Fimmtudagur 28. mars, 2024
1.8 C
Reykjavik

Grilltíminn er kominn – komdu og grillaðu með okkur hjá Byko

VefTv

- Auglýsing -

Hlaðvörp

- Auglýsing -

Byko leggur mikla áherslu á að bjóða upp á fjölbreytt úrval af grillum í öllum stærðum, gerðum og verðflokkum en aðallega þó þrjú af stærstu merkjum í heiminum í grillum, Napoleon , Broil King og Weber.

Napoleon eru kanadísk hágæða grill

Napoleon býður upp á hágæða grill í öllum stærðum og verðflokkum.
Napoleon eru kanadísk hágæða grill sem eru eitt af þekktari merkjum í grillum í Norður-Ameríku. Þeirra sérstaða er að fyrirtækið framleiðir allt í sín grill sjálft og getur þar með tryggt gæði og endingu framleiðslunar. Sérhvert smáatriði, efnisvalið er hannað til að gefa fullkominn árangur til þess að þú getir eldað hina fullkomu máltíð. Napoleon-grill leggja líka áherslu á gæði í stáli sem er endingargott og tryggir frábæra hitaeinangrun. Velgengni þeirra felst í að þeir framleiða einungis toppgrill.

Broil King-grillin
Broil King þarf varla að kynna fyrir Íslendingum, þau hafa verið hér á markaðnum það lengi og staðið sig frábærlega. Sérhver hluti grillsins er hannaður og smíðaður með tiltekið hlutverk í huga og þegar allir hlutarnir koma saman er útkoman einfaldlega framúrskarandi. Fjölbreytni í gæðagrillum í öllum verðflokkum. Broil King-grillin eru hönnuð til að þú getir tekist á við nýjar áskoranir og aukið fjölbreytnina þegar þú grillar.

Weber hefur oftar en ekki verið sagt Rollsinn í grillum.

Weber-grill
Ameríkanar eru sannarlega ókrýndir konungar grillsins og því skal engan undra að þaðan komi stór og stæðileg hágæða grill sem þola nánast hvað sem er, eins og Weber-grillin, grillin sem allir þekkja. Weber hefur oftar en ekki verið sagt Rollsinn í grillum. Grillin eru til af öllum stærðum og gerðum. Emalering og yfirborðsáferðin á grillunum er sérunnin þannig að fátt bítur á hana, og hentar því sérstaklega vel íslenskum aðstæðum. Alla jafna endast þessi grill í fjöldamörg ár án þess að það sjái nokkuð á þeim.

Byko býður upp á öll helstu grillin frá Weber.

Glæsilegt úrval af fylgihlutum
Byko býður upp á mikið úrval af fylgihlutum og er í fararbroddi þar. Allt frá beikonstandi upp í rafmagnstein fyrir kebab, yfirbreiðslur, grillbursta og allt sem þig vantar sem tengist grillunum. Jafnframt leggur Byko sig fram við að eiga flesta varahluti í öll helstu grill sem Byko selur.

________________________________________________________________

- Auglýsing -
Steinar Viktorsson í grilldeildinni hjá Byko.

Grillmeistarinn með allt á hreinu

Steinar Viktorsson í grilldeildinni hjá Byko er sérfræðingur í grillum og elskar að grilla.

Með hvaða grillum mælir þú helst, eitthvað uppáhalds? ,,Mitt uppáhaldsgrill, er Rouge frá Napoleon. Eftir að ég kynntist grillunum frá Napoleon hef ég verið yfir mig hrifinn af þeim, stálinu í þeim, útliti og hönnun yfirleitt, set þau hiklaust í fyrsta sæti hjá mér.”

Ertu með góð ráð til þeirra sem ætla að fjárfesta í nýju grilli sumar? „Fólk ætti að kynna sér vel kílówöttin í grillinu sem það ætlar að kaupa. Þumalputtareglan er sú að því hærri sem KW er í grillinu því skemmtilegra finnst þér það vera en KW er sú orka sem grillið hefur til að breyta í hita.“

- Auglýsing -

Annað húsráð fyrir grindur í grillum? „Pottgrindur í grillum þarf að hugsa um ef þær eiga að vera ryðfríar, í þriðja hvert skipti sem grillað er, er gott áður en kveikt er upp í grillinu að setja matarolíu á grindurnar. Best er að kaupa olíu í spreybrúsum og spreyja áður en kveikt er upp í grillinu.“

Hvaða áhöld þarf grillmeistarinn að eiga til að fullkomna eldamennskuna? „Góður spaði og töng eru nauðsynleg áhöld til að geta grillað.“

Hvaða grill eru vinsælust hjá ykkur í dag? „Grillsalan í Byko er ótrúlega mikil, og vinsælasta grilltegundin hjá okkur núna er Napoleon og það er stöðug aukning í sölu á þeim. Það má segja að hvert eitt grill sem selt er selji tvö önnur.“

Áttu þér uppáhaldsgrillrétt, hvað finnst þér skemmtilegast að grilla? „Mitt uppáhald er að grilla lambalæri sem ég þræði upp á tein, krydda það sjálfur og njóta þess að horfa á lærið snúast og eldast, með kaldan svaladrykk í hönd.“

Afgreiðslutími verslunar BYKO Breidd:

Virkir dagar: 8.00-19.00

Laugardagar: 10.00-18.00

Sunnudagar: 10.00-16.00

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -