![](https://www.mannlif.is/wp-content/uploads/2020/07/telma-768x1024.jpg)
„Þetta fer mjög vel af stað. Það er rífandi stemning og nóg að gera bæði í vefversluninni og búðinni okkar. Fólk hefur tekið vel við sér og er greinilega í mjög góðum gír ef marka má viðtökurnar,“ segir Telma Birgisdóttir, eigandi verslunarinnar Tekk-Company, um Black Friday, sem hófst í vikunni.
Black Friday, eða Svartur föstudagur, er einn stærsti verslunardagur Bandaríkjanna. Undanfarin ár hafa verslanir á Íslandi verið með og boðið ýmis tilboð og vegna fjöldatakmarkana hefur nú verið ákveðið að að dreifa deginum á fjóra daga. Tekk-Company tekur þátt og býður veglegan afslátt af öllum vörum.
„Við seljum allt fyrir heimilið, sófa, stóla, borð, ramma, teppi, baðvörur, spegla, stell, glös, hnífapör og jólailmi, bara nefndu það. Allt sem hugurinn girnist til að gera heimilið kósí og flott og í tilefni af Black Friday ákváðum við að vera með hvorki meira né minna en 20 prósent afslátt af öllu,“ segir Telma létt í bragði.
„Fólk hefur tekið vel við sér og er greinilega í mjög góðum gír ef marka má viðtökurnar.“
Eftirsóttar vörur
Hún segir að í versluninni sé fjölbreytt vöruúrval á breiðu verðbili þannig að það sé eitthvað til fyrir alla. „Sem dæmi erum við með mjög vandaðar vörur á góðu verði frá belgíska fyrirtækinu Ethnicraft. Ethnicraft er belgískt fyrirtæki sem hefur í 25 ár hannað falleg, tímalaus húsgögn úr harðviði; eik, hnotu og tekki, og við höfum selt vörur frá þeim síðan 1999, sem er auðvitað vísbending um hvað þessar vörur hafa verið eftirsóttar á Íslandi lengi. Fyrirtækið kynnir sífellt vandaðar nýjungar, sem útskýrir m.a. vinsældirnar.“
![](https://www.mannlif.is/wp-content/uploads/2020/11/dante-1.png)
Klassíkur stíll og nýtískulegur í bland
Telma nefnir líka til sögunnar hollensku vörumerkin ByBo og Eleonora. „Þetta eru bæði mjög vönduð merki. Helsti munurinn er kannski sá að á meðan Eleonora er stílað inn á þá sem eru í leit að klassískri vöru tileinkar ByBo sér fljótt tískustrauma. Síðarnefnda fyrirtækið er með flotta, heildræna lausn fyrir heimilið, alveg frá mottum upp í stóla, sem hafa fallið í kramið hjá Íslendingum. Ekki síst unga fólkinu, það er alveg sjúkt í vörurnar. Og það frábæra við ByBo er að þú getur keypt allt í stíl frá þeim á mjög góðu verði.“
Gæði og gott verð
Svo eruð þið líka með vörur frá Habitat, ekki satt? „Jú, mikið rétt. Við vorum einmitt að fá nýja sendingu frá þeim, ofsalega flotta húsgagnalínu, sem er komin í sölu,“ svarar hún. „Þar á meðal sjónvarpsskenk og venjulegan skenk með rennihurðum, sem eru mjög töff og henta t.d. vel í rými þar sem ekki er pláss til að opna út hurðir. Habitat á sér langa sögu á Íslandi, búið að vera hér síðan 1984. Margir muna eftir fyrstu búðinni á Laugaveginum og versluninni í Kringlunni og eiga þaðan góðar minningar og hafa haldið tryggð við merkið enda sameinar það gæði og gott verð. Það var auðvitað það sem Habitat lagði upp með í upphafi.“
Vinsælir sófar
Að sögn Telmu eru síðan sófarnir frá litháíska vörumerkinu Vilmers sú vara sem nýtur nú einna mestra vinsælda hjá Tekk-Company. „Þeir eru mjög vandaðir og á góðu verði og til í alls konar litum og útfærslum, t.d. áklæðasófar, leðursófar og svo framvegis. Og fólki finnst alveg frábært að það skuli jafnframt vera hægt að sérpanta sófa og hvað það tekur skamman tíma að fá þá afhenta, bara einhverjar sex til áttar vikur.“
Aðstoð og fagleg ráðgjöf
Er hægt að fá ráðgjöf og aðstoð við val á vöru hjá ykkur? „Að sjálfsögðu. Við erum öll af vilja gerð til að leiðbeina og hjálpa fólki eins og með þarf og þar fyrir utan bjóðum við upp á fría heimsendingu á höfuðborgarsvæðinu. Ekki bara núna í þessu ástandi, heldur alltaf og þá keyrum við vöruna alveg upp að dyrum,“ segir Telma glaðlega og bendir áhugasömum á kynna sér betur tilboðin og vöruúrvalið á tekk.is