Þar sem Drottningarbrautin sveigir mjúklega hjá athafnasvæði siglingaklúbbsins Nökkva á Akureyri má sjá skilti sem á er letrað Höpfnersbryggja. Ýmsir hafa orðið til að reka hornin í skiltið en aðrir hafa varið það. Deilan stendur um nöfn. Er bryggjuheitið rétt?
Á þessum slóðum Nökkva var áður hafskipabryggja Akureyrar. Bæjarbúa létu allmikið með hana enda þá engin slík bryggja í Reykjavík sem skip gátu lagst upp að. Seinna var byggð önnur bryggja norðar og sveigð upp að hafskipabryggjunni stóru þannig að til varð góð smábátahöfn. Og nú greinir Akureyringa á um nöfn á bryggjunum tveimur – og þá um leið réttmæti áðurnefnds skiltis.
Mannlíf leitaði álits Jóns Hjaltasonar sagnfræðings sem hefur meðal annars ritað sögu Akureyrar í fimm bindum.
„Ég hef deilt um þetta við gamalgróna Innbæinga,“ segir Jón, „og sitt sýnist hverjum satt að segja. Nökkvi og Drottningarbrautin eru að hluta á gömlu hafskipabryggjunni sem athafnamaðurinn Otto Tulinius leigði forðum. Akureyringa voru því ekki seinir á sér að nefna bryggjuna eftir honum. Nyrðri bryggjan – sem ég hef heyrt kallaða Mjóubryggju – var hins vegar byggð fyrir lánsfé – sumir segja mútufé – frá Höepfnersverlun. Niðurstaðan er því auðsæ. Á þessu skilti þarna við Drottningarbraut á vitaskuld að standa Tuliniusarbryggja.“