„Safarnir eru mjög bragðgóðir, þeir eru framleiddir þannig að upprunalegi ávöxturinn er varðveittur í gegnum allt ferlið og ekki gerðir úr þykkni en það er einmitt það sem ég vil.“
Hún segist vera ánægð með að hvorki meira né minna en sjö gerðir af safa frá innocent séu í boði. „Mér líkar vel við hversu fjölbreytt vöruúrvalið er, það er lítil hætta á að fá leiða á söfunum,“ segir hún og brosir.
Náttúrulegir og fjölbreyttir safar
Fyrir þá sem ekki þekkja til fæst þykkni með því að hita ávaxtasafa úr ávöxtum upp við svo hátt hitastig að eftir stendur þykkt síróp sem inniheldur lítinn hluta af upprunalegum vökva ávaxtarins. Þykknið er svo oft flutt á áfangastað í öðru landi og vatni síðan bætt út í það. Þetta er ástæðan fyrir því að sumum finnst safi gerður úr þykkni oft bragðast eins og hann hafi verið hitaður eða mikið meðhöndlaður. Af þessum sökum vill innocent ekki nota þykkni í sína framleiðslu.
Í innocent-safana eru því aðeins notaðir ferskir ávextir. Sem dæmi eru 11 appelsínur í einni 900 ml innocent-appelsínusafaflösku – og ekkert annað. Hinir safarnir lúta sömu lögmálum, en alls samanstendur línan af sjö bragðtegundum sem þykja hver annarri betri.
Samfélagsleg ábyrgð og umhverfisstefna
Þess má geta að náttúruleg vinnsluaðferð, gott bragð og fjölbreytni eru ekki einu ástæður þess að safarnir frá innocent njóta vaxandi vinsælda á Íslandi. Umhverfisvænni flöskur hafa líka hlotið góðar undirtektir, en innocent notast við 50% endurunnið plast í flöskurnar sínar og árið 2022 verða þær unnar úr 100 prósent endurunnu plasti. Að auki leitast innocent sífellt eftir því að nota sem minnst plast í sínar flöskur og á þessu ári hafa þau minnkað plast sem fer í hverja flösku um 4 g. Í því samhengi má líka nefna að hægt er að fara með allar flöskur frá innocent í endurvinnslu.
Innocent hefur umhverfissjónarmið að leiðarljósi og hefur alveg frá upphafi sýnt samfélagslega ábyrgð með því að gefa 10 prósent af hagnaði til góðgerðamála, en á innocentfoundation.org er hægt að kynna sér betur þau verkefni sem fyrirtækið hefur verið að styrkja. Umhverfissjónarmið og samfélagsleg ábyrgð ráða för.
ÍSAM í samstarfi við Stúdíó Birtíng.
