Þessa dagana hjá Vogue fyrir heimilið er verið að taka upp einstaklega fallegar og vandaðar gjafavörur frá nýrri vörulínu. Þvílíkt augnakonfekt til að njóta og fegra heimilið. Við hittum Kolbrúnu Birnu Halldórsdóttur, verslunar- og rekstrarstjóra, og fengum smáinnsýn í það sem koma skal.
Þessar vörur sem voru að koma í hús eru einstaklega fallegar og grípa augað. Getur þú aðeins sagt okkur frá þessari nýju vörulínu?
„Boltze er þýsk vörulína sem inniheldur mikið af fallegri gjafavöru, borðum, hillum og fleira skemmtilegu sem auðvelt er að breyta með eða bæta á heimilinu með litlum tilkostnaði.“
Vogue fyrir heimilið er ávallt að stækka og auka vöruúrvalið, er ekki einstaklega skemmtilegt og gefandi að geta raða hinu ýmsu vörum saman?
„Ó, jú. Það er alveg ótrúlega gaman, þetta hefur verið ævintýri líkast síðastliðin fjögur ár eftir að við fluttum hingað í Síðumúlann. Ég nærist sjálf á því að fegra umhverfið, svo er ég náttúrlega með svo frábært fólk hérna með mér í verslunni.“
Hvað er það nýjasta sem koma skal í vetur?
„Við höfum tekið mikið inn af litlum borðum sem skemmtilegt er að raða saman við sófann eða nota sem innskotsborð, hillum, glervösum, bökkum sem hafa haldið velli í nokkur ár og ég vona svo sannarlega að það haldi áfram, alltaf gaman að dekúreta með bökkum, vösum og fleira.“
Eru einhverjir litir eða áferð sem eru vinsælli en annað þessa stundina?
„Mildir gamaldags litir eru móðins í dag. Varðandi áferðina þá er stálið alltaf vinsælt og grófur viður sem er meðal annars flottur við svart stál. Tvinna saman stáli og við er flott kombó.“
Myndir / Aldís Pálsdóttir