Rekkjan hefur verið starfandi í sölu heilsurúma yfir þrjátíu ár. Frá upphafi hefur Rekkjan lagt áherslu á að vera með framúrskarandi þjónustu og gæðavörur. Við litum inn til Kristjáns Þórs Jónssonar, starfsmanns hjá Rekkjunni, og fengum innsýn í vöruúrvalið á heilsurúmum og þjónustuna sem þar er í boði.
Eru þið með ákveðnar tegundir af rúmum sem skara framúr hvað varðar gæði og notagildi?
„King Koil-rúmin er gríðarlega þekkt vörumerki í Bandaríkjunum enda hafa þeir verið að framleiða rúm í 120 ár við góðan orðstír og eru alltaf að koma með einhverjar nýjungar. Svo eru það stillanlegu rúmin frá Ergomotion sem er einnig amerískt fyrirtæki. Í þeim eru sterkir botnar og mótorar sem endast vel. Svo má ekki gleyma náttúrulegu rúmunum frá Natura, þar sem er notast við latex, plöntusvamp og vottaða bómull og loks erum við með rúm frá sænska rúmframleiðandanum Carpe Diem. En þar eru rúmin sérpöntuð eftir þörfum og smekk viðskiptavinarins.“
Getur þú sagt okkur nánar frá King Koil-rúmunum sem eru ykkar aðalsmerki og hvaða kostum þau eru gædd?
„Þau eru til bæði einföld, góð og sterk heilsurúm sem og rúm sem bjóða upp á nýjungar eins og gel sem passar að dýnan elti ekki hitastig líkamans. Eitthvað sem sumum þykir æðislegt en það eru ekki allir að leita að slíku og vilja bara venjulegt gott heilsurúm.“
Bjóðið þið upp á margar tegundir frá fyrirtækinu King Koil?
„Við erum yfirleitt með fimm til sex gerðir af rúmum frá King Koil en það er stöðug þróun hjá King Koil og því koma nýjar týpur á um tveggja ára fresti. Allar tegundirnar eru með millistífu gormakerfi sem hentar fólki á bilinu 40 til 120 kíló. Í efsta lagi dýnunnar eru mismunandi stífleikar í mýkingunni sem fólk getur valið um, mjúkt, millistíft eða stíft. Þá kemur smekkur hvers og eins í spilið og þá svo lengi sem að mýkingin skiptir sér ekki af líkamsstöðunni.“
Þið leggið mikla áherslu á að viðskiptavinir ykkar velji rétta rúmið, bjóðið þið viðskiptavininum upp á þjónustu til að velja rétta rúmið sem hentar hans líkama og svefnvenjum best?
„Allt starfsfólk Rekkjunnar hefur fengið leiðbeiningar frá kírópraktor og sjúkraþjálfurum hvernig maður getur mælt út legstöðu hjá einstaklingum. Við viljum að fólk leggist í rúmin og við leiðbeinum því hvaða rúm myndi henta. Dýrasta rúmið í búðinni er ekki alltaf það besta,“ segir Kristján og brosir.
Í samstarfi við Rekkjuna
Myndir/ Hallur Karlsson