Fisherman býður upp á fjölbreytt úrval af ferskum og frosnum fiski og öðru sjávarfangi, ásamt tilbúnum fiskréttum. Ef verslað er fyrir 10.000 kr. eða meira er boðið upp á ókeypis heimsendingarþjónustu.
„Fisherman býður upp á fjölbreytt vöruúrval af ferskum og frosnum fiski og öðru sjávarfangi, ásamt tilbúnum fiskréttum sem þarf einungis að hita upp,“ segir Elías Guðmundsson, framkvæmdastjóri Fisherman, og bendir á að fyrirtækið sendi vörur hvert á land sem er auk þess sem boðið sé upp á ókeypis heimsendingarþjónustu ef verslað er fyrir 10.000 kr. eða meira. „Við þjónustum einstaklinga og fjölskyldur, lítil og stór fyrirtæki, verslanir, mötuneyti, stóreldhús og veitingastaði. Markmið okkar hefur alltaf verið að leggja ríka áherslu á að mæta þörfum viðskiptavina okkar með einföldum og þægilegum lausnum fyrir hvern og einn.“
Á fisherman.is má skoða úrvalið af þeim vörum sem boðið er upp á og þar má finna klassískt hráefni og rétti í bland við ljúffengar nýjungar. „Úrvalið er ansi mikið og má þar t.d. nefna frosinn fisk og fiskmeti á borð við þorsk, ýsu, fiskibollur, humar og rækjur. Af ferskum fiski og fiskmeti má t.d. nefna löngu, rauðsprettu, steinbít, karfa, keilu, hlýra, silung og lax og auðvitað þorsk og ýsu auk fjölmargra annarra tegunda.“
Snögg afgreiðsla
Meðal tilbúinna rétta sem seldir eru í pakkningum má nefna klassísku réttina plokkfisk og gamaldags fiskibollur, rétti sem hafa fylgt Íslendingum í langan tíma. „Við bjóðum einnig upp á Laxagna, sem er lasagna með laxi. Þessi réttur er einstaklega ljúffengur og spennandi enda nýtur hann sífellt meiri vinsælda hjá fólki á öllum aldri.“
Eins og fyrr segir sendir Fisherman hvert á land sem er. „Ef vörur eru pantaðar fyrir hádegi eru þær afgreiddar á höfuðborgarsvæðinu morguninn eftir. Einnig er hægt er að sækja fiskipöntun í Fiskisjoppuna á Hagamel 67, 101 Reykjavík, en þar er opið frá kl. 12 til 21, mánudaga til laugardaga, en það er lokað á sunnudögum.“
Frábært úrval í Fiskisjoppunni
„Í Fiskisjoppunni Hagamel er einnig hægt að panta og sækja samsettar eldaðar máltíðir og sérrétti hússins,“ segir Elías. „Hægt er að velja um nokkrar fisktegundir, meðlæti og sósur. Með þessu móti er lítið mál að setja saman ljúffenga og nýja rétti á hverjum degi. Svo fylgir salat öllum máltíðum. Einnig bjóðum við upp á vinsæla sérrétti hússins, m.a. fisk og franskar, laxaborgara, fiski- og vegansúpu Fisherman og svo plokkfisksamlokuna sem er borin fram með frönskum kartöflum, salati og bernaise-sósu. Hana verða allir að prófa a.m.k. einu sinni.“
Allar pantanir eru afgreiddar gegnum vefinn eða með því að senda á [email protected] en frekari upplýsingar fást í síma 450 9000 alla virka daga frá kl. 9 til 16.
Nánari upplýsingar á www.fisherman.is.